زبدةالاشعار

یا مهدی

# #
.
✍️ # ✍️
.
🆔: @nohe_torki
.
مرحوم
.
ای ولیِّ عصر یاصاحب زمان
هارداسان پیغمبر اوغلی هارداسان
.
.
هارداسان ظلم و ستم حدّن چخور
اهل حقی منجنیق غم سخور
دین ایوین صوری مسلمانلار یخور
هارداسان پیغمبر اوغلی هارداسان
.
.
سن اوزون آگاه سن بومطلبه
تولیوب خلقی جلال و دبدبه
دین اسلامی ایدوبلر ملعبه
هارداسان پیغمبر اوغلی هارداسان
.
.
ای یگانه پرتو مشکوة حق
آل اجازه حقدن ایت اثبات حق
پایمال کفر اولور آیات حق
هارداسان پیغمبر اوغلی هارداسان
.
.
خالقِ عالم حقِ جان آفرین
دعوتین ایلر اجابت مضطرین
رخصت آل یخ ایولرین ظالملرین
هارداسان پیغمبر اوغلی هارداسان
.
.
بیر جماعت بیلموری قرآن ندور
چاره سیز درده اولان درمان ندور
حق ندور باطل ندور ایمان ندور
هارداسان پیغمبر اوغلی هارداسان
.
.
بیر جماعت قشر دیندن چکمور اَل
واجبات دینه ده ورسا خلل
مستحبّاته گرک ایتسون عمل
هارداسان پیغمبر اوغلی هارداسان
.
.
ای حقیقت اهلینه پشت و پناه
میر دیوانخانۀ عدل اِلاه
بیکس و مظلومه سنسن دادخواه
هارداسان پیغمبر اوغلی هارداسان
.
.
پردۀ غیبتده دل رنجورسن
ابر ظلمتده ایشقلی نورسن
دیدۀ اهل ولادن دورسن
هارداسان پیغمبر اوغلی هارداسان
.
.
هارداسان جانلار سنه اولسون فدا
یرده قالدی انتقام کربلا
آغلوسان بو باره ده صبح و مسا
هارداسان پیغمبر اوغلی هارداسان
.
.
آغلاروخ هجرونده سینه داغلاروخ
صورته سیل سرشکی باغلاروخ
عمّه وه سن آغلاسان بیز آغلاروخ
هارداسان پیغمبر اوغلی هارداسان
.
.
# #
.
.
داد او ساعتدن گلوبدور شیونه
سسلدی قارداش باجون قربان سنه
قولّاریم باغلی اسیرم دشمنه
هارداسان پیغمبر اوغلی هارداسان
.
.
نه روادور گل اسیر خار اولا
اهلبیتون باغلیوبلار قول قولا
یاتما دور غم کاروانین سال یولا
هارداسان پیغمبر اوغلی هارداسان
.
.
ایله دون سن عالمه اثبات حق
سندن آلدیم منده تعلیمات حق
ایلرم هر یرده تبلیغات حق
هارداسان پیغمبر اوغلی هارداسان
.
.
کهنموئی ایله اصلاح عمل
ایله مه اسلامی سنده مبتذل
عرض ایله یاسیدی امداده گل
هارداسان پیغمبر اوغلی هارداسان
.
.
# #
#
#
#
.
✍️ # ✍️
.
🆔: @nohe_torki

نظر دهید

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی