خروج از مدینه
.
✍️ زبدة الاشعار ✍️
.
🆔: @nohe_torki
.
سبک های مشابه :: حسین جان گل علمدارون… خداوندا الیم بوشدی …. ئوزوم گوردوم … بزن بر سینه و بر سر…
.
.
مرحوم صافی تبریزی
.
.
آنا اؤز اختیاریله
حسینون سندن آیریلماز
اگر ممکن اولا بلبل
یقین گلشندن آیریلماز
.
.
.
.
منیله یارآراسیندا آنا بر عهد و پیمان وار
ازل گوندن او عهدیله وارام جانیمده تا جان وار
باشیمدا نشئۀ ذوق هوای وصل جانان وار
جدا اوسته چکر شامه بو نشئه مندن آیلماز
.
.
.
شعاع جلوه وحدت ایدوب آئینه می روشن
گل مقصود آچوب قلبیم اولوب بر ساحت گلشن
وجودیم عین طور اولموش دولوب نوریله پیراهن
ترانی نکته سین تاپمیش گوگل ایمندن آیریلماز
.
.
.
یازیلمش بدو عالمده منیم حقیمده بر منشور
سروعده یتوب باشدان همان منشوردن وار شور
او فرمان اوسته باش ویرم که تا باشیز اولام محشور
اگر چه زینبیم مندنصورا شیوندن آیریلماز
.
.
.
منی ال دامن وصله یتورماق بهره مند ایلر
سوسوز باش ویرماقیم یکسر جهانی سر بلند ایلر
قلجلار جسمیمی دوغرار اگر چه بند بند ایلر
کسیلسه اللریمده بو ال اول دامندن آیریلماز
.
.
.
رضائیله گرگ لیلی علی اکبردن آیریلسون
سریه قاسمین ویرسون رباب اصغردن آیریلسون
الیم ایلدن قبیلمدن هامی یاوردن آیریلسون
غم ومحنت عیالوندان جفا دشمندن آیریلماز
.
.
.
اوزوم بر گلشن عشقم یانیمدا چوخ گلیم وار دور
نگاره تحفه بر دسته گلیله سنبیلم واردور
آنا عباس تک شمع امیدمحفلیم واردور
ایله سروردان آخر بیله گلشندن آیریلماز
.
.
.
آلور اطرافیمی آخر ودامده بلا کشلر
بریسی سس چکوب آغلار بری وا محنتا سویلر
بری قویماز دیرآیا عمو نیلوم من مضطر
قویا بیکسلری دشمن او پیراهندن آیریلماز
.
.
.
ویروبدور خنجر شمره قضا بر جوهر اولده
ولی شمر اختیاریله دوتار اول خنجری الده
معین قاتلم وار دورمن مقتوله مقتلده
او جوهرای آنا هرگز ایله آهندن آیریلماز
.
.
.
آناگیسون گرگ آل پیمبر جامه نیلی
سکینه عارضین قیلسون گل سوسن کیمی سیلی
اوسیلی رنگنون جانان یانندا واردی تفصیلی
اولونجا حشر بو رنگ اول گل سوسندن آیریلماز
.
.
.
گرک گیتسون قولی باغلی عیالون شام ویرانه
اولور باغ ارم رشگی خرابه آل عمرانه
ایدلر آهیله روشن دونر ویرانه رضوانه
صفای حقدن پرتو دل روشندن آیریلماز
.
.
.
محرمدور یوزه صافی توکوب اشگون روان ایله
گتورشوراوسته دنیانی تماما نوحه خوان ایله
مکرر ایله باش بیتی اوزئن ورد زبان ایله
آنا اوز اختاریله حسینون سندن آیریلماز
.
.
.
#سبک_علی_اصغر_مه_انور
(بیش از 7 سبک سینه و زنجیر)
.
.
#خروج_مدینه
#آنا_اوز_اختیاریله_حسینون_سندن_آیریلماز
#صافی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید