زبدةالاشعار

گوگول غمین حرم غم فزایه ساخلامیشام

آرزوی
.
✍️ زبدة الاشعار ✍️

?: @nohe_torki
.
مرحوم زائر تبریزی ( زائر عمو )
.
گوگول غمین حرم غم فزایه ساخلامیشام
فغان و ناله می من نینوایه ساخلامیشام
.
ئورک دولوب دوتولوب گوزلریم چو ابر بهار
سرشگ چشمی مَحل بکایه ساخلامیشام
.
دوتوبدی قلبیمی زنگ مصیبت و آلام
صفای قلبی او دارالصّفایه ساخلامیشام
.
واریمدی شوق طواف ضریح قبر حسین
ئورکده چوخ سوز او میر هدایه ساخلامیشام
.
حسینه هر نقدر آغلاسام گوزوم دویماز
دویونجا آغلاماقی کربلایه ساخلامیشام
.
اگر اجل ویره مهلت قویام ضریحینه یوز
او قبره گوز یاشیمی الده مایه ساخلامیشام
.
ئولنده چوخ سو دیوب تشنه جان ویروبدی ، گوزده
بو گوز یاشین شَهِ گلگون قبایه ساخلامیشام
.
ائدم گرک حرمین شمع آهیله روشن
بو شمع آهی او بزم عزایه ساخلامیشام
.
علی اکبری چوخ اوخشیوب چوخ آغلاماقا
همین او روضه ده پایین پایه ساخلامیشام
.
شکسته گوگلومی ایلوب مریض غصه و غم
شفای قلبیمی خاک شفایه ساخلامیشام
.
نه وقتدور من او شش گوشه قبره مشتاقم
عزا همیشه او نور هدایه ساخلامیشام
.
نولور الهی بو حضاریله گوروم بیرده
عزا او یرده او صاحب لوایه ساخلامیشام
.
او قبر پاکه یتیشسه اگر الیم بیرده
او قبر صاحبینه چوخ گلایه ساخلامیشام
.
چوخ اینجیدور منی بو بی وفای اهل جهان
نقدر شکوه او کان وفایه ساخلامیشام
.
.
.
# #کربلا
#
#
#
.
✍️ # ✍️

?: @nohe_torki

نظر دهید

دسته بندی درختی