زبدةالاشعار

خروج کاروان حسینی از حجاز به سمت کربلا
.
✍️ # ✍️
.
🆔: @nohe_torki
.
حاج رحمان زنجانی
.
حسین جوانلارینی ائتمگه فدا گتورور
بلی بلایه دیوب شاه کربلا گتورور
.
حجازی ترک ایلیوب شهریار ملک حجاز
بلا دیارینه یتمیش بیر آشنا گتورور
.
آچوبدی مرغ قَطا تک پَر محبتینی
یغوب بالالارینی شهپر آلتنا گتورور
.
اولوب جلای وطن آشیانه آختاروری
تاپا او قافلیه جای باصفا گتورور
.
او غملی چوللری طیّ منازل ایلور امام
کمکلرینی دوزوبدور ساقا صولا گتورور
.
او کاروانیله عباس باوفا گلوری
دوتوب الینده شکوهیله بی رلوا گتورور
.
بتوله نایبه زینب گلور وقاریله
حسین اونی ئوزونه یار باوفا گتورور
.
جهاندا رسمیدی اوغلی اولا اگر آتانون
آتاسنون گوزونه آرتورار ضیا گتورور
.
دوشوبدی چوللره لیلا علیّ اکبرینی
وئره حسین الینه بیر گوزل عصا گتورور
.
سریّه قاسمه یولدا دیور اورک سوزونی
حسن نشانه سینی گورنه دلربا گتورور
.
اون اوچ یاشندا بالا عزّ و نازیلن گلوری
او نازنین بالانی گور فلک هارا گتورور
.
رباب ادبلیدی دالجاق گلور قوجاقینده
علیّ اصغرینی معدن حیا گتورور
.
یانندا بیر قیزی وار اوچ یاشی اولار اولماز
شیرین، شیرین دانشور دلده آه و وا گتورور
.
او اولدوزون آدی عالمده دللر ازبریدی
تفکر ایله اورک گور کیمه رضا گتورور
.
او کاروان که گلور بیر ایشیقلی اولدوزی وار
باخاندا هر گوزه رخساری انجلا گتورور
.
آتاسینوندا اونا چوخ علاقه سی واریدی
محبت اهلینه بو سوزلریم بکا گتورور
.
ایله گوزل بالادی یوخ نظیری دنیاده
آدی رقیه دی هر درده مین دوا گتورور
.
غرض گلور گجه گوندوز او قافله یولونی
اولار گلور ولی آردیجا ابتلا گتورور
.
کسیلسه چاره سی هر دردمند و محتاجین
یانندا چاره ائدن نچّه مه لقا گتورور
.
حسین بو سوزلروین « #» قاتوب دوزونی
محبت اهلی او دوزدان بیر آز دادا گتورور
.
.
# #
#
#
# #
.
✍️ # ✍️
.
🆔: @nohe_torki

چه میخواهید ؟

Search
Generic filters
Filter by Custom Post Type

محل تبلیغ برای شما

در تلگرام یا ایتا به اکانت زیر پیام بفرستید

alibabirpour

دسته بندی درختی