زبدةالاشعار

دور یاتما ایتگین قبریده ، باغری دونن قانه آنا #حیدریه #حیدر_خسروشاهی

در شهادت حضرت امیرالمومنین علیه السلام
.
✍️ # ✍️
.
🆔: @nohe_torki
.
# … 5 سبک
.
مرحوم حاج #
.
دور یاتما ایتگین قبریده ، باغری دونن قانه آنا
ئولدی آتام ، گل کوفیه شامِ غریبانه آنا
.
.
شوره گلن بلبل نجه گلشن سرانی آختارار
ماتم زده انسان نجه شور و نوانی آختارار
غم یوز ویرنده رسمدور هر قیز آنانی آختارار
گل گور ننوعی زینبون غمدن گلوب جانه آنا
.
.
ای ماهِ یثرب کوفه ده شاهِ ولایت یاسیدور
امّت امامین ئولدوروب تیز گل امامت یاسیدور
ظالملره اولسون خبر ، حق و عدالت یاسیدور
مظلوملر گلسون گرک بو غمده افغانه آنا
.
.
نورِ هدانی کوفه ده قومِ ضلال ئولدوردولر
جهل اهلی شورا قوردولار فضل و کمال ئولدوردولر
مفهومِ انسانیّتی ، شِبهُ الرّجال ئولدوردولر
دنیا بویی نسگل اولا آزاده انسانه آنا
.
.
کاشانه میز باشدان باشا باخدوقجا غم آثاریدی
گر چه آتام هر محنته بیر نقطهء پرگاریدی
اما بیزه سندن صورا بیر مهربان غمخواریدی
غمخواریمیز الدن گیدوب ، پوزقوندی کاشانه آنا
.
.
گر چه مصیبتدن آخار رخساره اشکِ حسرتیم
شرحِ ملالیمدن سنه زحمت دگولدی نیّتیم
گل گور آناسیزلار نجه اولدی آتاداندا یتیم
آخماز نجه گوز یاشلاری حسرتله دامانه آنا
.
.
گر چه خلاص اولدی آتام رنج و مصیبتدن بو گون
قورتولدی شاهِ اولیا آزارِ امّتدن بو گون
اما گرک ماتم دوتا عالم بو محنتدن بو گون
گلمز بابام مثلی داهی بو کون و امکانه آنا
.
.
ایرمی بش ایل دوزدی آتام جور و جفای امّته
بو مدّتی حسرت قالوب بیر اهلِ دل هم صحبته
دردِ دلین چاهه دئدی ، باخ نسگله ، باخ حسرته
وورماز بو نسگللر مگر اود قلبِ سوزانه آنا
.
.
حیرتده دی فکر ایلین چرخین روال و گردشین
باطل لره دوران ویروب ، حق اهلینون اگدی ایشین
اولدی علی تک ایش بیلن ، ایللر بوئی خانه نشین
دنیا یوزون تنگ ایتدیلر ، اول شاهِ مردانه آنا
.
.
فریاد او ساعتدن اولار ، دشتِ بلا مسکن منه
نه ماجرا نه کشمکش وار اوردا واضحدور سنه
مخیَم یانار ، مقهور اولار آلِ پیمبر دشمنه
گَل اوندا همدم اولماقا جمعِ پریشانه آنا
.
.
بانی سی «اصغر مونسی» اولدی ازل بو نوحه نین
بیزدن عنایت اولدی تا بو طرزیله یازدی «حزین»
آللاهدان ایسته اونلارا قسمت اولا بیر اربعین
اولسونلا زوّار ، حرمِ شاهِ شهیدانه آنا
.
.
#_شهادت
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی