زبدةالاشعار


.
✍️ # ✍️
.
🆔: @nohe_torki
.
مرحوم عابد تبریزی
.
شاماتی تیره شام ایلدیم دود آهیله
پوزدوم یزید شوکتنی فر و جاهیله
.
بیت الصنم ده نغمۀ توحید باشلادیم
موجه فضای شام گلیب یا الاهیله
.
حکم حجابی ایلدی تنفیذ عترتون
مستور ایدوبله مه یوزی زلف سیاهیله
.
نیلی و ارغوان اولالی جسملر دولوب
دین گلستانی هم گلله هم گیاهیله
.
بیزده غرورفیض شهادت عیان ولی
هند اوغلی قید نفسده حال تباهیله
.
چوخ سعی ایدردی گیزلده واضح شکستینی
تجدید اشتباه ایلیوب اشتباهیله
.
قرآن اوخوردی دینه تظاهر ایده ولی
رسوا اوزون ایدردی دلیل و گواهیله
.
قرآن اوخوردی لیک اوزی مست و خرابیدی
تاریخی روسیاه ایلدی بو گناهیله
.
تطبیق ایدردی جهلیله آیات منزلی
بیدادیله حصوله یتن بیر رفاهیله
.
باللهی ایتدی قلبیمی مجروح خیزران
رخساروی گورنده او خونین شفاهیله
.
سالدیم ایله تزلزله ارکان دولتین
گویا که تند باد اولوب توش کاهیله
.
سیندیردی منطقیم او دنی اولدی لاجرم
مغلوب قاره معجره زرین کلاهیله
.
زندان غم عجب دگی سجاده یوسفون
وار نسبتی هر آئنه ظلمات چاهیله
.
خوشدور حدیث عشق و محبت بیان ایدم
تا تاپمیا کدر اورگون دود آهیله
.
بیر ریاضت هجرانه دوزموشم
مانوس اولوب یانان اورگیم خانقاهله
.
درد دل ایتمیشم گجه گوندوز حسین من
گه قرص آفتابله گه نور ماهیله
.
گه کربلا دیارینه ملک دمشقدن
گوندرمیشم سلام نسیم پگاهیله
.
.
گه قتلگاهی بعد مسافتله گورموشم
سیر ایتمیشم جمالوی طی نگاهیله
.
دل ملکی عشقیله اولی تسخیر اولا بلی
نه زور و قدرتیله نه فوج سپاهیله
.
«عابد» حسین دامنینی ایلمه رها
کسمه علاقه خسرو عالم پناهیله
.
آختار امید ساحلی غرقاب فتنه ده
فلک نجاتیله نه تلاش و شناهیله
.
قورتولدی عمر خواب جهالتدن آچ گوزون
جبران ایله او غفلتی بو انتباهیله
.
ایله علاج دردیوه تا واردی فرصتون
شور ولایتیله دل عذرخواهیله
.
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی