زبدةالاشعار

# در 6 بند از ولادت تا شهادت امام حسین (ع)
بند 1 : در وقایع ولادت امام حسین (ع)
بند 2 : در فضیلت مولود مبارک آن حضرت
بند 3 : در فضایل وجود مبارک آن حضرت
بند 4 : در فضیلت عزاداری و زیارت آنحضرت
بند 5 : در اخبار قبل از شهادت آن حضرت
بند 6 : منظرۀ طوفان عاشورا و شهادت امام (ع)
.
✍️ # ✍️
.
🆔:@nohe_torki
.
مرحوم یحیوی اردبیلی
.

✔️ بند ۱
بویوروب ام الائمه ثمر نخل زکیه او خانم زهره ی زهرا آدی صدیقه ی کبری او زمانی که حسین اوغلوما من حامله اولدیم ائشیدیردیم اوجادان صبحده تسبیح سسین ظهرده تقدیس سین شامده تکبیر سسین هر گئجه لر منزلیمی نوری اونون روشن ائدردی ائله که خوابه گئدردیم ایکی نورانی صفت شخصی گورردیم که اوخور آیه ی قرآن منی چون بیرده بابام احمد مختار گلوب ذکر کلام الله ائدن وقته وئرردی سس حسینیمده اونا زاده ی حیدردی
.
حسین سیّم شعبانیده یثربده قدم قویدی جهانه دوغولوب حضرت عیسی کیمی یحیا کیمی شش ماهه حسین جان پیمبر که اونون قابله سی اشرف حورائیدی لعیا یتیشوب حضرت خاتم شرف زمره ی آدم دئدی با حالت خرم گتورون سیز منه فرزندیمی دلبندیمی من رؤیت ائدوم عرض ائلدی حضرته لعیا وئر اجازه اونا تا غسل ولادت وئرک اوندان صورا تسلیم حضور ایلیک ای سید بطحا دئدی لعیایه ایکی وقته منیم اوغلومچون غسل یوخ اصلا بیری دنیایه گلنده بیری قبره قویولاندا او که دنیابه گلوب پاکدی، پاکیزه دی، بی نقصدی بی عیبدی هم سالم الاعضا او که رحلت ائده جک دوغراناجاق جسمی سراپا اولاجاق قانیله حمرا اونوچون غسل دور أوز قانی که افضل دی من الماء او منیم نور دو عینیمدی عزیزیم دی حبیبیم دی ائدر دینیمی احیا
.
علم حقی اوجالدور ییخیلان وقتیده حقا او مبارک ولدی بوکدیله بیر جامه ی دیبای سفید ایچره آلوب حضرت طاها باسوب آغوشینه رأفتله اوپوب ساغ یوزینی صول یوزینی هر ایکی شهلا گوزینی سالدی مبارک دلینی آغزینا فی الجنّةِ نهرا من لبن ظاهر اولوبدور لِعلی و حسین و حسن هفته ده بیر دفعه سر انگشت رسول مدنی دن ایکی ایل امدی حسین شیر صفا پاک غذا باعث او دور که بویو رور جدی محمد وَلدی لَحمک لَحمى دَمک عین دمائی
.
بو حدیث علنی دور که حسین سود یئمه ییب عورت و یا دایه و یا قابله حتى آناسیندان بئله که اولدی کفایت اونا انگشت و لسان نبوی تغذیه سی نشو و نما ایلدى أول جسم نبی عضو نبی خون نبی روح پیمبر
.
.
.
✔️ بند ۲
در فضیلت مولود مبارک آن حضرت
.
ابی عبدالله حسین نفساً أمام ابن امام اخ امام باب امام جدّالائمه شرف آدمیان شاه جوانان جنان فرش مکین عرش مکان جسمی اونون روحده جان روحی أونون سرّ نهان پایه ی گهواره سینه بوسه ائدن روح الامین طیر برین
سید اصناف ملائک آدی جبریل حسین خادمی حکم حقیلن آلدى حسینون أله قونداقیتی پرواز ائلدی گوگلره تا عرش برینه آپاروب قله ی افلاکه وئروب طلعتی زینت هامی دوقّوز فلکی یدّی گوگی یدی بهشتی دولانوب اهل سماوات و جنان أئندی او مولودی زیارت او ملک که او فرشته که او حورا که او غلمان که یتیشدی الى قونداق حسینه ائلیور فخر و مباهات منم زایر مولود حسین دفعه ی اول که أننده یئره طاووس ملائک نئچه مین صاحب شهپر
ملکیلن گذری دوشدی جزیره ایچینه فطرس خوشبخت ووروب چنگ توسل اولارا گلدیله درگاه حسینه یوزینی قویدی او قونداق شریفه گوگروب شهپری گلدی یئریته حرمت مولود حسین رحمت حی و ازلی دن
.
ملک فطرس او گوندن بئله عهد ایلدی هر کیم ائده شاه شهدا قبرینی عمرینده زیارت او کسی روز قیامت یتوره سایه ی طوبای حسینه تاپا تا فیض شفاعت هر او شخصی که # و # ائده یاد حسینی او و ی یتوره فوراً حسینه حرمینده نئچه مین فوج ملک گونده مجاور ایلیور ذکر دعا و # اجرین حسین شیعه لرینه وئروب البته ذخیره أولونور محشر کبرایه قوتارسان اولاری زحمت حدّتدن او گون حالت وحشتدن حسین شیعه لرون اول لب عطشانیوه هم قانیوه هم جانیوه قربان اولا یکسر
.
.
.
✔️ بند 3
در فضایل وجود مبارک آن حضرت
.
.
دئدی اصحابه رسول مدنی گر دوتا هر کیمسنه که دوست حسین و حسنی دوست دوتوبدور أولاری دوست دوتان کیمسه منی روز قیامت اولور همسایه منه روضه ی رضواندا ائدر عیش و حیات ابدی هم بئله که # عربده حسنینی او جلالتده نبی چگنینه میندیردی أئدوب ریشنی افسار وئروب ساغدا حسن صولدا حسینون الینه قیلدی مخاطب حسنینی نه گوزل ناقه دی ناقوز بلی سیز اشرف هر ناقه سواران عربسوز سیزون البته آتاز فاضل و أشرفدور ایکوزدن ایاقین قویدی منیم چگنیمه اندیردی یئره بتلری تا بیت خدادن علم کفری یاتیردوب علم دینی اوجالتدى پس او پیغمبر اکرم ائلدى هروله اوچ دفعه یوزین دوتدی سمایه دئدی العفو الهی یتیشوب وحی خدا سن ائله سون بو سؤزی تکرار اگر محو ائدرم لوح گنه کارلری اوز شرف و قربتیوه منصب عبدیتیوه اوغلون حسین و حسنون حرمتینه بخش ائدرم مشرک و کفارلری تابع زنّارلری ثبت اولونوب وصف حسینده گنه اخبار صحیحه ایگیرمی بش فقره حج پیاده عمله گتدی حسین عوض ایلدیلر نیه چون خوف واروندور او خداوند رحیم و صمد و لم یزلی دن دئدی اللهیدن هر کس که اولا خائف و ترسان بو دنیا ده قیامتده اولور خوفدن ایمن
.
خبر دیگره باخ علم حسین علم پیمبردی حسین صورت و سیرتده شباهتده نظیر نبوی دی گئجه لر لوح جبینیندن اونون نور چیخاردی که او نوریله تانوردی لار أونی اهل مدینه یارادوب خالق بخشنده حسین نوری ایله جنت الاعلانی حسین علت ایجاد جناندور گتوروب روح الامین حضرته بیر سیب بهشتی اونی ایلردی حسین دائم انیسیدی او سیبیله او گون که عطش ائتدی غلبه حضرته میدان بلاده یاخون اولدی عطشیندن دوشه مرکبدن او دم دیشله دی بیر دفعه او سیبی بویورور سید سجاد او گون که بابامون نعشینی داخل أئلدیم قبرینه قویدوم لحدین اوندا همان سیب بهشتون أئلدیم عطرینی ادراک اونا شاهددی که زوّار سحر وقتی حسینون حرمین درک ائلیور صاف و معطّر.
.
.
.
.
✔️ بند ۴
در فضیلت عزاداری و زیارت آن حضرت
.
.
بویوروب حضرت صادق هر او شاعر که حسین مرثیه سینده ائده بیر بیت سؤز انشا أونا بیر بیت بهشتی وئره جک مالک میعاد اولا هر کیمسه عزادار حسینه دیه نوحه هم أوزی آغلیا یا آغلادا یا سس قوشا آواز بکایه اوزینی اوخشادا یا اهل عزایه گوزینون یاشی دگه کیپریگینه پرّ مگس قدری اونا جنت و فردوسدی واجب کرم و لطف حسیندن گئده جک قصر بهشته بوله هرکیمسه حسین تعزیه دارینه نئجه یئر وئره جک باری تعالی نئجه نعمت وئره جک حی و توانا أو عزادارون اولور شادلوقی چوخ آغلاماقیندان نفس حزن و غم آلوده ی احباب حسین جزء عبادتدی اطاعتدى الاهِ احد و حی و ودوده
.
بویوروب حضرت خاتم ائلیه اوغلوم حسین قبرینی هر کیمسه زیارت اون اوچون یتمیشه دین حج ثوابی دی بشارت تاپاجاق خیر و سعادت نئچه مین فوج فرشته گئجه گوندوزده موکل دی حسینون حرمینه اولور هر گونده عوض فوج ملائک یرینه نازل اولور فوج علی حدّه که تا روز قیامت بو طریقیله بو ترتیبیله أفواج ملک صُعد و نزول ایلیه جک قبر حسینه او مکان قبر حسیندور وار او تربتده شرافت اودی دروازه ی جنت اورادور ارض سعادت اورادور بیت حقیقت اورادور مهد هدایت أورادور جای زیارت اورا محراب عبادت
.
#
.
اورادور روح قدس اندی سمادن یئره پرورده ی زهرانی گوروب قان آراسیندا ییخیلوب مقتله معبودینه عرض ایلوری یا قاضی الحاجات منیم تعزیه داریمه منیم شیعه لریمه قیل اوزون رحم و عنایت اولاری بخش ائله بو حالیمه که عامل پیمان الستم گوتوروب تاجینی جبریل باشیندان یئره ووردی دئدی ایوای منیم مایه فخریم حسین وای مکرر
.
.
.
✔️ بند ۵
در اخبار قبل از شهادت آن حضرت
.
.
بو سؤزی حضرت سلماندی دئیور اولدی حسین ابن علی چون متولد هامی گوگلرده اولان اهل سماوات گلوب محضر اعلای رسول اللهه تبریک دییَندن صورا وئردیله خبر قتل حسینی دئدیلر تسلیت و تعزیت اول ماتم عظماده گتوردیله حسین مقتلینون تربتینی اوپدی پیمبر ائلدی ناله و نفرین حسینون هامی قاتل لرینه وئردی نتیجه بئله که هر بیری قاتل لرینون بیر مرضه اولدی گرفتار و غضب کرده بیری ابرص و خوره بیری دیوانه و مجنون بیری مسخ اولدى قرالدی بیری دوشدی اودا یاندی بیرینی نیشه ی عقرب بیرینی تیشه ی خدمت بیرینی تیغ فتوّت بیرینی دست حقیقت بیرینی دام اسارت بیرینی دار عقوبت آپاروبدور آرادان شمر و سنان حرمله و خولی و سعد اوغلی زیاد اوغلی عبیدالله ملعون و شقی منقذ و حجّاج لعین نوفل نامرد و حصین دوتدیلار نیراندا مکان مست شراب اولدی یزید ابن زنا یاتدی گئجه صبح آچیلوب گوردیله بیر قیر سیه گون کیمی یأنمیش کوله دونمیش بدنی لذت و بهره آپارا بیلمدی اوز سلطنتیندن
.
بو روایتده علی حدّه روایتدور علی حیدر و صفدر گذر ایلردی او شه کوفه ده بازار آراسیندان نظری دوشدی عمر سعده بویوردی گورورم بیر گونی بو کوفه ده مختار عبید ثقفی نی بو عمر سعد دن ایستر بالامون قانینی یا ایها الاصحاب
.
کچوردی گینه ده بیر گون او حضرت طرف کرب و بلا دن دئدی عیناً گورورم أوغلوم حسینون ییخیلان مقتلینی اکبرینی اصغرینی قارداش عباس هنر پرورینی من گورورم هاردا یاتیردوب دوه سین هاردا ووروب خیمه لرین هاردا دوشوردوب حرمین هاردا بالام دفن اولاجاق فخر ائله ای کرب و بلا کعبه ی حقه توکولور تپراقوون اوسته حبیبان خدا قانلاری سنده یاتاجاق پیکر مردان خدا بیرده بویوردی حسن ابن على لا یَومَ کَیَومَک آتامون اوغلى حسین جان کسه جک لر سنی قربان سو کنارینده لب عطشان
.
.
بودا بیر آیری خبر دور که رسول مدنی بیر گون اوشاق وقتی حسینی چاغیروب سؤیلدی گل سینه مه ای دیده ی زنبور حکما کلمه مرموزی ائدوبلر بئله معنا چیبی نین مردمک دیده سینون دوره سی قرمزدی مشبّک اونا تشبیه ائلیور اوغلی حسینون بدنین حضرت طاها او نبی الله حسینون بوغازین سینه و نافیندن اوپردی دوداقین آلنین اوپردی بویوراردی اوپرم نیزه و شمشیر یئریندن کسه جک حلقوی خنجر
.
.
.
✔️ بند ۶
منظره ی طوفان عاشورا و شهادت امام
.
او زمانی که حسین دوشدی آنیندان یئره خورشید کسوف ایلدی دنیا قرالوب باد سیاه اسدی تمام عالمی توز باسدی یاغوب قرمزی تپراق ایله طوفانیدی که گوز گوزی گورمزدی بولودلار چاتاشوب بیر بیرینه ظاهر اولوب صاعقه لر تتردی یئر داغلارا دوشدی حرکت درّه لره دوشدی صدا یاپراقینی توکدی آغاجلار میشه لر جنبش ائدوب رعشه و لرزش ائلدی دشت و بیابان و دمن جوش ائلدی قلزم و دریالر او گون چوللرون آهولری حیواناری اوز اوتلاماقیندان چکوب أل گوگده اوچان قوشلار أنوب یئر یوزینه سسلنوب آتلار دوه لر کرب و بلادن او جالوب صیحه و شیهه فلکه دولدوروب آفاقی هیاهو سسی سسلر قاریشوب بیر بیرینه محشر کبرا کیمی بیریان باش آچوخ فوج رسولان او طرفده ملکوت اهلی دئیور کلمه ی تکبیر چیخوب گوگلره ناله بو طرف جن و پری زمزمه سی گریه سی بیر یاندا قشون هلهله سی خیمه سرادن چیخوب اول وقتده بیر دسته زنان طایفه ی پای برهنه هاموسی زلفلر آشفته غبار غمه پیچیده سراسیمه گئدورلر طرف قتلگهه خورداجا قزلار اولارون ردی ائله تند قاچورلار دیه سن قوشلار اوچورلار دوتوب حیرت قؤشون اهلین اولاریچون یول آچورلار یتیشوب گوردیله شمر ایستیور اقدام ائله سون قتل حسینه هاموسی دوره لدی شمری قسم وئردیله اللهه که گل ال چک حسیندن داخی اینجبتمه حسینی ساغالان یاره دگیل یاره لری یاره سینه عترتی قربان آپاروبدور اونی آلقان سن اونی قتله یتورمه گوروسن حقه وئرور جان بو کشاکش ثمره وئرمدی او شوم دغادن یئره سس گلدی سمادن که حسین قتله یتیشدی عجبا طالع اولوب نیزه ده خورشید منور

.
.
#
#_مدح
#
#
#ترکی
.
✍️ # ✍️
.
🆔:@nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی