زبدةالاشعار

من ناقه دن دوشدوم دایان گئتمه ای عمه

راه شام
زبانحال حضرت رقیه سلام الله علیها
.
✍️ زبدة الاشعار ✍️
.
?: @nohe_torki
.
مرحوم محمد حسن تابع دین
.
من ناقه دن دوشدوم دایان گئتمه ای عمه
یولار اوزاق من ناتوان گئتمه ای عمه
.
.
سالدون نه تئز گوزدن منی ائتدون پریشان
قالدیم یول اوسته باغری قان گئتمه ای عمه
.
.
وئر بیر خبر تا کاروان اهلی دایانسون
من تک انامدا آتش اندوهه یانسون
گئتسین رئیس قومدن بیر مهلت آلسین
تاپسون منی اول مهربان گئتمه ای عمه
.
.
مرغ دلیم ای عمه جان فریاده گلدی
جدَّه م منی یاد ایلیوب امداده گلدی
گل باشیمی آل سینووه زهراده گلدی
گل اول بیزیله همزبان گئتمه ای عمه
.
.
گوزده دونوب اشک تریم بالمرّه قانه
بیر حس سیز بلبل کیمی گللم فغانه
سالدی عجب ذلتلره دور زمانه
تیر غمه اولدوم نشان گئتمه ای عمه
.
.
اودوم صغیره سنّیله ائلدن آرالی
چوللرده سرگردان گزر اکبر مارالی
آز سنّیله اولدوم عجب باشی بلالی
گاهی علن گاهی نهان گئتمه ای عمه
.
.
یوخدور بو صحراده منه بیر کس هوادار
آل عبایه عمه جان سنسن پرستار
من سسلرم سس وئرموسن غم دلده آرتار
اولموش منه ورد زبان گئتمه ای عمه
.
.
چوللرده قالدیم عمه جان سرگشته حیران
بیر کس مینم تک اولماسون بیله پریشان
گل تاپ منی اوللام گَلَن یوللاره قربان
اولما رضا ایلوم فغان گئتمه ای عمه
.
.
گرچه دوشوبدور «تابع دینی» فشاره
اما اونون هر دردینه وار منده چاره
درگاهیمیزدان قویمارام دوشسون کناره
اولموش بیزه نوحه یازان گئتمه ای عمه
.
.
.
# … بیش از 10 سبک

.
#
#
#
#
.
✍️ # ✍️
.
?: @nohe_torki

نظر دهید

دسته بندی درختی