زبدةالاشعار

آفتاب عمرون کسوف ائدور آسمان محنتده قارداشیم #عباسیه_رحمان_جاهدی

زبانحال امام حسین (ع) بالین حضرت ابوالفضل(ع)
.
✍️ #زبدةالاشعار ✍️
.
🆔: @nohe_torki
.
#سبک_ساخلا_ناقه_می_کاروانیدن … 8 سبک
مشابه
.
حاج رحمان جاهدی
.
.
آفتاب عمرون کسوف ائدور آسمان محنتده قارداشیم
قالمیوبدی نوری غروب ائدور منتهای عزّتده قارداشیم
.
.
خیمه گهدن آلدیم حزین سسون آغلادوم او دم اولدوم اشکبار
بولدوم اشقیا ال تاپوب سنه ایلیوب منی بی معین و یار
گلمدی بلیم زینبیم ائدوب یاری اولموشام مرکبه سوار
وار یری الف قدّیم اولسا دال بیر بئله مصیبتده قارداشیم
.
.
بوشلیوب بو اندک سپاهیمی سایه سار و سرلشکر اولموسان
غیظیله امان نامه نی جیروب شهرت و وفاده سر اولموسان
غیرت و وفا و شرفده سن اشقیا دئیور حیدر اولموسان
مرتضی کیمی بی بدیلسن صولت و شجاعتده قارداشیم
.
.
عطر یاسیله بو فضا دولوب آگهم گلیب خیره النسا
قانلی عارضه اشک شوق آخوب نیلیوب آنام اولموسان رضا
اولمویا اوغول سسلیوب سنی فاطمه وئروب عشقوه بها
نخل آرزو خوش ثمر وئروب گلشن رسالتده قارداشیم
.
.
ساغرین سینوب هانسی باده دن میل ائدوب بئله هوشیاریسن
باده لر یادیندان چخوب کیمه سینه داغلیسان اشکباریسن
اولمیا او مظلومه نی گوروب قامتی کمان بی قراریسن
بس نه حاله گور مرتضی قالوب تا گوروب او حالتده قارداشیم
.
.
بس که زخم کاری دگوب سنه پاره مصحفه وار شباهتین
باش سینوب اولوب قولارین قلم یوخدی تنده سالم علامتین
بیر بئله جراحتله وار ولی ایندیده ادبده رعایتین
گل قیامه چوخ ایلمه تلاش نقصی یوخ ارادتده قارداشیم
.
.
ال تاپانمازیدی سنه قوشون آگهم که السیز گورونموسن
صدر زیندن ایله دوشموسن گوئیا ترابه بورونموسن
وار جبینده اوخ تکیه گاهیسیز صورتیله یرده سورونموسن
یرده رد خون فاش ائدر نلر چکموسن اوساعتده قارداشیم
.
.
نیلیوبلر اوخ نیزه داش آرا سن کیمی اوجا بوی سچیلموسن
تیغ تیزیلن اشقیا سنی زخمدار ائدوبدی بیچیلموسن
سن گلنده میدانه قامتین رشک سرویدی چوخ کیچیلموسن
یاخچی گلمیوب مهربان باجیم منله بو عیادتده قارداشیم
.
.
زورق امیدیم شکسته دور ساحل خطرده باتیب گِله
نطقه گل منیله دانیش اخا بو اوغولسوزون گویلون آل اله
سسلورم سنی کوفیان گولور ال چالور منه ایلور هلهله
دل یاراسی دلدن سالوب منی قلزم شماتتده قارداشیم
.
.
من نجه بو حالدا سنی گوروب زار و خسته اخیامه یول سالیم
قلبیمی ائله درد و غم سیخوب بولمورم گئدوم یا اخا قالیم
دوتسا گر رقیّم سراغیوی گویلونی نه عنوانیله آلیم
العطش عمو ذکرینی دئیور انتظار وصلتده قارداشیم
.
.
قوی دوروم گئدوم ایلیوم رها درد و غمندن اصغر آناسینی
صود امر یولون گوزلور حرمله چوخ یوباتمیوم ابتلاسینی
تشنه لیق آلوب تاب و طاقتون قورتاروم عطش ماجراسینی
تنگ اولوبدی گهواره اصغره قالماسین اسارتده قارداشیم
.
.
دوزدی اصغریم شیرخواریدور پیر عشقه رایجدی شهرتی
مقتداسی مُحسوندی یا اخا واردی اهل عشقیله رأفتی
ختم شعریده «جاهدی» اگر پاک آدون یازیب واردی علّتی
چون بولور بو باب الحوائجون دخلی وار شفاعتده قارداشیم
.
.
#عباسیه_شهادت
#آفتاب_عمرون_کسوف_ائدور_آسمان_محنتده_قارداشیم
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  قائم آلِ عباسن آقا قربانون اولوم #مهدیه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی