زبدةالاشعار

توحیدیه
.
✍️ #✍️
.
🆔: @nohe_torki
.
حاج زین العابدین امیدی (وافد زنجانی)
.
اسم اللهی ائدر تحریر خامه ابتدا
ختم اولار خیریله چون هر امر با نام خدا
.
اول خدائی که عدمدن خلق ائدوب عالملری
یوخدی ذات اقدسینه انتها و ابتدا
.
وئردی بیر نظم و نسق کل کُراته دست حق
سیر ائدولّر بیربیرینون دوره سینه بی بدا
.
کائناتی چشم قلبیله گورر هرنه که وار
شاهکار آفرینش راهداران هدا
.
گوش دل باز اولسا ایلر هر یارانموش استماع
لیس الّا هو گلور ذراتدن هر دم صدا
.
چون صفاتی عین ذات و ذاتدور عین صفات
ذات پاکی هرگز اولماز اوز صفاتیندن جدا
.
راحم و رحماندی، خلقه سفره ی احسان آچوب
روزی سین دنیاده بی منّت ییر شاه و گدا
.
بیر رحیم و مهرباندور، عالم عقبا یتر
مؤمنینه حضرتیندن بخشش و جود و نَدا
.
بو ربوبیت لباسی حضرتیچوندور فقط
کیمسه نون اندامینه گلمز بو زیبنده ردا
.
ما عرفناک بویورموش خاتم پیغمبران
بنده لوق حقین باشارماز بنده سی ائتسون ادا
.
خلق ائدوب انسانی اشرف کل موجوداتدن
سرمدی نوری اودور که ایلر انساندان بَدا
.
ایستدی تاپسون سعادت بو بشر کونینیده
انبیانی عالمه حکمتله ائتدی مقتدا
.
انبیادن برگزیده ایلدی بوالقاسمی
خاک پای پاکینه دنیا و مافیها فدا
.
سرور و سالار خلقتدور محمّد باالیقین
ذات باریدن گلوب اول حضرته طاها ندا
.
«وافدا» گر غصه دن دل کاسه سی لبریز اولوب
قیل تضرع درگه حقده اودور چون غمزدا
.

#
#
.
✍️ #✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی