زهرای دیگر قمدادی …
.
.
.
روح الله رمضانی ( خاکی )
.
آسمان عفته خورشیدخاور قمدادی
زینب علیایه عصمتده برابر قمدادی
.
بانوان #قم گرک اولسون حیاده بی بدل
طایر حجب و حیایه چون که شهپر قمدادی
.
خواهر شایستۀ سلطان ملک دین رضا
دختر ارزنده موسی بن جعفر قمدادی
.
سن دئنن علت ندور قمنان گلور خوش رایحه
من دیوم چون مرقد پاک و معطر قمدادی
.
سن دئنن واردی ندن آل عبانین گِئت گَلی
من دیوم چون خانه آل پیمبر قمدادی
.
عمه سینه سن دئنن مهدی گلور آیا قوناق
من دیوم شک ایلمه مهدی مکرر قمدادی
.
عشق آل مصطفادی باخ قومون اجلالینه
گور نه اندازه جلال و عزت و فر قمدادی
.
گئتممیش دار فنادن یاده سال محشر گونون
گل شفاعت قولین آل خاتون محشر قمدادی
.
وعده جنت قمون زوارینه ویرمیش خدا
زائراول،هرکیم جواز جنت ایستر قمدادی
.
مهبط اهل سمادی بو مقدس آستان
گاهی گویده مستقر گاهی ملکلر قمدادی
.
اولماسیدی بو حرم اولمازدی فیضیه بنا
بیر اونون یمنوندن علم فقه سنگر قمدادی
.
کسب فیض علم ایدوبلر محترم علامه لر
صاحبان اهل علم و اهل منبر قمدادی
.
مرعشیه عالَم رویاده الهام اولدی سن
عازم اول قم شهرینه زهرای دیگر قمدادی
.
ایرانین هر نقطه سینده اولسادا اهل ولا
گاهی گوزلر طوسیده گاهی اورکلر قمدادی
.
خبره بیر صراف حساب ایله بو دنیاده منی
تاپمیشام آختاردیقیم ارزنده گوهر قمدادی
.
جمعه کیم گلسه منی خادم لباسینده گورر
آذریلردن دیر بیر ” خاکی ” نوکر قمدادی
.
#حضرت_معصومه_مدح
#آسمان_عفته_خورشید_خاور_قمدادی
#رمضانی_خاکی
#ترکی #حضرت_معصومه
#زبدةالاشعار
نظر دهید