داستان قبور متبرکه ائمه بقیع (ع) وخاطرات شاعر با آیة الله مرحوم اراکی در مدینۀ منوّره( سال ۱۳۵۰ )
.
.
.
حاج غلامرضا عینی فرد زنجانی
.
.
ای بقیع ای تپراقی سرچشمۀ عرفان بقیع
توتیادور گوزلره گرد رهون هر آن بقیع
.
.
دورد امامین سنده وارقبری ولی پوزقون دولار
شیعه لر گورسه او قبرستانی دیوانه اولار
گه ورار باشه گهی سینه او ئورک غملن دولار
جان و دلدن سسلنر جانلار سنه قربان بقیع
.
.
سال پنجاه ایلیردوم من زیارت دلغمین
آیة الله اراکی واریدی زار و حزین
دوره سین آلمشدی عالم لربرعده اهل دین
تپراق اُسته گوردوم اگلشدی بله انسان بقیع
.
.
اوچ زبانیلن اوخوردوم ترکی و فارس و عرب
تا اولا تفهیم حجّاجه ندور اشکه سبب
بر زمان گوردوم منی اول باوقار ایتدی طلب
ایتدی فرمایش جزاک الله ایدوب عنوان بقیع
.
.
ایتدی فرمایش اوخورسان شکّ و تردیدیله سن
مرثیه زهرایه اوغلوم؟ عرض قیلدوم اوندا من
سزلرون فرمایشین مطرح ایدور اهل سخن
بعضی قوله جسم زهرایه ویروب اسکان بقیع
.
.
بعضی راوی بین محرابیله منبردن دیور
بعضی سویلور اوز ایوینده دفن اولوب مُتقَن دیور
بعضیلر امّا دینده ایلیور شیون دیور
حضرت زهرایه اولدی مدفن و رضوان بقیع
.
.
ناگهان گوردوم بویوردی عالم نیکو مرام
ئورگش #عینی_فرد مندن یادگار اولسون کلام
عرض قیلدوم امر ایله امرون مطاعدور والسلام
شاهدیمدور بو سوزه حجّاج دُر افشان بقیع
.
.
ایتدی فرمایش علی زهرانی غسل و کفن ایدوب
نصف شب آغلار گوزیله گتدی بوردا دفن ایدوب
عرض قیلدوم مدرک؟ اوندا ناله و شیون ایدوب
بُلدی واردور غفلتیم ایلوب منه احسان بقیع
.
.
لبلرینده بیر تبسّم اشک چشمیلن ووروب
بیر نهیب عارفانه بندیه بیردن ووروب
اجتهادیم مدرکیمدور، ایلدی اعلان بقیع
.
.
حوزه درسی سن اوخورسان وار سراغیم ای جوان
عرض قیلدوم عذرخواهم ای فقیه عارفان
مطلبی ویردی ادامه آغلیوردوم همچنان
سویلدی یاخچی دیورسن علمده اصلان، بقیع
.
.
مدرکیم بر عاطفی سوزدور که فطرت اوندادور
مرد و زن ایستر بیوک اولادی حکمت اوندادور
حضرت زهرانون اوّل اوغلی نیت اوندادور
مجتبادور اولموش الان بو شَهَه میزبان بقیع
.
.
حضرت زهرا بلوردی ظلم الیله مجتبیٰ
جان ویرر قویمازلا جنب مصطفاده دفن اولا
حمل اولار خاک بقیعه اوخلانار حتّی بالا
جایگاهی حشره تک اوندا اولار ویران بقیع
.
.
ایلدی زهرا وصیّت بوردا دفن ایتدی علی
قالماسون تنها حسن راه هدایت مشعلی
بر الین پهلوسینه قویدی دوشنده بر الی
دردینی حیدردن ایلردی بله پنهان بقیع
.
.
پس خانم زهرا بقیعده دفن اولوب ایوای بزه
خوش او شیعه حالنه بو قبرلر اُسته گزه
گوزیاشی ایکی گوزوندن توزلی رخساره سُوزه
پابرهنه سر برهنه سینه سی سوزان بقیع
.
.
ای بقیع ای فاطمه آرامگاهی آغلارام
عرشه قوزاندی خانم زهرانون آهی آغلارام
ریشه کن ایتسون خدا قوم تباهی آغلارام
منتقم اوغلی چکه شمشیرینی برّان، بقیع
.
.
بو گونون مثلینده تخریب ایلدی دشمن سنی
آغلادوبدور تپراق آلتدا یاسمنلن سوسنی
گون قاباقنده قالوبدور اولیانون مأمنی
سایه بان یوخدور اسور یل ایلوری طوفان بقیع
.
.
نفرین ایلر هر قوشون گر آشیانین پوزسالار
دورد امامین پوزدولار آرامگاهین اهل نار
حضرت مهدی گلر بر گون اورا آباد اولار
هی باخور آغلور گورور اولموش ایوی ویران بقیع
.
.
سسلنر بو شیعه لر اَینَ مُعِزُّ الاولیا
عَجَّلَ اَللّهُم سسلر مرد و زن اهل ولا
کعبه دن مهدی گلر رسوا اولار قوم دغا
آغلاروق مولا گلنجه جان سنه قربان بقیع
.
.
#ای_بقیع_ای_تپراقی_سرچشمۀ_عرفان_بقیع
#ترکی
#زبدةالاشعار
.
نظر دهید