زبدةالاشعار

تنور خولی

✍️

مرحوم انوراردبیلی و مرحوم حافظی تبریزی

✍️

عاشق حقّون گرک باشینده شور اولسون آنا
منزل شاهانه سی کنج تنور اولسون آنا

عشقه جان بذل ایتمینلر بیلمز عشقین لذّتین
عاشقه زیبادی نوش ائتسه شهادت شربتین
عاشقین زیبنده دور فردوس چکسون حسرتین
آغلیانی عالم معناده حور اولسون آنا

راه جاناندا باشیندان کچمین عاشق دگل
ایلین فکر سر و پا و بدن عاشق دگل
قالمیان گونلر ائوینده بی کفن عاشق دگل
پیکر صد پاره سی لازمدی عور اولسون آنا

من شراب عشقیله پیمانمی ایتدیم دولی
مجلس روحانیت هر یرده اولسا روح اولی
محفل ارواحه جسمین شبهه سیز یوخدور یولی
یار بزمینده گرگ اغیار دور اولسون آنا

عشقیمه نقصاندی قالسام باجی قارداش فکرینه
عالم وحدتده کثرت یار و یولداش فکرینه
کئچمیشم باشدان آنا حاشا قالام باش فکرینه
عاشقه شایسته دور محنت سرور اولسون آنا

بلبلون عشقی مجازیدور گل اوستون خوش دوتار
گلشن ایچره گل بوداقین سنبل اوستون خوش دوتار
اوغلوون عشقی حقیقی دور کول اوستون خوش دوتار
خوابگاهین ایستر اوز عشقیله جور اولسون آنا

خولیدن یوخدور گلایم یوخدی حق بینا گوزی
خوش دگل بزم محبتده اولا دشمن سوزی
یر ویروب مهمانه کول اوسته یاتوب راحت اوزی
حقّی هر گوز گورمسه لازمدی کور اولسون آنا

من شهید اولدوم که قسمت وصل یار اولسون منه
منزل ائتسم هر یری بزم نگار اولسون منه
سنده که گلدون گرک خوش روزگار اولسون منه
نیلورم سن سیز یریم دایم قصور اوسلون آنا

من دیمم بلبل کیمی قوی گل بوداقوندن اؤپوم
یانمیشام نار فراقونده دوداقوندن اؤپوم
باشیمی قوی تپراقون اوسته ایاقوندن اؤپوم
مایۀ فخریم منیم تا وار دهور اولسون آنا

قیلسون «انور حافظی» شکر خدای بی نیاز
درگهیمده نوکر اولماقدا تاپوبلار امتیاز
چوخ چتین اولسون میسّر بو قدر نعمت بو ناز
هامّودا ممکن دگول ذوق وفور اولسون آنا

# (4 سبک سینه و زنجیر تک ضرب )

#
#
#
#
#
#

نظر دهید

دسته بندی درختی