زبدةالاشعار

علی پیکان عشقون دلده از بس دلنشین اولدی #اکبریه #سهیلی_تبریزی

زبانحال حضرت لیلا (س)
.
✍️ # ✍️
.
🆔: @nohe_torki
.
مرحوم سهیلی تبریزی
.
علی پیکان عشقون دلده از بس دلنشین اولدی
آنان لیلا دونوب مجنون صفت صحرانشین اولدی
.
.
سنون عشقنده هر رنگه خُم غمده بویاندیم من
یتوب هرگونه غم سندن قبول ایلوب دایاندیم من
سراپا شمع تک نار غم عشقنله یاندیم من
انیسیم اشک حسرت مونس آه آتشین اولدی
.
.
ایشیتمشدیم اوغول ئولسه آنانون هیچ یوزی گولمز
گیدر نوری گوزیندن هر قدر باخسا گوزی گورمز
اؤزوم گوردوم، اؤزوم بولدوم جوانی ئولمین بلمز
منه بو مطلبین عینی بو گون عین الیقین اولدی
.
.
نه گوزده نور نه دیزده توان و طاقتیم واردی
دوروب گتماقلقا نه شام شومه قوّتیم واردی
و نه اگلشماقا بیر آن یانوندا فرصتیم واردی
آنان لیلا ایشی بوندان صورا چوخ چوخ چتین اولدی
.
.
نه یاخشی یاتموسان یات بالشون زلف سیاهوندور
بو قانیله بزنمش قتلگه طوی حجله گاهوندور
چراغان ایلین بو بزمی بولّم، شمع آهوندور
بله داماد اوغول عالمده هانسی مه جبین اولدی
.
.
اولوبدور قانیله رنگین عجب زلف پریشانون
دوشوب آق یوزده خوش بو قاره زلفون قرمزی قانون
اولا وای حالینه بوندان صورا بیچاره لیلانون
ایدن مجنون لیلانی بو زلف چین به چین اولدی
.
.
من آخر خاطر محزونیمی سنله ایدردیم شاد
دیلون قربانیم دیللّن دانش بیرده منی قیل یاد
نه نوعی توکمیوم قانیاش عذاره چکمیوم فریاد
ایویم بختی یخلدی پایمال اهل کین اولدی
.
.
اگر گیتسن «سهیلی» آیری گلزاره زیانوندور
اوزون بیر بلبل شوریده دفتر گلستانوندور
علی اکبر آدی هر لحظه چون ورد زبانوندور
اودور دلدن دله دوشدی کلامون دلنشین اولدی
.
.
# #
# #
#
#
.
✍️ # ✍️
.
🆔: @nohe_torki

نظر دهید

دسته بندی درختی

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

Search
Generic filters
Filter by Custom Post Type

دسته بندی درختی