زبدةالاشعار

گرچه هر امام اوز زماننون ظالمی الندن جفا گوروب #الهادی #حافظی_تبریزی

شهادت امام هادی علیه السلام
.
✍️ زبدة الاشعار ✍️
.
🆔: @nohe_torki
.
مرحوم تبریزی
.
گرچه هر امام اوز زماننون
ظالمی الندن جفا گوروب
حضرت علی النقی ولی
اوزگه محنت اوزگه بلا گوروب
.
.
.
عمری قرخ ایکی ایل اولوب یازار
مجلسی بیوک شرح حالی وار
منتهای مظلومیتدی که
آزجا سنّیله چوخ ملالی وار
چکدیقی غمین شرح ویرماقا
خامه نون دلین انفعالی وار
نه دیوم نلر گلدی باشینه
نه اسفلی بیر ماجرا گوروب
.
.
.
بی اجازه گاهی توکولدولر
منزلینه دیواردن عدو
آد قویوبلا آلات حرب وار
ایلروخ گیجه وقتی جستجو
گوردولر نماز اوسته دور او شه
محض بیجهتدور او هایهو
بو جفانی بیر مسلمه گورون
هانسی نا مسلمان روا گوروب
.
.
.
صاحب نمازین نمازینون
پوزدولار نماز اهلی صورتین
کفر خواهش نفسینه گوره
هتگ ایدوبله اسلام حرمتین
محضرینده ناگه امامی اول
دشمن رسول و خدا گوروب
.
.
.
شرب خمر تکلیف ایدوب ازل
حضرته او بیدین و بیحیا
ایلدی چوخ اصرار ابا ایدوب
عاقبت او ناموس کبریا
سویلدی که معذور دوت منی
حاش من ایدم فعل ناروا
ال گوتورمیوب کینه دن گئنه
چوخ جواب الا و لا گوروب
.
.
.
قلب عالمین قلبنه نجه
ورودی ظلم الیله جفا اوخی
سینه لرده قبره گرگ گیده
کشف اولونماسی خوش دگل چوخی
حضرته خلاصه یوزین دوتوب
سویلدی نچه بیت شعر اوخی
مستیدی سر حالده اوزین
چون او کفر محض و دغا گوروب
.
.
.
چوخ منیم سر و کار شعریله
یوخ منیم بویوردی امام اونا
بینهایت اصرار ایدوب گئنه
شرم و عار ایتموب او بیحیا
چاره سیز نچه شعر عبرتی
ایلیوب قرائت او مقتدا
یعنی نولدی حالی گچنلرین
عالمی هامی بیوفا گوروب
.
.
.
اهل مجلسین قلبین آتشِ
نطق و وعظ و شعریله داغلادی
نچه دفعه درج لب درر-
بار و گوهرین آچدی باغلاردی
مکر اوزیله عصرین امامینی
ناسزا سزای عطا گوروب
الغرض امامی چوخ عذریله
پول ویردی ناکس سالوب یولا
.
.
.
عاقبت شهید ایتدی زهریله
بو امامی معتز بیحیا
امر دفن و تشییع و غسلینی
اوغلی واریدی ایتدی جابجا
نه قالوبدی بی غسل و بی کفن
نه وجودی سانسیز یارا گوروب
.
.
.
آغلیان حسینه چوخ آغلاسون
اوچ گجه گونوز قالدی بی کفن
ایستی قوملارین اوستی جان حسین
بیر یارالی تشنه جگر ئولن
اهل کوفیه اولمادی دین
بیر بیله جفا ایلوسوز نه دن
هانسی بیر رعیت الینده بو
جور و ظلمی بیر پیشوا گوروب
.
.
.
اکتفا ایدیدی او ظلمینه
اهل کوفه ایکاش او سرورین
قتلگاهدن سالمییدیلر
یولارین پریشان حرملرین
گورمییدی زینب او حالیله
ساربان کسوب قارداش اللرین
هیچ باجی ایله گورمه سین که اوز
قارداشین او کان وفا گوروب
.
.
.
#حافظی اطبا او درده که
چاره تاپمیوپ ایلیه دوا
صدقیله توسل ایدن گوروب
چاره ساز دور آل مصطفا
بالخصوص مشهور دور بو سوز
کربلا ترابینده وار شفا
روحی ناخوش اولماز حقیقتاً
هر او کیمسه که کربلا گوروب
.
.
# (بیش از 8 سبک زنجیر و سینه زنی)
.
.
#
#
#
#
.
✍️ # ✍️
.
🆔: @nohe_torki

نظر دهید

دسته بندی درختی