ای گرفتار بلا فریاده زهرانی چاغیر #فاطمیه_رمضانی_خاکی

زهرانی چاغیر
.
✍️ #زبدةالاشعار ✍️
.
🆔: @nohe_torki
.
#رمضانی_خاکی
.
ای گرفتار بلا فریاده زهرانی چاغیر
دردون اولسا بی دوا فریاده زهرانی چاغیر
.
بیل طبیبی واسطه اخلاصیلن گل بزمینه
ایسته زهرادن شفا فریاده زهرانی چاغیر
.
سائله بذل ایلیوب لیل زفافینده دونون
اول اوخاتونه گدا فریاده زهرانی چاغیر
.
حاتم طایی گدادی درگهینده، چون اودی
منبع جودو سخا فریاده زهرانی چاغیر
.
فاطمه یول گور سدندی سنده آی ابن السبیل
باخما حیران ساق صولا فریاده زهرانی چاغیر
.
بو عم اوغلی عم قیزی هردرده درمان ایلییر
یا علینی سسله یا فریاده زهرانی چاغیر
.
حب زهرائیله طوفاندان مسلم ساحله
چیخدی نوح نا خدا فریاده زهرانی چاغیر
.
چون بیلوردی سوندورر زهرا به فرمان به خدا
دوشدی ابراهیم اوتا فریاده زهرانی چاغیر
.
اولدی زهرا نون آدیلا حضرت موسی یقین
شانلی دریادن رها فریاده زهرانی چاغیر
.
سسلدی یا فاطمه گوردی الینده ناگهان
اژدها اولدی عصا فریاده زهرانی چاغیر
.
گورسه زهرانی چوخ ایستور، حشریده ختم رسل
آشنا سسلر یادا فریاده زهرانی چاغیر
.
اهل محشر کی قالار روز جزا زارو حزین
سس گلر یا مصطفی فریاده زهرانی چاغیر
.
ویژه لطفی واردی زهرا نون بو اهل هیئته
اولما هیئتدن جدا فریاده زهرانی چاغیر
.
کیم گدوب زهرا یولون خاکی سعادتمند اولوب
آدینه عالم فدا فریاده زهرانی چاغیر
.
#فاطمیه_مدح
#ای_گرفتار_بلا_فریاده_زهرانی_چاغیر
#ترکی
.
✍️ #زبدةالاشعار ✍️
.
🆔: @nohe_torki