زبدةالاشعار

راه شام – زبانحال حضرت رباب (ع)

#
.
✍️ # ✍️
🆔: @nohe_torki
.
حاج صمد قاسمپور (صمد)
.
دگدوقجا قانلی زلفوه باد سحر على
سنبل کیمی جمالوه تل تل دوزر على
.
الدن آلار بو بیکس آناوین قرارینی
اولدوقجا تار و مار او گیسوی تر على
.
بولّم داهی بو قانلی سفردن قیتمسَن
اولدی همیشه لیق سفرین بو سفر على
.
گئتمه دئدیم اوغول گوز ائویمدن اوزاق یئره
چوخدور بو چولده قورخلی صیادلر على
.
باش دوتمیان سوز اولدی سوزوم گئتدون عاقبت
قیلدی نشانه حلقوی تیر سه پر على
.
آخدی آخار سولار نئجه بیهوده چوللره
سن ایچماقا تاپولمادی بیر مختصر على
.
آخر آیردی بیربیریمزدن فلک بیزی
اولدی آنان قیامته جان در بدر على
.
سنله یارالی چوخ گئجه عالملریم اولوب
بیرده آنان او عالمی هاردا گورر على
.
سود اولمیوبدی اوچ گجه دی سس سسه وئروب
سن آغلیب من آغلامشام تا سحر على
.
آچ قان دولان گوزون بیر اویان خواب نازدن
دور گور قالیب نه حاله بو شوریده سر على
.
دوشسه سو جامینه نگران گوزلریم اگر
سولموش جمالوون سودا نقشین گورر على
.
گهواره وی اوغول نچه مدتی توز باسیب
پاک ایلیر غبارینی مژگان تر على
.
ناز ائتمه بو قدر منه ای نازنین بالا
آخر بالا آناسینه بیر سس وئرر على
.
دوشموش ندن بئله چوخورا قانلی گوزلرون
معلوم اولان عطش ایلیوب چوخ اثر على
.
دیداریمز اوغول داهی قالدى قیامته
اوندا آنان سو جامی الینده گلر على
.
یاندون ولی سو ایسته ماقا اولمادی دلین
بو نسگلون ربابیله قبره گئدر على
.
گوز داغی ایله وئردی فراتین سویی منه
واللهی ائتمرم سووا بیرده نظر على
.
بیر اوخ یامان چووردی اوغول روزگاریمی
بوندان بیله منیمده دونرگم دونر على
.
سن بزم یاره یارولی گندون گوله گوله
قویدون غریب أناوی بو چولده ملر على
.
باغریم کیمی فراتیده قانه دونیدی کاشی
وئردی بو سو منه نئجه خون جگر على
.
دیرناقلارون قالیبدی یئری داغلی سینه ده
سندن ربابه قالدی فقط بیر اثر على
.
بیر سوت أمر گورنده پریشان اولور گوگل
مجروح سینم اوسته یئرین گورسنر على
.
هر گون سنون خیالیویله بو غریب آنان
قنداقوون بوشون گه آچیب گه بلر على
.
لای لای دئیر رقیه باجون سوز و سازیله
بوش گاهواره وی گئجه لر ترپدر على
.
سندن صورا صفالی یئری مسکن ائتمرم
چوللرده خوش گونوم گون ائوینده گچر على
.
اَمدون عجب دگول اوخی میدان عشقده
عطشان وصل سو یرینه قان ایچر على
.
باد صبا دگنده اوغول قانلی تللره
الله بولور رباب نه حاله دوشر على
.
.
# #
# # #
#
#
.
✍️ # ✍️
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دومین کنگره شعر محرم

محل تبلیغ برای شما

در تلگرام یا ایتا به اکانت زیر پیام بفرستید

alibabirpour

دسته بندی درختی