زبدةالاشعار

آتدان یخوبلا اکبریوی کوفیان بابا #اکبریه

استمداد حضرت علی اکبر (ع)
.
✍️ زبدة الاشعار ✍️

?: @nohe_torki
.
مرحوم آصف تبریزی
.
آتدان یخوبلا اکبریوی کوفیان بابا
تیز گل هرایمه ئولورم مهربان بابا
.
گل باشیمی دیز اوستنه آل راحت ایت منی
آسان چخا که بلکه قوجاقنده جان بابا
.
وار انتظاری گورمسه بیرده جمالیوی
مشکلدی جاندان آیریلا مرغ روان بابا
.
گون ایسیسی بدن يارالی کربلا یری
نه بیرجه قطره سو و نه بیر سایبان بابا
.
از بس وروبلا اوخ منی دیلدن سالوبدولار
ساق یر بدنده اولماقما يوخ گمان بابا
.
چوخ کارگردی بو یارالار ئولدورور منی
کیمسه يوخومدی گوزلریمی باغلیان بابا
.
يوخ بیر دین جواندی داخی وورميون بونی
رحم ایلمزله حالیمه بو شامیان بابا
.
چیخ خیمه دن ایله که آنام گورمسون سنی
بولسه هلاک ایدر اوزین اول ناتوان بابا
.
میدانه من گلنده ایدوب شانه زلفمی
گورسون نجه که ایندی دولوب بیله قان بابا
.
(آصف ) نه حاله دوشدی اودم شاه کربلا
اوغلی دینده گل ئولورم مهربان بابا
.

#_شهادت
#
#
#
.
✍️ # ✍️

?: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی