زبدةالاشعار

خروج از مدینه و گریز به حالات ام سلمه علیه الرحمه
.
✍️ # ✍️
.
🆔: @nohe_torki
.
مرحوم انور اردبیلی
.
ترک یثرب ائلدى موکب شاه شهدا
اکبرون طوى اطاقین قفل ائلدی دست قضا
اوزونه چهرۀ ماتم دوتوب او غملی سرا
عوض ائتدی او ایوین جبر زمان منظره سین
یل اسو بدور سسه گتدی قاپوسین پنجره سین
.
.
گرد غم صحن سراده اوجالوب خیمه وروب
سر دیواره سنه جغد مصیبت أوتوروب
بُهتلی واهمه لی حاله دوشور وقت غروب
نصب اولوب بامینه گویا غم و محنت نشانی
نه حیاطین سوپورن وار نه چراغ یاندیرانی
.
.
ائله خلوتدی او منزل نه صدا وار نه ندا
نه خانم وار نه کنیز و نه غلام و نه آقا
قطع أولوب زمزمۀ یا حق ارباب صفا
چوخ پریشان گیجه سی غم گتورن گوندوزی وار
نه سکینه سوزی نه نازلی رقیّه، سوزی وار
.
.
شکل ویرانه تاپوب خانۀ آباد بتول
بیر اطاقینده فقط وار ایکی محزون و ملول
بیری صغرا بیریسی همسر غمگین رسول
بیری ناخوش بیلن اولماز نقدر غم چکدی
بیری اما قوجالوبدی ایوه آق بیرچکدی
.
.
ایکی بیچاره نی سالماز بیری بوش ایوده یادا
نه پذیرایی ائلین وار نه قوناق وار ابدا
گونوز آخشاما کیمی گوزلرى قالمیش قاپودا
غمه پیچیده دل افسرده اورکلر دولی قان
باشلاری غم دیزی اوسته اوتوروبلار نگران
.
.
حال صغرایه مواظب خانم أمّ السلمه
او علیله دیور اکبر آدینی هر کلمه
قوی باجون ئولسون على سن هله نیلک گلمه
غصه دن قلبی بو صغرانون هاچان دینجلدی
نه ئوزون گلدون آتام اوغلی نه نامون گلدی
.
.
من همان عشقیده که واریدوم اوّلده وارام
سنون عشقونله بو غمخانه ده دورّام یاتارام
گلمسون من بو مرضدن بیلورم توختامارام
حسن دیدارون على نسخۀ لقماندی منه
الیوی قویسون اگر آلنما درماندی منه
.
.
بیر ائلون آیریلقی بسکه چتین مرحله دی
ایکی غمکش گیجه گوندوز یوزه اشکین اله دی
بیری قارداش دئدی تئزتئز بیریسی یا ولدی
همسر ختم نبی میر حرم دلخواهی
بیر گیجه خوابیده درک ائتدی رسول اللهی
.
.
چوخ پریشاندی دوتوب صورتینی گرد و غبار
آغاران خدّینه کپریگ سانی گوز یاشی آخار
نعلین سیزدی عباسیز دی نه عمامه سی وار
منجی نوحی خیال ایلدی طوفانه دوشوب
گمیسی باتمش ئوزی دشت و بیابانه دوشوب
.
.
عرض قیلدوم دیور أی سید والای بشر
کشف ائله بیر گوروم هاردان گلوسن دیدہ سی تر
باش آچ بسان منه ده علّتینی ایله – خبر
سنده وار سلم و رضا حکم قضا و قدره
نه غمون واردی چوخ افتاده گلور سن نظره
.
.
سببی واردی بویوردى بئله چوخدور مُحنیم
کربلاده خبرون یوخدی سارالدی چمنیم
اوغلوما نامه یازانلار ایویمی یخدی منیم
جگریم پارچالانوب غصه دن امّ السّلمه
فاطمه اولدی قرا پیرهن أمّ السّلمه
.
.
واردی حقیم ئوزومی من بئله بیر حاله سالام
روحیم افسرده لنوب دشت و بیاباندا قالام
ایکی نهرون آراسیندا سو دئدی یاندی بالام
أوغلوما پیک اجل جام شهادت وئردی
امّتیم یاخشى منه مزد رسالت وئردی
.
.
سویدی شام اهلی گوزل یوسفیمون پیرهنین
قبره تاپشوردوم او صحراده مشبّک بدنین
مونس قبر ائلدیم اکبر شیرین سخنین
شمع ایوان وفا باد مخالفله سونوب
ویردیگیم تربته گیت باخ نجه گور قانه دونوب
.
.
باخمادی شمر دنی قزلاریمون گوز یاشنا
قویمادى نوحه دیسون هر باجی ئوز قارداشنا
من دیمیشدوم که یتیمون چکیلر ال باشنا
نه روا محور غم تنگ اولا اولدوزلاریما
باغلیوب قول قولا قمچی وورالار قزلاریما
.
.
#
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی