عباس آقادی …
.
.
✍️ #زبدةالاشعار ✍️
.
🆔: @nohe_torki
.
.
مصیبی تبریزی
.
ایلین بیمه ولا نهضتین عباس آقادی
گسترن فرشه علی غیرتین عباس آقادی
ال سیز اثبات ائلیَن بیعتین عباس آقادی
اوجادان عرشه حسین رأیتین عباس آقادی(1)
فاش ائدن خلقه وفا آیتین عباس آقادی
.
.
آقادی ، سائلینی غملره مانوس ائله مز
شیعه سین دمخورِ جمعیت سالوس ائله مز (2)
قره کوینک گیئنی ئوزگیه پابوس ائله مز
بو علی اوغلودی درداهلینی مأیوس ائله مز
رفع ائدن هر مرضین علتین عباس آقادی
.
.
فلکین انجم سیّاری دی عباس ِ علی
یرلرین یل یل عیّاری دی عباس علی
گویلرین جعفر طیّاری دی عباس علی
مقتلین حیدر کرّاری دی عباس علی
ثبت ائدن سینه لره مدحتین عباس آقادی
.
.
هانسی سرداره بو دنیاده بئله یاور وار
هانسی لشگردی اونا بیر بئله سرلشگر وار
هانسی سرلشگره طوبا بئله بیر پیکر وار
هانسی پیکرده او قدرتلی اوزون اللر وار
پیکر ِ کفره ووران ضربتین عباس آقادی
.
.
عطر حِلّ و حرمی نشئه مشکاته دگر
سینۀ پاکی زلالیّت مرآته دگر
کویینون تربتی خاک در جناته دگر
یوزونون شعشعه سی گویده کی لَمْعاته دگر
پهن ائدن دهره قمر طلعتین عباس آقادی
.
.
لشگره قافله سالاریدی عباس علی
اوجا قامتلی علمداریدی عباس علی
تشنه لب قیزلارا غمخواریدی عباس علی
نهضته گرمی بازاریدی عباس علی
مُهر اثباته یتَن عزّتین عباس آقادی
.
.
کان احسان و سخا قبلۀ حاجات آقام
معدن جود و کرامات و مواسات آقام
عشقینی فاطمیه ایلین اثبات آقام
بو دلیل اوسته اولان شافع سادات آقام
ساخلیان زنده علی دولتین عباس آقادی
.
.
رگلرینده علوی قانی جوشان دور آقامین
شهرتی داغلاری داشلاری آشاندور آقامین
بادۀ عشقی ئورکلرده داشاندور آقامین
شرفه باشدا کی «تحلیقی» نشان دور آقامین (3)
بیر عمودیله آچان نیتین عباس آقادی
.
.
کربلا مُلکی بلا نارینه اودلانمازیدی
حیدرین اوغلی حسینون ئورگی یانمازیدی
نئجه اصحابی شهیداولجاق آقام سانمازیدی
او رسا قامت شاه شهدا سینمازیدی
سیندیران قارداشینون قامتین عباس آقادی
.
.
دایانوب فرقۀ اشراریله چون رو در رو
کشتی غیظی سالوب ساحل کفره پهلو
بحر هیجاسی گلوب موجه دِمان و حق جو
شاهبازی دی حریفی نئچه مینلر زالو
رجزی ثبته یتن جراتین عباس آقادی
.
.
دئدی من یار و معینم شه بی یاره بیلون
گچمرم ئوز هدفیمدن دگه مین یاره بیلون
یاریمین بیر توکونی وئرمرم اغیاره بیلون
اگرم باشی عموده نه جگرخواره بیلون
شاه دینین اوجادان رفعتین عباس آقادی
.
.
هاشمی گوهر ِ عزت ، ازلی کنزه منم
رَطل احساسی طلمساتی سالان رمزه منم
بوحسینون یاراشان گوزلرینه غمزه منم
ضربت شستیمه اذعان ائده سیز حمزه منم
حمزه نین یاده سالان صولتین عباس آقادی
.
.
من سفیر پسر زانیه رهبر دئمرم
من نه بوبکره نه ده ثانیه رهبر دئمرم
قان توکن بی شرف وجانیه رهبر دئمرم
ئولرم ، زادۀ مرجانیه رهبر دئمرم
پوزمیان شهرت و حیثیتین عباس آقادی
.
.
جنگ صفّینیده پیکاریمی سیزگورمه میسیز؟
پهنۀ عشقیده ایثاریمی سیزگورمه میسیز؟
اود سالان قبضه زنگاریمی سیزگورمه میسیز؟
بو اوزون حیدریقوللاریمی سیزگورمه میسیز؟
صرف ائدن دین یولونا قدرتین عباس آقادی
.
.
سوزلرین کیم ائشیدوب تخت هویٰ دن اندی
تیغ جوّالی بیلوبلر کی نهنگ افکندی
بولدیلر تا ، بو علی اوغلی یل مُتقندی
هره بیر داش دالیسیندا سورونوب گیزلندی
طاق ائدن هنگ جفا طاقتین عباس آقادی
.
.
لشگره حمله وراولموش یل ِ خاور گئدوری
خیبری ییخماقا گویا خود ِحیدر گئدوری
بو قاباقدان گلوری دال دالی لشگر گئدوری
داغیلوب لشگر کین میمن ومیسَر گئدوری
عترتین حفظ ائلین شوکتین عباس آقادی
.
.
دئمورم گوردی نه لر یل یل نام آور دین
جوت قولون بیرگوزونی بذل ائلیوب عین یقین
بیرعمودین دمینه وئردی باشین شمس مبین
اول عمودین سسینه گلدی یره روح الامین
پوزان ارکان هُدیٰ حالتین عباس آقادی
.
.
آه اودمدن کی دوشوب توپراقا سردارحسین
بویانوب باشدان آخان قانه علمدارحسین
آز قالوب سُست اولا گرمیّت بازار حسین
آز قالوبدی بوکوله رقعۀ طومار حسین
توپراق اوستونده آچان صحبتینعباس آقادی
.
.
سویله دی قارداشا؛قارداش یتیش امدادیمه گل
اود وروب آتش کین خرمن آبادیمه گل
گل من آسوده وئروم باشیمی جلادیمه،گل
گل کی زهراده گلوبدور یته فریادیمه،گل
بذل ائدن فاطمیه خدمتین عباس آقادی
.
.
اوجالار آه « مصیّب » چاتار افلاکه بوگون
یازار آغلار یارالی پیکر صد چاکه بوگون
بیروجودی کی آت اوستن دوشنوب خاکه بوگون
اونون ال سیز بدنی طعنه وُرار تاکه بوگون
بیر بالا قبره سالان الفتین عباس آقادی
.
.
(1)رایت:پرچم
(2)سالوس: ریاکار
(3)تحلیق:ازجملۀ اعمال حج که همانا گرفتن موی از سر حاجیان می باشد
.
.
.
.
#عباسیه_مصیبی_تبریزی
#عباسیه_مدح #عباسیه_شهادت
#ایلین_بیمه_ولا_نهضتین_عباس_آقادی
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید