زبدةالاشعار

گئت عرض ائله باد صبا خیر النّسایه

در شهادت امام جواد علیه السلام
.
✍️زبدة الاشعار✍️

?: @nohe_torki
.
مرحوم محمد حسن تابع دین (تابع تبریزی)
.
گیت عرض ایله باد صبا خیرالنسایه
اوغلون ئولوب یا فاطمه دور گل عزایه

.
ئوز محرمی مسموم ایدوب اوغلون جوادی
ویر سر سلامت حضرت موسی الرضایه

.
مظلوم اولوبدور تک به تک آل پیمبر
تاثیر ایدوبدور غملری دنیایه یکسر
اوغلون تقینون حالینه آغلار ملک لر
سنده بو غمده گل خانم شور و نوایه

.
آز سن ایدوب اما گوروب آرتوخ اذیت
اهل جفا گاهی آچوب دست جسارت
گه دوغریوبلار بو شهی اهل ضلالت
صبر ایلیوبدور ثبت اولان امر قضایه

.
فریاد او ساعتدن سولوب گول تک سارالدی
مسموم ائدوب ئوز همسری کام دل آلدی
قالدی تک ایوده ناله سی عرشه اوجالدی
اولدی موثر حالی جمله ماسوایه

.
نی تک یانان دلدن ائدردی داد و افغان
تکرار ایدردی سو ویرون یاندیم سوسوزدان
سو حاضر ائتدی بیر کنیز الده شتابان
صد حیف توش اولدی قضا دست جفایه

.
آلدی الیندن ام فضلِ کینه پرور
مظلوم امامین قلبینی ائتدی مکدر
ویرموب امامه بیر ایچیم اول شوم کافر
غیظیله سپدی توپراقا باخ بیر وفایه

.
قلب امامی ایلدی بو باره دن قان
چشم بتولی ایلدی جنتده گریان
قویموب سو ویرسونله وئروب آخر سوسوز جان
نه باخدی بیر پیغمبره نه بیر خدایه

.
اول ام فضل بی حیا یتدی مرامه
یا فاطمه عذر ایستیرم بو بیر کلامه
بیر نحویلن گول پیکری حمل ائتدی بامه
دوشدی ترابه تازه دن باخ بیر جفایه

.
اوچ گون قالوب گول پیکری توپراقلار اوسته
تشبیه اولوبدور جدینه اول دل شکسته
اما حسین تک دگمدی اوخلار اوخ اوسته
گئچدی سوزوم یا فاطمه کرب وبلایه

.
من «تابع دینم» ولی عبد ذلیلم
بیر روسیاهم درگه حقه دخیلم
واضحدی بو مطلب سیزه روحاً علیلم
لطف ائت شها ال آچمیوم شاه و گدایه

.
.
# (شامل سبک های : ای کربلانون تشنه لب … مستان همه افتاده … یا فاطمه من عقده … بیش از 10 سبک با واگیر و بدون واگیر ) با صدای استاد حاج غلامعلی امامی

.
#
#
#
#
.
✍️ # ✍️

?: @nohe_torki

نظر دهید

دسته بندی درختی