زبدةالاشعار

یا الاه العالمین ای خلق ائدن کون و مکانی #مهدیه #اسماعیل_زرین

التجا به درگاه پاک حضرت احدیت در طلب ظهور مولای زمان
.
✍️ زبدة الاشعار ✍️
.
🆔: @nohe_torki
.
حاج اسماعیل زرّین
.
یا الاه العالمین ای خلق ائدن کون و مکانی
مومنینه رحم قیل یا رب یتور صاحب زمانی
.
.
خلق ائدن سنسن خدا، انسانی یوخدان حکمتیله
روح سیز جسمه ائدن روحی دمیده قدرتیله
بذل ائدن ذی روحه روزی هر زماندا عزتیله
ائیلین تکمیل مخلوقاته هر لطف و عطانی
مؤمنینه رحم قیل یا رب یتور صاحب زمانی
.
.
تیره توپراقدان وئرن گل برگی رنگین با لطافت
برگ سبزیله وئرن اشجاره بیر لطف و طراوت
گل گیاهیله ائدن گلزار باغه زیب و زینت
کوچدورن سنسن بهاریله غم و حُزن خزانی
مؤمنینه رحم قیل یا رب یتور صاحب زمانی
.
.
بر و بحر ایچره خدا سنسن هامی مرزوقه رازق
جنّ و انس و حور و غلمانه هامی مخلوقه خالق
لطف قیل بولیل مظلمده آچیلسون صبح صادق
نور پاکون چولقاسین یکسر هامی ارض وسمانی
مومنینه رحم قیل یارب یتور صاحب زمانی
.
.
انتظامیله اداره ایلوسن کون و مکانی
قدرتونله ساخلیوبسن بی ستون ارض وسمانی
دولدوروبسان انجم و خورشید و ماهیله فضانی
ایتموسن زینت بو نوعیله اوزون هفت آسمانی
مومنینه رحم قیل یارب یستور صاحب زمانی
.
.
ویرموسن انسانه مخلوقات ایچینده امتیازی
گوندروبسن لطف اوزیله رهبران پاکبازی
خلق ایچینده تا آیرسونلار حقیقتله مجازی
قویموسان ایمدی ندن بی سرپرست اهل ولانی
مومنینه رحم قیل یارب یتور صاحب زمانی
.
.
کثرت عدل و عدالتدن سن ای خلاق سبحان
قویمیوبسن نوع انسانیت ایچره فرق و رجحان
دوتموسان یکسر گرامی هر بیرین از روی احسان
ایتموسن دعوت رضاوه تک به تک شاه و گدانی
مومنینه رحم قیل یارب یتور صاحب زمانی
.
.
بطن مادرده هامی مخلوقه سن روزی ویرنسن
سینۀ مادرده قانی شیر پاکه دوندرنسن
ابر رحمتدن یره باران رحمت گوندرنسن
مایۀ عیش خلایق ائتموسن آب وهوانی
مومنینه رحم قیل یارب یتور صاحب زمانی
.
.
بسلدون سن زادۀ عمرانی فرعونین دیز اوسته
حفظ قیلدی ساخلادی تا دشمنین دشمن گوز اوسته
حضرت موسی الیله عاقبت گتدون یوز اوسته
ایلین موسا الینده اژدها سنسن عصانی
مومنینه رحم قیل یارب یتور صاحب زمانی
.
.
قدرتونله یونسی ای خالق کل عوالم
ساخلادون ظلمات بطن حوتیده دریاده سالم
محضرونده گرچه یا رب نفسینه اولموشدی ظالم
عفو قیلدون لطفیله قورتولدی سالم جسم و جانی
مؤمنینه رحم قیل یارب یتور صاحب زمانی
.
.
حضرت ایوبدن سن بر طرف ائتدون بلانی
داریدن عیسانی قورتاردون مکان وئردون سمانی
لاعلاج أمراضه آخرده وئرن سنسن شفانی
ای پناهسیزلار پناهی لطف ائدن درده دوانی
مؤمنینه رحم قیل یارب یتور صاحب زمانی
.
.
ذلت و خواریله نمرودین فنا ائتدون بقاسین
شوکتین پوزدون ضعیف موریله اخذ ائتدون قواسین
سرفراز ائتدون خلیلی ثابت ائتدون ادعاسین
گلستان ائتدون خلیله آتش نمرودیانی
مؤمنینه رحم قیل یارب یتور صاحب زمانی
.
.
امتیازی ویرموسن بو امت آخر زمانه
گوندروبسن بیر رسولی هر خصایصدن یگانه
ایلیوب دعوت بیزی دین مبینه مشفقانه
لطف ایدن سن سن بیزه پیغمبر آخر زمانی
مومنینه رحم قیل یارب یتور صاحب زمانی
.
.
چوخ اذیتلر چکوب دین حقی ایلوبدی احیا
نصب ایدوبدور اوز یرینده اون ایکی معصومی طاها
اوّلی شاه ولایت میر حق محبوب یکتا
آخری مهدی موعود شهرتی دوتموش جهانی
مومنینه رحم قیل یارب یتور صاحب زمانی
.
.
هر بیری بیر نوعیله بو دین حقه ایتدی خدمت
زحمتیله امت مرحومه نی ایلوب هدایت
مقصد اصلی سینه نایل اولا تاپموبدی فرصت
گوز تیکوبلر بو امیده تا یته فرصت زمانی
مومنینه رحم قیل یارب یتور صاحب زمانی
.
.
قصد ایدوللر بیر جماعت سوندوره انوار حقی
سعی ایدوللر محو قیلسونلار هامی آثار حقی
بیر نفر دنیا یوزونده ایتمه سون اظهار حقی
گیزلدنموللر ولیکن قصۀ کرب و بلانی
مومنینه رحم قیل یارب یتور صاحب زمانی
.
.
دینیوی یارب حسین خوش وجهیله ایلوبدی احیا
باش ویروب قانون شرعی قانیله ایلوبدی اجرا
ایمدی اما بو زماندا ایستوری اتباع اعدا
ایلسون مفقود آثار شهید نینوانی
مومنینه رحم قیل یارب یتور صاحب زمانی
.
.
دینوه یارب حسین صدقیله باش و جان ویروبدور
ایتسون اثبات حقایق أصغرین قربان ویروبدور
سو یرینه گلشن اسلامه تازه قان ویروبدور
حق یولوندا بیر به بیر قربان ایدوب پیر و جوانی
مومنینه رحم قیل یارب یتور صاحب زمانی
.
.
سن اوزون یارب بلورسن بو گروه کفر سیرت
ایستور اصلا قالماسون دنیاده آثار شریعت
یر یوزونده گون بگون آرتور فساد و جور و بدعت
آز قالور معدوم اولا یارب حسینون پاک قانی
مومنینه رحم قیل یارب یتور صاحب زمانی
.
.
ایلدون خوش طرزیله «زرین» سوزون حقین اداسن
وصف معبودیله ویردون دللره ذوق و صفاسن
خالقی خوشدور گنه بو نوعیله ایتسن نداسن
یا اله العالمین ای خلق ایدن کون و مکانی
مومنینه رحم قیل یارب یتور صاحب زمانی
.
.
#
#
#
.
✍️ # ✍️
.
🆔: @nohe_torki

نظر دهید

چه میخواهید ؟

Search
Generic filters
Filter by Custom Post Type

دسته بندی درختی