زبانحال عروس فاطمه سلام الله علیها
.
✍️ زبدة الاشعار ✍️
?: @nohe_torki
.
مرحوم محمد حسن تابع دین تبریزی
.
ای اولان گل کیمی خندان
وای عم اوغلی وای عم اوغلی
طوی حناسی اولان القان
وای عم اوغلی وای عم اوغلی
.
عروسم
باشیما کولر الندی
بدنون قانه بلندی
.
.
.
بلمورم هانسی غمونده ایلیوم ناله و افغان
عمّن آغلور آنان آغلور بو نه طویدور سنه قربان
بو نه عالمدی اولوبسان طوی گونی قانیوه غلتان
عروسم
باشیما کولر الندی
بدنون قانه بلندی
.
.
.
گورماقا تازه عروسی شوق و ذوقیله گللر
قرمزی گل گوتوره للر حجله گاهوندا سپلر
بو نئجه طویدی گلنلر گوز یاشین گوزدن اللر
عروسم
باشیما کولر الندی
بدنون قانه بلندی
.
.
.
مجلس عیشیدی بلمم یا کی بیر بزم عزادی
نار فریاد و بکادن نه فلک یانسا سزادی
قونشولار بیر بیره سویلر بو قیزون بختی قرادی
عروسم
باشیما کولر الندی
بدنون قانه بلندی
.
.
.
تازه داماد اگر ئولسه اونا دلسوزلاری آغلار
سس چکر بزم غم ایچره هجله سین قیزلاری آغلار
نو عروس قاره گیونسه گویون اولدوز لاری آغلار
عروسم
باشیما کولر الندی
بدنون قانه بلندی
.
.
.
جسموین نقشی عم اوغلی پوزولان گلشنه بنزر
آغلیان بلبلی چوخدی هانسی بلبل منه بنزر
مجتبانون گلوسن سن هانسی بیر گل سنه بنزر
عروسم
باشیما کولر الندی
بدنون قانه بلندی
.
.
.
پوزولوب گلشن جسمون سارالوب غنچه دوداقون
باشیوین قانی سوزولموش قانه باتموش ال ایاقون
قتلگاهوندی عم اوغلی دئگوروم یا طوی اتاقون
عروسم
باشیما کولر الندی
بدنون قانه بلندی
.
.
.
آتش فرقته یانّام هر بلایه دوزرم من
قانلو باشون هارا گئتسه دالیسجا گزرم من
گر وطن قسمتم اولسا طوی اتاقون بزرم من
عروسم
باشیما کولر الندی
بدنون قانه بلندی
.
.
.
باشیوین درد و بلاسی کاش گلیدی من زاره
پیکرون یاره سی گلمز سانا مانند ستاره
بطنوه بیر یارا دگمیش منی ائتدی گونی قاره
عروسم
باشیما کولر الندی
بدنون قانه بلندی
.
.
.
«تابع دینی» دعا ائت غمی دلدن اولا زایل
چوخ سیخور گردش دوران ائدیری طی منازل
نه گوزل طرزیله یازدی سوزونی ایلدی کامل
عروسم
باشیما کولر الندی
بدنون قانه بلندی
.
.
.
#سبک_عروسم_باشیما_کوللر_الندی
.
#قاسمیه_شهادت
#ای_اولان_گل_کیمی_خندان
#تابع_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید