زبدةالاشعار

کنج غربتده وئرور جان زینب نالان حسینیم #زینبیه

زبانحال حضرت زینب (س)
.
✍️ زبدة الاشعار ✍️
.
🆔: @nohe_torki
.
سبک : ای وئرن ویرانه یرده … عمه بو ویران سراده … استخاره کردم امشب …
.
مرحوم محمدحسن تابع دین
.
کنج غربتده وئرور جان
زینب نالان حسینیم
هارداسان گل باشیم اوسته
بیر اوخی قرآن حسینیم
.
(هارداسان زینب وئرور جان
گَل گَلَن یوللاره قربان)
.
.
.
من سنون هر بیر غمونده
نی کیمی فریاده گلدیم
قاتل بیرحم الینده
من سنه امداده گلدیم
سینَن اوسته شمری گوردوم
داده اول اثناده گلدیم
ایلیم سندن حمایت
اولمادی امکان حسینیم
.
.
قان توکن جلّاده نیلر
بیر نفر مظلومه عورت
من یاپوشدوم خنجریندن
قویمیام ائتسون جسارت
اللریم دوغراندی آخر
ایلدیم خرگاهه رجعت
اهل بیتون باشه یغدیم
ایلدیم افغان حسینیم
.
.
باتدی خورشید هدایت
اولدی تیره کون و امکان
ویردی باش چرخ فلک دن
حسرتیله ماه تابان
بیر یاری یانموش چادردا
ساخلادوق شام غریبان
روضه خوانی زینب اولدی
روضه سی عطشان حسینیم
.
.
صبح آچیلدی امر اولوندی
کوچ ائداخ بیز غم دیارین
قتلگاهوندن سالوبلار
جبریلن زینب گذارین
اهل بیتون ناقه اوسته
جسمیوه سالدی نظارین
گوردولر باشسیز کفن سیز
قالموسان عریان حسینیم
.
.
ناقه اوستوندن توکولدی
اهل بیت دل شکسته
هر قانادی باغلی بلبل
دوشدی بیر خندان گُل اوسته
اهل بیت بی پناهون
آغلاماقدان اولدی خسته
کام دل آلدی ولیکن
آل بوسفیان حسینیم
.
.
سن کیمی غربتده قارداش
زینبون یالقوز وئرور جان
گوزلریم قالموش یولوندا
گَل گَلَن یوللاره قربان
بیرده گورسم گُل جمالون
ایلرم من درک جانان
گَل یوزون بیرده گوروم من
جان وئروم آسان حسینیم
.
.
مسکنیم بو کُنج غربت
دوشموشم ائلدن اوزاقه
ایل قبیله یوخ بو یرده
دوشدوم حالِ احتضاره
گل آنام اوغلی قبولِ
زحمت ائت گل بو دیاره
آل دیز اوسته باشیمی ای
خسرو خوبان حسینیم
.
.
سرسرِ ظلمیله عمروم
گلشنی سولدی سارالدی
صبریمون آئینه سینی
چرخ گردون داشه چالدی
احتضار حالین دییَم گل
گوزلریم یوللاردا قالدی
مقدمونده گل ائدوم من
جانیمی قربان حسینیم
.
.
ای وجود اقدسیندن
فیض آلان بو چرخ خضرا
«#تابع دینه» نظر قیل
روح حیدر جان زهرا
گوشۀ چشمیله باخسان
افتخار ایلر جهاندا
دفتره ثبت ایله آدین
بیر سگِ دربان حسینیم
.
.
.
# … 4 سبک
.
#
#
#
#
.
✍️ # ✍️
.
🆔: @nohe_torki

نظر دهید

دسته بندی درختی