زبدةالاشعار

شهادت حضرت عباس (ع)
.
.
✍️ # ✍️
.
🆔: @nohe_torki
.
مرحوم یحیوی اردبیلی
.
چیخدی گوگه عربلرون حوصۀ شادیانه سی
دوشدی یئره عقابدن شیر خدا نشانه سی
.
.
کسلری که اوزون نهان ائتمشیدی فرارده
تلّده پهن دشتده جنگل ونخل زارده
نعره زنان ییغشدیلار عرصۀ کارزارده
دولدی قشون فراتیلن خیمه لرین میانه سی
.
.
خرما لفیله بئل لری باغلى برهنه پائیلن
باشدا لچک عبائیلن صورت بدنمائیلن
نوع به نوع حربه لر الده او هایهائیلن
ائتدی ظهور او فرقه نون حملۀ وحشیانه سی
.
.
ایلدیلر محاصره سبط رشید حیدری
کیمسه ده جرأت اولمادی ئولدوره اول دلاوری
گرچه دگلدی جسمده اوندا سلامت اللری
دشمنی سالدی وحشته صولت قاهرانه سی
.
.
سانما که زوریلن یئره یخدی او شیری کوفیان
کیم آپارا بیلوردی اول مهلکه دن کناره جان
سیف نژاد هاشمون عزم جدال ائدن زمان
شاهیلن اولماسیدی گر صحبت محرمانه سی
.
.
رعشه سالوردی خاطر لشگره پرچم لوا
واهمه سیز یاتاردیلار عترت شاه کربلا
اولدی شهید صاحب مشگ و لوای نینوا
برهم اولوب حسینون أول موكب شاهیانه سی
.
.
وای او زمان که خیمیه شیحه زنان گلوب عقاب
دوره سین الدیلار اونون عورت اوشاق دلكباب
سالدی سکینه ناله سی عالمه شور و انقلاب
کرب و بلانی دولدوروب وای عمو وای ترانه سی
.

گل منیم ای امید یمون مرکب باکفایتی
سنده مشاهده اولور غملو خبر علامتی
بس هانی نامدار عموم هاردا اولوب اقامتی
یوخسا حسین بیکسون اولدی خراب خانه سی
.
.
گوردی حرارت عطش جانیمه چوخ ویرور فشار
وئردی منه سو وعده سی گئتدی فراته بیقرار
بیرجه ایچیم سودان اوتور ائیلدی جانینی نثار
کاش بو دشت پر غمون قان اولا رودخانه سی
.
.
هر نفس و هر آینه واردی بو اشتیاقیلن
یحیویه نولا که بیر همره خوش مذاقیلن
روزی اولا بیر اربعین حال و دماغ چاقیلن
باب کرم زیارتی حضرتون آستانه سی
.
.
#_شهادت
#
#
#
.
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی