وداع حضرت اباعبدالله الحسین (ع)
.
✍️ #زبدةالاشعار ✍️
.
🆔: @nohe_torki
.
#سبک_آتدان_یره_چون_دوشدی
#سبک_یاران_چه_غریبانه
.
مرحوم عافی تبریزی
.
من عترت اطهاری، زینب سنه تاپشوردوم
بو خورداجا قزلارى ، زینب سنه تاپشوردوم
.
.
قویما گله افغانه اطفال دل آرانی
بیر بیر ئوزیوه رام ائت بو جمع پریشانی
مین دیل لریله دیندیر آرام ایله لیلانی
بو زار و دل افکاری ، زینب سنه تاپشوردوم
.
.
ہیر ذرّه ملول اولما بی رحمی اعدادن
افشرده اولوب چخما قانونِ شکیبادن
غافل اولاسان حاشا غمدیده صبایادن
بو عابد بیماری ، زینب سنه تاپشوردوم
.
.
انصاریم ئولوب تک تک هر چند پریشانم
عشقیله بو صحراده قربانی قرآنم
من بو گجه جنّتده ئوز جدّیمه مهمانم
اطفال وفاداری ، زینب سنه تاپشوردوم
.
.
مبهوت ایلین عقلی ای پایۀ ایثاری
من گتملیم اولما چوخ غصه دل افکاری
بو نهضتیمون سن سن هر یرده طرفداری
صبر دلِ بیداری ، زینب سنه تاپشوردوم
.
.
مطلق گله جاق باشه هر امر مقدردی
انساندا دؤزوم اولسا منصور و مظفردی
هر یرده سنه باجی الله ئوزی باوردی
صبر ائت هامو اسراری ، زینب سنه تاپشوردوم
.
.
هر قدر اولا دشمن لر بی رحم و فرومایه
ممکن دگو ال تاپسون بو مظهر طاهایه
باشدان گچرم امّا باش اگمرم اعدایه
بو نیت و رفتاری ، زینب سنه تاپشوردوم
.
.
صبر ایله اسارتده هر طعنه و آزاره
جلب ایله آنام باجی ظلم اهلینی گفتاره
شمشیر بیانیله وور ضربه لر اشراره
سرکوبیِ أشراری ، زینب سنه تاپشوردوم
.
.
دوزدی سنه صبر ائتماق مشکلدی فراقیمده
هر ساعتی بو عمرون بیر ایلدی فراقیمده
هر حادثه هر بیر سوز مشکلدی فراقیمده
صبری گِنَه تکراری، زینب سنه تاپشوردوم
.
.
سالما منی تأخیره هنگام شهادتدی
آل اللهه عالمده مردانه لوق عادتدی
قارداشوا بو ئولماق عزّتدی سعادتدی
گیت خیمیه قزلاری ، زینب سنه تاپشوردوم
.
.
لازمدی ایدم سندن هر حال ده من تقدیر
آلامیله اطفالی قویما اولا دامنگیر
یغ بأشوه بو درده ایله باجی جان تدبیر
بو عدّۀ ناچاری زینب سنه تاپشوردوم
.
.
بیرده بیزه لازمدور دین اوسته فداکاری
جاندان گِچَرم دینه بلکه ایلیم یاری
سنده باجی حقّین اول هر یرده طرفداری
من عمده بو گفتاری ، زینب سنه تاپشوردوم
.
.
دنیا بشره «عافی » آئینۀ عبرتدی
ال چکمه بو مولادن چون شافع أمّتدی
بو بیت قبول اولسا شعرونده کفایتدی
من عترت اطهاری ، زینب سنه تاپشوردوم
.
.
#حسینیه_وداع
#وداع
#من_عترت_اطهاری_زینب_سنه_تاپشوردوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید