زبدةالاشعار

امام با خواهر (ع)
سوال و جواب
.
✍️ # ✍️
.
🆔: @nohe_torki
.
# … 4 سبک
.
مرحوم انور اردبیلی
.
.
عاشقم من عالم عشقون هواسین خوشلورام
گلشن وصلین باجی زینب صفاسین خوشلورام
.
.
عارفان حقچون بزم ولادور کربلا
سر تھی زاهدلره اول بزمدن یتمز عطا
وصف جنّت ایله سه زاهد دیر عارف اونا
من حسین بن علینون کربلاسین خوشلورام
.
.
شهدیدن شیریندی هر عشّاقه عشقین اولی
اولمیان کامل بلا گورسه قاچار آخر ولی
عاشق جانباز و صدیق و صبورم من بلی
عشقمون هم ابتدا هم انتهاسین خوشلورام
.
.
چخدی ازّل گون سعادت قرعه سی اقبالیمه
هر قدر رخنه یتورسه دشمن استقلالیمه
سجدۀ حقّه گیدن باشیم باش اگمز ظالمه
بیر اولان اللهمون حمد و ثناسین خوشلورام
.
.
منظقیم تسخیر عقل ایلر اولار گیتی ستان
مرد اولان الهام آلار بو نهضتیمدن هر زمان
مقتدر ظالملری مرعوب، ایدر وئرمز أمان
من گیدن یولدان گیده کیم مدعاسین خوشلورام
.
.
دلخوشام معبودیدن حکم شفاعت آلماقا
حشریده احبابون اوسته ظلّ رأفت سالماقا
بیر گولوم که نفعی وار ترجیح ویرّم قالماقا
نیلورم قالماقی قرآنون بقاسین خوشلورام
.
.
فرش ایدم فکریم بودور سجّاده قلب مقتله
بیر مناجات ایلیم معبوده قلبیم دینجله
ساحت قدس الهیدن یره بو سس گله
من حسینون لبلری قانلی دعاسین خوشلورام
.
.
تشنه ام قلبیم یانور اما فراته باخمارام
سهلیدور دنیا سوئی آب حیاته باخمارام
گوزلیور زهرا آنام پوزقون بناته باخمارام
قتلگهده درک ایدم زهرا صداسین خوشلورام
.
.
رهبر آزادییَم حرّیتون مشتاقیم
عترتیم گوزدن دوشوبدور وصلتون مشتاقیم
الّی یدی ایلدی من بو ساعتون مشتاقیم
سیزدن آرتوق یاریمون حسن لقاسین خوشلورام
.
.
جام عشقون مستیم یولداش نه لازمدور منه
یار و انصار و اوغول قارداش نه لازمدور منه
قالماسون گتسون بدنده باش نه لازمدور منه
هر نه دن کچدوم فقط الله رضاسین خوشلورام
.
.
عندلیب باغ عزّتدور رقیّم سوگلی
قلبیمون آرامشیدی صحبتی شیرین دلی
روزگار ائتدی اونی باغ عزانون بلبلی
قوی دالیمجان آغلاسون آه و نواسین خوشلورام
.
.
نعمت دنیا تاپار دنیا کیمی آخر زوال
بو مجازی یرده یوخدور رتبۀ عشق و کمال
معنویّتده منی حق ایلیوب صاحب جلال
کوی عشقون نعمت بی انتهاسین خو شلورام
.
.
ذات حقدور آخر عمریمده هم صحبت منه
زینت عالم منم زینت اولور قانیم منه
یاره م آرتوقجا سینمده آرترور لذّت منه
هم قلنج هم نیزه هم پیکان یاراسین خوشلورام
.
.
خوشلورام عبد اطعنی نصّنه معنی اولام
خوشلورام یکتا خدایه بندۀ یکتا اولام
خوشلورام سنله طریق حقده ره پیما اولام
ناقه اوستون خوشلا، من شمرون جداسین خوشلورام
.
.
«انورم» نوحه یازوب عالی مرامه یتمیشم
خاندان عصمته أوز فکریمی وقف ایتمشم
خاصه هر یرده حسین آدی دیوبلر گئتمشم
روحیمه لذت وئرور روحون غذامین خوشلورام
.
.
جواب حضرت زینب (س) با مصرع اول زیر
#
.
.
#حسینیه_
#
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دومین کنگره شعر محرم

#معرفی_کتاب

معرفی کتاباثر ششم مرحوم #غمکش
«پیام غمکش»
برای تهیه این اثر با حاج محمود رضایی به شماره تماس زیر ، تماس بگیرید.
09127479706

یا با شماره های زیر (کتابفروشی دهقان) تماس بگیرید :

02133928059
02133907696

محل تبلیغ برای شما

در تلگرام یا ایتا به اکانت زیر پیام بفرستید

alibabirpour

دسته بندی درختی