زبدةالاشعار

زینبم قارداش بلایه روز خلقتدن خوشام #وداع_انور_اردبیلی

وداع امام با خواهر (ع)
سوال و جواب
.
✍️ #زبدةالاشعار ✍️

🆔: @nohe_torki
.
#سبک_زینبم_جان_اوستیم … 4 سبک
.
مرحوم انور اردبیلی
.
.
زینبم قارداش بلایه روز خلقتدن خوشام
سن شهادتدن خوش اولسون من اسارتدن خوشام
.
.
اهل بدعت ایستوری اسلامده تغییر اولا
دین چخا اوز محوریندن عکسنه تفسیر اولا
نحس رؤیالر گرکدور ضدینه تعبیر اولا
دلخوشام منصور دینه نقص بدعتدن خوشام
.
.
کوه حرّاده رسالت نوری اولدی جلوه گر
فتنه دن قورتاردی آفاقی بابام خیر البشر
چهرۀ زیبای دینی ایستیور دوتسون کدر
قیمت جانیمله احیای شریعتدن خوشام
.
لطف ایدوب زهرا آنام تک حق منه شأن و وقار
عالمه اولموش باجون عالمده بی آموزگار
روحیمی آشفته ایتمز مشکلات روزگار
مالکم راه حقیقتده ریاضتدن خوشام
.
.
اتّحاداً جانمز عزت تاپوب جانانیدن
رمز توحید آلموشوق بیر مبدأ سبحانیدن
زندگی برنامه میز تعیین اولوب قرآنیدن
چوخ گوزل برنامه دور حکم حقیقتدن خوشام
.
.
ایلدون روشن بو صحراده عدالت مشعلین
شعله سیندن واله اولدی آخرین و اولین
بسکه ذی نفعیدی سوؤدا زینبون قاتدون الین
چون بلوردون سن کیمی بسط عدالتدن خوشام
.
.
ارثدور قارداش شجاعت مرتضی اولادینه
اعتراض ایتمک همیشه دشمنون بیدادینه
کربلایه گلمشوک بیز جدّیمون امدادینه
سوز بیزیمدورحق بیزیمدور من بو صحبتدن خوشام
.
.
شوقیله درک شهادت ایتدی هم پیمانلارون
ساحت حقده قبول اولدی گوزل قربانلارون
ترک ایله قزلاروی گوزلور سنی اوغلانلارون
دوزمزیدوم هجریوه امّا بو فرقتدن خوشام
.
.
عاشق غمدور ازل گوندن دل غم پروریم
اشک چشمیم قطره سیله آشنادور معجریم
نیلورم من قاره زلفى قوى آغارسون زلفلریم
شهرتیم امّ المصائبدور مصیبتدن خوشام
.
.
لاله زار اولسون گرک عالمده عشقون گلشنی
باغبان بلسون بو گلزاره هامی سنله منی
یولّورام بزم نگاره کهنه کوینکله سنی
هانسی خلعتدن خوش اولسون من او خلعتدن خوشام
.
.
عشقنه هر رخت جور اولسا گرک عاشق گیه
آرزومندم بو عشقه آفرین الله دیه
ذوالجناحوندن دوشن ساعت دوشرسن سجدیه
عاشقم شکرانۀ پرشور وحدتدن خوشام
.
.
صبح صادقده نمازی خیمه ده ایتدون أدا
قیل نماز ظهری بزم یاریده ای مقتدا
اقتدا ایتسون أو رونقلی نمازه انبیا
مقتلی محراب طاعت قیل عبادتدن خوشام
.
.
هر وصیت که ایدوبسن خاطریمدن آتمارام
هر قدر اولسام پریشان زلفمه ال قاتمارام
ناگران اولما رقّیون یاتمینجا یاتمارام
زمرۀ ایتامه اظهار محبّتدن خوشام
.
.
خیمه لردن آیرلاند آغلاما دلشاد گیت
زینبی اللهه تاپشور غصه دن آزاد گیت
مرکب مرگی مینوب سویله مبارکباد گیت
گوز یاشیم آخسون دالونجا اشک حسرتدن خوشام
.
.
خیمه لر که آشیان ائتمش اونی عورت اوشاق
یانمارام گر اود ووروب یاندیرسا اشرار عراق
درسیمی زهرا وئروبدور الّى ایل بوندان قباق
بلمرم یانماق ندور سوز حرارتدن خوشام
.
.
قان ایچینده ال اوجالد ای شاه حرّیت روش
زینبی اوردا دعا ائت ساربانون گلمه مش
ختمه یتسون شامده مثبت نتیجیله بو ایش
زندگیده حاصل پرارج نهضتدن خوشام
.
.
بی مروتدور اگرچه شمر ظالم ثانیدن
زینبه اما نه پروا آتش سوزانیدن
همتیم یوخ گوز گتورسم دیده تر نسوانیدن
بلمرم زحمت ندور هر گونه زحمتدن خوشام
.
.
زبانحال امام (ع) با مصرع اول زیر
#عاشقم_من_عالم_عشقون_هواسین_خوشلورام
.
#حسینیه_وداع
#زینبم_قارداش_بلایه_روز_خلقتدن_خوشام
#ترکی
#مردان_جاوید
.

متن پیشنهادی:  زینبون غربتده قارداش جان ویرور جان آختارور #زینبیه_ذهنی_زاده

.
✍️ #زبدةالاشعار ✍️

🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی