شهادت حضرت امام جعفر صادق علیه السلام
.
.
#سبک_ای_ویرن_ویرانه_یرده (2 سبک )
.
.
مرحوم محمد حسن تابع دین
.
.
حضرت صادق غمینده گلمیشوخ شور و نوایه
تسلیت وئرّوخ بو غمده حجّت ذات خدایه
.
.
عمرونی ایلوب سراسر عالمِ اسلامه خدمت
بیر وجودی که آلاردی خلق اوندان فیض و رحمت
ظلمه باخ ایله وجوده ائتدیلر بی حد اذیت
صبر ائدوب دؤزدی دایاندی جمله درد و ابتلایه
.
.
دودمانینده دیردی درس قرآنی او سرور
حیف اولا قلبین ائدوبلر درد و غملردن مکدّر
چوخ جفا ایلوب امامه جبریلن منصور کافر
نقش اخفا چکدی آچسون بلکه حضرتدن کنایه
.
.
ایستدی منصور بی دین قالماسون ظلمینده نقصان
ایلدی مظلوم امامین قلبینی بیر لاله تک قان
قتلینه اقدام ائدوبدور عاقبت اول نسل شیطان
جبریلن دعوت ائدوبدور اول شهی دولت سرایه
.
.
ظلمه باخ گور بیر نئدوبلر بیر نفر مظلوم امامه
بزم منصوره گلنده اولمادی باشدا عمامه
باش آچوخ وارد اولوبدور دل آچوب اول دم سلامه
کبریدن آلموب سلامین دل آچوبدور ناسزایه
.
.
بو بس اولموب کی سلامین آلمادی اول پست فطرت
ساخلادی حال قیامدا اول شهی بیر نچه ساعت
ایستدی مظلوم امامی ئولدوره اول بی مروّت
جنت اعلاده گلدی فاطمه نی تک نوایه
.
.
قتلینه اقدام ائدوبدور اول شهون منصور کافر
نچه دفعه ال آپاردی تیغ تیزه اول ستمگر
ایستدی قتله یتورسون دادینه گلدی پیمبر
سویلدی ای کینه پرور آچما ال بیله جفایه
.
.
گوردی بو اعجازی دوشدی قلبینه بیر اؤزگه وحشت
منصرف اولدی ایشیندن ائتمدی بیر بیله جرئت
ایلدی احضار حضوره گوستروب آرتوخ محبت
احترامیله او شاهی قیتروب دولت سرایه
.
.
بیر نچه دفعه بو شاهی زار و دل مغموم ائدوبلر
حقّینی الدن آلوبلار ظلمیله مظلوم ائدوبلر
عاقبت مظلوم امامی زهریله مسموم ائدوبلر
دار فانیدن بو نوعی یولّانوب دار بقایه
.
.
ایلمیشدی بیر وصیت اوغلونا شاه مدینه
عزتیله اول وصیت بیر به بیر گلدی یرینه
شیعه لر باجادی یانسون حشره تک مظلوم حسینه
قالدی اوچ گون قوملار اوسته قدسیان گلدی نوایه
.
.
قتلگهده گوردی زینب قارداشون عریاندی جسمی
نالیه گلدی گوروبدور ظلمیله شان شاندی جسمی
حق یولوندا ذبح اولونموش گوئیا قرباندی جسمی
#تابع دین جانی قربان اول ذبیحاً من قفایه
.
.
.
.
#صادقیه_شهادت #صادقیه
#حضرت_صادق_غمینده_گلمیشوخ_شور_و_نوایه
#تابع_تبریزی
#ترکی
#زبدةالاشعار
نظر دهید