زبانحال حضرت صغری (س) به حضرت علی اکبر (ع)
✔️ سوال و جواب
.
✍️ زبدة الاشعار ✍️
.
🆔: @nohe_torki
.
علومی تبریزی
.
✔️ زبانحال حضرت صغری (س)
.
گیموسن رخت سفر قامت رعنایه علی
سالموسان شورش غوغا دل صغرایه علی
.
.
ایمدی گلمیشدی آتام حالیمه ایلوردی نظر
سوزلروندن منه کشف اولدی که وار قصد سفر
فوق العاده منی ناراحت ائدوبدی بو خبر
صرصر محنت اسیر گلشن زهرایه علی
.
.
گئدوسن ایمدیکه قارداش منیده بیر باش آپار
گل رقیّه باجمیله منیده قارداش آپار
اؤزیوه سن هارا گئتسن بیزیده یولداش آپار
آناسیز بیر قیزی سالما بئله غوغایه علی
.
.
فکر ائدردیم منی هجرانه دچار ایلمه سن
ناخوش اولسام آلاسان گوگلیمی خوار ایلمه سن
یا اؤزوندن منی دنیاده کنار ایلمه سن
سرو قدّیله سالارسان باشیما سایه علی
.
.
ایمدی بیلدیم آناسیز بیر قیزا ائتمزله نظر
یالقیز ائولرده توکر عارضینه اشک بصر
نقدر آغلیا وئرمز اونا بو ناله اثر
قوی دویونجا باخا صغرا رخ زیبایه علی
.
.
بُلورم بیرده سنی گورمرم ای صبح ازل
سن گلینجه منِ خونین دلی درک ایلر اجل
ئولمه سم قالسام اگر بستر محنتده مثل
سایارام گونلری دائم باخارام آیه علی
.
.
سوز هجرانیله یانّام علی پروانه کیمی
ائدرم شور و نوا عاشق مستانه کیمی
دوشرم قافله نین آردیجا دیوانه کیمی
قویارام یوز سنیله دامن صحرایه علی
.
.
سنسیز عالمده ایشیم ناله و افغان اولاجاق
بو گلستان مدینه داخی ویران اولاجاق
بیلورم اؤز ائویم آخر منه زندان اولاجاق
گلمیوب من کیمی بیر کیمسه بو دنیایه علی
.
.
ایمدی که گئتمه لیسن قویما فراقوندا یانیم
منه رحم ایله که سایؤنده گلیم دالدالانیم
دوت الیمی علی قارداش باشیوا من دولانیم
من کنیزم سنه دردون گله صغرایه علی
.
.
✔️ زبانحال و جواب حضرت علی اکبر (ع) در هشتک زیر
#توکمه_گوز_یاشیوی_مرجان_کیمی_دامانه_باجی
.
.
#سبک_یارالی_جان_یارالی … 4 سبک
.
.
#خروج_مدینه_حضرت_صغری
#گیموسن_رخت_سفر_قامت_رعنایه_علی
#علومی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید