زبدةالاشعار

کیمدی بو عشقی حسینون عشقینه همتا اولا #حسینیه #عدلی_تبریزی

درمدح ومقام حضرت سیدالشهدا علیه السلام
.
✍️ زبدة الاشعار ✍️
.
🆔: @nohe_torki
.

حاج اصغر فرشچی ( عدلی تبریزی)
.
کیمدی بوعشقی حسینون عشقینه همتا اولا
آختارارسان تا قیامت زحمتون بی جا اولا
.
کیمدی جدّی احمد اولسون حیدر و صفدر آتا
مجتبی قارداش اونا گل مادری زهرا اولا
.
کیمدی مخلوقات ایچینده عالم امکانیده
جان ویره الله یولوندا سید و والا اولا
.
کیمدی جدّی اشرف الناس خاتم پیغمبران
خاتم عشاق اوزی معشوقه سی یکتا اولا
.
کیمدی اوغلی قارداشی باب الحوائج آدلانا
خواهری نسوان ایچینده شیر بی پروا اولا
.
کیمدی ایرمی یدّی ایلده بسلیه بیرنو جوان
خُلقاً و خَلقاً شبیه مصطفی طاها اولا
.
کیمدی قبری رشک فردوس برین وعرشیان
تربتی درده دوا هم سجدیه اولی اولا
.
بو حسیندی شیعیان ایچدی شهادت شربتین
کاش شهادت سرّنا عالم هامی دانا اولا
.
بو حسیندی چکدی حراّجه بوتون کالاسنی
بولدی اصلاً فرقی یوخ گر پیر اولا برنا اولا
.
بوحسیندی همّتی بی انتها و انقلابی بی نظیر
تا قیامت زنده دی گر ماتمی بر پا اولا
.
من حسیندن بو حسین مندن بویوردی مصطفی
قول ما ینْطُق هوادن بو سوزی امضاء اولا
.
لعنت انس و مَلک اولسون او کس لر حالینه
شرعه بد بین بی حجاب بد خواه بو مولا اولا
.
بارالها فضل واحسانون عطا ایت (عدلیه)
راضی اولما چوخ سنا ” روز جزاء رسوا اولا
.
.
#_مدح
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی