زبدةالاشعار

مدح حضرت علی (ع)
.
✍️ # ✍️
.
🆔: @nohe_torki
.
مرحوم صحاف تبریزی
.
وجودی مظهر اوصاف کبریادی علی
جمالی جلوۀ مرات حق نمادی علی
.
دئسم خدادی خداونده شرکدور بو سوزوم
دئسم خدا دگی حقدن مگر جدادی علی
.
گر اولماسیدی خدا لم یلد و لم یولد
ائدردیم عالمه اثبات من خدادی علی
.
علینی گتدی خدا اوز ایوینده دنیایه
که ذات لم یلدین اولدی خانه زادی علی
.
مقام و شأنینی اهل جهانه بُلدوردی
بو امتیازیله ممتاز ماسوادی علی
.
بیوردی ختم رسول من مدینۀ علمم
در خزانۀ اسرار کبریادی علی
.
علی اَلیدی یداالله فوق ایدیهم
جهاندا شان و مقامی اودور علادی علی
.
علیدی دم ویرن عیسایه نطق موسایه
کلیمه جلوه ایدن طورده ضیادی علی
.
علیدی آصفه علم الکتاب ایدن تعلیم
مدرس ازل ابن برخیادی علی
.
بیری گر ایسته سه اللهه معرفت یتوره
علی نی درک ایلسون حقه رهنمادی علی
.
حبیب خالق و محبوب خلق ومنبع فیض
بلی وصی بلافصل مصطفادی علی
.
شه سریر ولایت مه سپهرجلال
جمالی معنی والشمس والضحی دی علی
.
علی النده دی رد و قبولی اعمال
قسیم نار و جنان حاکم جزادی علی
.
قوام عرش و مدار سپهر و مبع علم
که گویلرین یولنا یردن آشنادی علی
.
علی او کسدی خدا ایلیوب اونی تعریف
ثبوت مطلبه مصداق هل اتی دی علی
.
علیدی سائله خاتم ویرن نماز اوسته
که کان لطف و کرم معدن سخادی علی
.
لوای حمده قیامت گونونده حامل اولان
صفیّ خالق و سرخیل اصفیادی علی
.
خلافتینده ایله بیر رئوفیدی دیه سن
یتیم اوشاقلارا بیر مهربان آتادی علی
.
علی ئولن گجه چوخ خانواده آج قالدی
کفیل بلدوله سلطان قل کفی دی علی
.
شب فراش رسول خدا یرینده یاتوب
تصوّر ائت نجه گور صاحب وفادی علی
.
اوزین قلج دمینه ویردی یتمسون صدمه
رسول اکرمه نفسین ائدن فدادی علی
.
دولوب خطائیله «صحاف» صفحۀ عملون
غم ائتمه روز جزا ماحی خطادی علی
.
علی محبّتی هر دلده اولسا یانمیاجاق
اونا شفاعت ایدن ختم انبیادی علی
.
.
#_مدح
#
#
.
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی