زبدةالاشعار

رقیّه چارم اولسا کربلایه گئتمرم سنسیز

کوچ از شام
زبانحال حضرت زینب (س) در سر مزار حضرت رقیه (س)
.
✍️ زبدة الاشعار ✍️
.
🆔: @nohe_torki
.
مرحوم حافظی تبریزی
.
رقیّه چارم اولسا کربلایه گئتمرم سنسیز
گَلوب نی تک نوایه کربلایه گئتمرم سنسیز
.
.
گیده بُلسن آپارّام قویمارام تک بو ولایتده
قالوب روحیم داریخسون بو دیار دار غربتده
دولانّام غملی قبرین باشینه هر آن و ساعتده
اورکده اولماسون مندن گلایه گئتمرم سنسیز
.
.
بلالی عمّه وی چوخدا قیزیم نامهربان بُلمه
سویرم چوخ سنی، آز ایسترم ایتمه گمان بُلمه
منیم جسمیمده جانسان اولماسان جسمیمده جان بُلمه
نه بزم جشنه نه بزم عزایه گئتمرم سنسیز
.
.
الیمده اختیار اولسا دیار شامیده قالّام
مزارون اوستونه شال عزا تک زلفیمی سالّام
دوشنّم قبریوه سندن حسینین عطرینی آلّام
اگر گیتسمده دشت غمفزایه گئتمرم سنسیز
.
.
اُپوب توشه گوتورسِیدیم دویونجا گوز قاشوندان من
گوتورمزدمیم بلالی باشیمی تیز باش داشندان من
ملامت اولماسا چونکه خجلم قارداشوندان من
مزار اکبر گلگون قبایه گئتمرم سنسیز
.
.
محبّت آتشی یاندوقجا دیگ دل گَلور جوشه
دولانّام باشیوه ای سرور دینه جگر گوشه
اوزوملوق اولسا بو غملی مزارون آلّام آغوشه
محلّ دل گشا و باصفایه گئتمرم سنسیز
.
.
اولا ممکن سنی من قویمارام تنها بو منزلده
بودور مقصود و منظور و مرام و مقصدیم دلده
گوزوم اوسته آپارّام، نه قوجاقیمده نه محملده
حضور خامس آل عبایه گئتمرم سنسیز
.
.
نجه شوریده بلبل قویسالار گلشندن آیریلماز
اوزینه جذب ایدر آهن ربا آهندن آیریلماز
قیزیم واللهی عمّنده باشارسا سندن آیریلماز
قالوب غربتده کوی آشنایه گئتمرم سنسیز
.
.
قسم بو قبریوه جانیم عزیزی دویمادیم سندن
ولی ترک ایتماقا مجبورم آخِر، اینجیمه مندن
اگرچه دردمندم حاجتیم درمانه وار غمدن
بُلم امکانی وار دارالشّفایه گئتمرم سنسیز
.
.
بیله فکر ایتمه گیتسم درد الیندن بیرده دینجلّم
خدنگ آهیله قلبین هامی اهل دلین دَلّم
فراموش ایتمرم، سندن اوتور شامه گینه گَلّم
فنانی ترک ایدوب مُلک بقایه گئتمرم سنسیز
.
.
گَلنده شامه شیرین دل قیزیم سن گَلموسن مندن
حسیسنین جانینه اولسون قسم دونمور یوزوم سندن
امانتسن حسینیمدن، سنه قربان اولا عمّن
اولا ممکن او صحرای بلایه گئتمرم سنسیز
.
.
ویروبدی بیر بیره آلتی برادر قول مردانه
حسنله عسکری قاسم حسین که گیتدی زنجانه
نصیب اولسا خدای ذوالکرم ال آچسا احسانه
دیوبله «حافظیه» کربلایه گئتمرم سنسیز
.
.
#
#
#
#
.
✍️ # ✍️
.
🆔: @nohe_torki

نظر دهید

دسته بندی درختی