زبدةالاشعار

#
راجع به هجرت حضرت امام حسین (ع) از مدینه به مکه و سوال و جواب محمد حنفیه با آن حضرت
# به #
.
✍️ زبدة الاشعار ✍️
.
🆔: @nohe_torki
.
مرحوم حاج محمد حسین جنتی مقام ( # )
.
گئنه قراریمی شوق رخ نگار آپارور
امید وصل یتر دلدن اختیار آپارور
.
چمنده بلبل شیدا دئمه عبث دولانور
اونی گُلین یاننا عشق آه و زار آپارور
.
شکسته بال و پرین شاخه و گُل اوسته دوشر
کمال لذّتیله خطّ وصل یار آپارور
.
حجاز لحنینی ساز ایلیوب فصاحتیله
صفای قلبیله بیر سیر مرغزار آپارور
.
مکانی شاخه و گل دلده شور عشق افزا
نه آفت گُل و نه فکر روزگار آپارور
.
دوتوب ترانه سی یکسر سراچۀ چمنی
گوگلده کی کَدَرین سیر جویبار آپارور
.
خزان اولاندا گیدر صبر و طاقت بلبل
اَسر سَموم گُلین عطری هر نه وار آپارور
.
چمن سولار سارالور گلشنون گیدر حُسنی
طراوت گُلی بو چرخ کجمدار آپارور
.
هزاره اوز باشینا ترک گلستان ایلمز
اونی کناره چمندن فشار خار آپارور
.
باخون حسینه نچه پرشکسته بلبل تک
جفا اَلی وطنیندن ایدوب کنار آپارور
.
عزیز فاطمیه بسکه عرصه تنگ اولدی
شه حجازی عراقه همان فشار آپارور
.
حرملرین باجسین خوردا قزلارین گوتوروب
اوز اختیاری دگل جور بیشمار آپارور
.
محمّد حَنفیّه اولوبدی مُستَحضَر
که قارداشی گئدوری خرد و هم کبار آپارور
.
اؤزین یتوردی حضور امامه عرض ایلدی
بویور بو نوع سنی هانسی اعتبار آپارور
.
فدا اولوم سنه گَل گئتمه کوفیه قارداش
جلالون ایلر عراق اهلی تار مار آپارور
.
آتام کیمی سنیده ئولدورولّه اهل عراق
اگر چه نامه لر ایلوب امیدوار آپارور
.
اگر اؤزون گئدیسن گئت آپارما اهل حرم
حرم آپارماقون اَلدن آلور قرار آپارور
.
حرملرون باجیلار قوی مدینه ده قالسون
سنی که جذب ائلیوب جلوه نگار آپارور
.
جوانلارون بُلورم بند بند دوغرالّار
اسارته حرمون شمر نابکار آپارور
.
سکینه رحم ایله هاردا گوروب حسین سیلی
دوتوم یانیندادی عباس نامدار آپارور
.
که قورخورام سالالار قولّارین ابوالفضلون
بو سوز خیاله گلور الدن اختیار آپارور
.
مدینه دن گئدیسن اوزگه بیر ولایته گئت
اگر حسین سنی بو حالت فکار آپارور
.
فرنگه گئت سنه چوخ احترام ایللَّر
سنیله فخر بسی اهل زنگبار آپارور
.
بویوردی چاره سی یوخ اختیار اؤزومله دگل
منی عراقه طرف حکم کردگار آپارور
.
حبیب بیله سؤوب تشنه قانیمه بویانام
اودور حُسینوی شوق لقای یار آپارور
.
گرک اسیر اولا حق ایستیوب باجیم زینب
یاننجا شامه طَرف بر بُلوک قطار آپارور
.
خرابه لرده گرک جان وئره رقیّه قیزیم
اونی دمشقه همان تربت مزار آپارور
.
امام عصر بویوردی که صبر ایله قارداش
چتیندی هجر غمی لیک اصطبار آپارور
.
خلاصه هادی عالم اولوب روانۀ راه
حرملرین باجسین بیله بُلمه خوار آپارور
.
زرینه دوزیدی اورتوکلری کِجاوه لردن
جلال و شوکتیله شاه کامکار آپارور
.
خانم باجیلارینی میندیرور کجاوه لره
دیزین خَم ایلوری عبّاس جان نثار آپارور
.
قلجلار الده جوانان هاشمی یکسر
نچه مُجللَّه بانوی باوقار آپارور
.
آناسی لیلینی هر یرده شبه پیغمبر
مینَنده مَحمله ایلور اؤزی سوار آپارور
.
سَریّه نون باشینا قاسمی دؤنؤر دولانور
نه عزّتیله آناسین او گُل عذار آپارور
.
رُباب اصغرینی گُل کیمی اؤپر ایگلر
نشانه حرملیه طفلِ شیر خوار آپارور
.
آتور یره قوجاقندان اؤزین علی اصغر
معاینه هوسِ تیر جانشکار آپارور
.
قضا قباقه دوشوب پای قتله سرعتله
او کاروانی چکور لیل والنّهار آپارور
.
خلیل وارثینه، یِتدی کعبۀ عشقه
نه کعبه، کعبه او کعبیله افتخار آپارور
.
او وقت اولوب که تمامی فدالرین ویردی
او وقتی یاد ایلدوقجه دل انزجار آپارور
.
اؤزیده ویردی سوسوز جان منای عشقینده
جداده شامه باشین فرقه و شرار آپارور
.
حرملری هاموسی زینب آردیجان امّا
جوانلارین اؤزی سلطان کامکار آپارور
.
جِدا باشیندا باشی بیر مَهِ مُنوّر تک
سالوب دالینجا نچه باش نجوم وار آپارور
.
گوتورموری گوزینی بیر دم اهل بیتیندن
همیشه تحت نظرده او شهریار آپارور
.
گهی باخاندا آخور قانلو گوزلریندن یاش
گورنده قیزلارینی دشمن اشکبار آپارور
.
ووراندا باشلارینا تازیانه اهل ستم
اَمان کُبارلره چاره سیز صِغار آپارور
.
ولی تمامینه پشت پناهیدی زینب
کیمه امان بس او زهرایه یادگار آپارور
.
بیری دیردی ندن عمّه ساربان منی بس
پیاده آبله پا بلکه زخمدار آپارور
.
بیری دیردی مگر عمّه شامه چوخ قالوروخ
بیزی بو سرعتیله قوم بدشعار آپارورر
.
مفصّل اولدی سوزون ایله مختصر «صحاف»
جهاندا مَنطقی سوز وجه اختصار آپارور
.
#
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

محل تبلیغ برای شما

در تلگرام یا ایتا به اکانت زیر پیام بفرستید

alibabirpour

دسته بندی درختی