زبدةالاشعار

گل ای عم اوغلی ترک ائدیر دنیانی زهرا #فاطمیه

حضرت زهرا سلام الله علیها
.
✍️ زبدة الاشعار ✍️
.
🆔: @nohe_torki
.
مرحوم #
.
گل ای عم اوغلی ترک ائدیر دنیانی زهرا
روح روانیم چوخ سوور قرآنی زهرا
.
.
اگلش باشیم اوسته ایله قرآن تلاوت
اولسون حجازی لحنوین قربانی زهرا
.
.
.
عمروم یتوب باشه منیم ای کان رحمت
دوقوز ایلی وردیم سنه چوخلی اذیت
آخر نفسده گل ایدوم نچه وصیت
درک ایلوری بیر عالم معنانی زهرا
.
.
.
ازلده وار بیر خواهشیم سندن عم اوغلی
آز قالدی روحیم آیریلا تندن عم اوغلی
حقّون حلال ائت اینجیسن مندن عم اوغلی
اولسون وفالی جانیوون قربانی زهرا
.
.
.
گول رنگیمی جور زمن ائتدی پریده
ثانی جفاسیندن اولوب قدّیم خمیده
ترک ایلورم دنیانی من آخر شهیده
آز قالدی اولسون مصطفی مهمانی زهرا
.
.
.
گر چه یتیشدی موسم هجران عم اوغلی
مندن صورا چوخ ایلمه افغان عم اوغلی
قوی قبره ایله قبریمی پنهان عم اوغلی
تا کشف ائده بیر مطلب عظمانی زهرا
.
.
.
قبر ایچره اولماز یاد ائدن من دلفکاری
زواریمون دوشسه اگر بیر دم گذاری
قویمازلا بیر ایتماقلیقا گوز یاشی جاری
قبر ایچره گوزلر حجت یزدانی زهرا
.
.
.
هر بیر طرفدن من غمه اولدوم نشانه
ثانی جفاسین شرح ائدم گلمز بیانه
بطنیمده سقط اولدی بالام گلدیم فغانه
سینه یارالی ترک ائدیر دنیانی زهرا
.
.
.
ظلم عدودن گول کیمی سولدوم سارالدیم
یاندی قاپوم نار غمی من جانه سالدیم
الله بولور اول وقتده نه حاله قالدیم
عرشه اوجاتدی اول زمان افغانی زهرا
.
.
.
بو باره دن صبریم گیدوب الدن عم اوغلی
اوغلوم حسینه عاشقم دلدن عم اوغلی
جبریلن آیریللام بو بیر گولدن عم اوغلی
چوخ تاپشورور بو بیر گل طاهانی زهرا
.
.
.
عشق حسینه بسته دور بو زار و خسته
قرآن سسون آرتوخ سوور بو دل شکسته
اوغلوم حسینیده گَتور گَل قبریم اوسته
اولسون گَلَن یوللاریزون قربانی زهرا
.
.
.
نازین چکوب ئورگتمیشم سینمده یاتسون
توز توپراقا قویما گُل رخساری باتسون
چوخ قویما گوز یاشین توکوب ناله اوجاتسون
آغلار اگر او آغلاسا هر آنی زهرا
.
.
.
دشت بلاده نی کیمی گلم نوایه
اول دمده که گئچدی حسین باشی جدایه
خولی آپاردی میهمان مطبخ سرایه
منزل ائدر اول خانۀ ویرانی زهرا
.
.
.
مطبخ سراده ایلرم بلبل تک افغان
جدیم سسیمه سس ویرر با چشم گریان
اوغلوم حسینه ساخلاروق شام غریبان
بیر بیله غمده آغلادار دنیانی زهرا
.
.
.
بو « تابع دین » نی کیمی گلمیش نوایه
دردین دئمز بیزدن صورا شاه و گدایه
جور زمندن ایلوری چوخلی گلایه
دنیا ایشین سن حل ایله عقبانی زهرا
.
.
ــــــــ
# ها
# … 10
ــــــــ
#
واگیر برای این :
مظلوم علی جان – قربانون اولّام (2)
ــــــــ
#_مستان_همه_افتاده_و_ساقی_نمانده
#
واگیر برای این :
زینب دیور ایوای ننه
جانیم فدا اولسون سنه
مظلوم علی جان …
ــــــــ
.
.
#
#
#
.
✍️ # ✍️
.
🆔: @nohe_torki

نظر دهید

دسته بندی درختی