زبدةالاشعار

چون ایلدی وداع بو دنیانی فاطمه #فاطمیه

شهادت حضرت زهرا (س)
.
✍️ زبدة الاشعار ✍️
.
🆔: @nohe_torki
.
مرحوم #
.
چون ایلدی وداع بو دنیانی فاطمه
درده گتوردی چوخ شه مردانی فاطمه
.
حیران باخاردی فاطمه نون نعشینه او شاه
قلبی یاناردی حالینه لدن چکردی آه
.
آغلاردی آه و زاریله خواتون محشره
ایلردی ناله چوخ او عزیز پیمبره
.
یردن گونورسون ایستدی اول کان عصمتی
اولدی علاوه شیرخدانین مصیبتی
.
تقریر ایدیم ننوع خدایا بو سوزلری
آثارتازیانه لری دوشدی گوزلری
.
سیرایلیوب ولی خدا چون او عالمی
قلب شریفی یاندی زیاده اولوب غمی
.
غسلین ویروب ایدوب گیجه وقتی اونی کفن
جاری ایدردی گوزیاشین اول شاه ممتحن
.
ایتموشدی چون وصیت او خاتون اوزی ازل
تابوتینه منافق دین وورماسونلا ال
.
اصحاب همان وصیتی باشه یتوردولر
یدی نفرجنازه نی یردن گوتوردولر
.
دوشدی دالینجا زینب و کلثوم اول زمان
آغلاردیلارایدردیله گوزیاشلارین روان
.
حالی اولوب او حالیدن اول شاه اولیا
امرایتدی قیرتروب اولاری اوغلی مجتبا
.
بو چرخ کج مداریده بیر کج مداره باخ
زهرایه باخ پیمبره باخ روزگاره باخ
.
پیغمبریکه حق آپاروب عرش طاقینه
یدی نفرآپاردی قیزین قبرایاقینه
.
چوخلاربولوردی اوزلرین امت پیمبره
خدمتلری اولوبدی اذیت پیمبره
.
قویدی او جسمی قبره ولی خدا اوزی
آرام و صبرگیتدی دولوب اشکیله گوزی
.
تاپشوردی حقینه او گرامی امانتی
معلومیدی واریدی اونون چوخ خجالتی
.
دفن ایلیوب عزیزه سینی گیتدی تاب و صبر
ایتدی درست علاوه نچه بیرشبیه قبر
.
اصحابیله قیتدی او مولا همان گیجه
زهرادن آیریلا علی راحت یاتار نجه؟
.
دلدن یاناردی صبحه کیمی نورعینینه
گه زینبه تسلی ویروب گه حسینینه
.
صبح اولدی تا خلیفیه یتدی همان خبر
حکم ایلیوب بقیعه گیده خلق سربسر
.
بو فکره دوشدولر آچیلا قبرفاطمه
دریای غیظ حق گلوبدور طلاطمه
.
شیرخدا حمایل ایدوب ذوالفقارینی
آلدی بو سوز الیندن اونون اختیارینی
.
چیخدی کمال صولتیله اول شه عرب
حالیندن آشکاریدی اول سرورین غضب
.
بتدی تمام سرعتیله تا همان یره
ایتدی خطاب غیظیله اول قوم کافره
.
ترکیبینه بو قبرلرین گروورولسا ال
بو ذوالفقاریدورسیزه بیر قاصد اجل
.
حال علینی گوردوله چوخ وحشت ایتدیلر
تشویشه دوشدولرهامی بیردن قیتد یلر
.
ای کاش اولیدی کرببلاده او گون او شاه
اول گونکه زینبه یوخودی اوزگه دادخواه
.
(زایر) بو شرح محنته وورما داخی قلم
قلب شریف فاطمه نی یاندورار بو غم
.
#
#
#
.
✍️ # ✍️
.
🆔: @nohe_torki

نظر دهید

دسته بندی درختی