عصر تاسوعا
مهلت خواستن
.
✍️ زبدة الاشعار ✍️
?: @nohe_torki
.
مرحوم زایر تبریزی
.
قورولدی کرببلاده بساط کرببلا
آچلدی عترت اطهاره راه کرب و بلا
.
بلا صحیفه سنون صفحه سینده ثبت اولا تا
مرتب ایلدی بزم بلانی دست قضا
.
اویاندا فوجیله صف صف صفوف سفیانی
بویاندا دستۀ آئینۀ صفات خدا
.
مقابل اولدی او صحرا ده نوریله ظلمت
سپاه کفر اویاندا بویاندا نور هدا
.
ایکی قوشون آراسیندا سالندی بیر مسند
ایکی امیر ازل ایلسونله بیر شورا
.
پیمبر اوغلونا سعد اوغلی هم نشین اولدی
گورون که بیر نقدر بیوفادی بو دنیا
.
ویریلدی کوفه ده ابن زیاده تا بو خبر
که ابن سعد قویور کربلاده صلحه بنا
.
حضوره ایستدی شمری او وقته ابن زیاد
امام قتلینه فرمان یازوب ایدوب طُغرا
.
تمام لشگره سردار کل ایدوب شمری
ویروبدی حکم الینه ایلسه نقدر جفا
.
گوتوردی نچه مین اشرار کوفه دن او دنی
حسین قتلینه اقدام ایدوب او شوم و دَغا
.
چخوب او کافر بی رحم ری هوا سیله
یتیشدی کرببلا دشتینه سالوب غوغا
.
چالیندی طبل یریش خیمیه قوشون یریدی
حرمسراده او وقت اولدی محشر کبرا
.
نماز عصری ادا ایلمشدی شاه حجاز
نمازدن صورا یاتمشدی عصر تاسوعا
.
دونردی باشینه پروانه تک ایدردی طواف
قیلاردی قیزلاری آرام زینب کبرا
.
صغیر اوشاقلاری قویمازدی آغلاسون اوجادان
بو فکریله اولا راحت او شاه ارض و سما
.
گوروب او وقته گلور خیمیه قوشون صف صف
دوشوبدی وحشته ناگه عزیزۀ زهرا
.
یتوردی هولیله تلّ اُستونه ایتوردی اوزین
سارالدی رنگی دیزی تیتردی ایدوب پروا
.
قیتدی قارداشنون باشی اُوسته سرعتیله
اورک دوگوندی قاچوب رنگی یا اخا گویا
.
توکردی گوز یاشی آغلاردی هایهائیله
آچوب او وقته گوزین هولیله شه بطحا
.
بویوردی باجی نه وار بیله گوزیاشی توکوسن
اولوم فداسی او آغلار گوزون نه وار آیا
.
ویروب جواب برادر اماندی قیل چاره
گلولّه خیمیه فوجیله لشگر اعدا
.
ایدوب حضورینه احضار او شه ابوالفضلی
بویوردی ماه بنی هاشمه او کان وفا
.
بو تنگ وقتده گور لشگرون خیالی ندور
زمان عصریدی ایمدی نجه اولور دعوا
.
گیدوب بو قوم دن آل بیر گیجه منه مهلت
که بیر گیجه اولا راحت بو عترت طاها
.
اوغولارین آنالار بیر دویونجه گور سونلر
محالیدور گوره بیرده سلامت اوغلون آنا
.
سریه قاسمون آلسون کنارینه بو گیجه
علی اکبرین ایتسون وداع بیر لیلا
.
دی شمره قانیمی توکمکلقا مصمم اولوب
ولی گرگ توکه بو قانی روز عاشورا
.
بو باش اونوندی امانت منیم یانیمدا قالوب
صباح ایدر بدنیمدن منیم بو باشی جدا
.
گرک بو باش کسله وقت ظهر عاشورا
قضا صحیفه سینه ثبت ایدوبدی دست قضا
.
گرک صباح آچلا قانمی توکه دشمن
محالیدور که بوگون ال تاپا منه اعدا
.
یقیندور بلی گرک منیم توکوله
او قاندی #زایره ایللر بویی بو خاک شفا
.
#تاسوعا
#شب_عاشورا
#قورولدی_کرببلاده_بساط_کرببلا
#زائر_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید