زبدةالاشعار

ای شاه کربلا اولا روحیم فدا سنه #حسینیه_دلریش

ای شاه کربلا …
.
✍️ زبدة الاشعار ✍️
.
🆔: @nohe_torki
.
مرحوم دلریش
.
ای شاه کربلا اولا روحیم فدا سنه
وئرمیش نقدر صبر و تحمل خدا سنه
.
بیر جان بو قدر محنته تاب ائتسون ای عجب
حیران قالوبدی صبریده شاه و گدا سنه
.
گلسه خیاله هر ستم و هر جور و هر جفا
کرب وبلاده ائتدیلر اهل جفا سنه
.
بولمم باشوندا شور نه عالمده دور سنون
وئردی صفای قلب یتوب هر بلا سنه
.
سن ایسته سن بلانی همیشه بلا سنی
باعث اودور که مدفن اولوب کربلا سنه
.
چوخ باش کسوبله لیک قفادن کسیلمیوب
مختصدور بو اسم ذبیحاً قفا سنه
.
هانسی شهین قویوبدیلا باشین کول اوستونه
هرگز سزا دگولدی او مطبخ سرا سنه
.
بزم شرابه گئتدی باشون بو بس اولمادی
وئردیله یر، عنادیله طشت طلا سنه
.
قول باغلى اهل بیتین ایاق اوسته ساخلادی
ائتدی عجب محبت او تخم زنا سنه
.
زینب باخا باخا لبیوه ووردی خیزران
ائتدی بئله نوازش او شوم و دغا سنه
.
بیر تار موی اکبره اولماز عوض یقین
گر عالمینی وئرسه خدا خون بها سنه
.
یاددان نئجه چیخار بو ستم روز حشره دین
اوز ساربانون ایلیه بیله جفا سنه
.
وحش و طیور ایچدی فراتین سویون عدو
سو وئرمدیله ای شه گلگون قبا سنه
.
وئردون رواج قانیله شرع پیمبره
عشق عالمینده کیمدی یتیشسون شها سنه
.
هانسی بدنده بیر بئله زخمه اولوبدی تیر
دورت مین ووروبلا بیر بیری اوستن یارا سنه
.
بیر بیله کاری زخمیله سویدیلا رختیوی
ظلم ایلدوقجه اولدی جری اشقیا سنه
.
زینب دولاندی قتلگهی تاپدی جسمیوی
بیر حسرتیله باخدی او بختی قرا سنه
.
عرض ائتدی هانسی محنتیوه آغلیوم حسین
گوردی بو ظلم هانسی ستمگر روا سنه
.
قارداش او کهنه پیرهنونده سویوبدیلار
قان آغلارام ئولونجه من بینوا سنه
..
#حسینیه_مدح
#حسینیه_شهادت
#ای_شاه_کربلا_اولا_روحیم_فدا_سنه
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  دوز عاشق اولسان اگر روزگاره باخمازسان

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی