آتام حیدر ائدیب رحلت #حیدریه_فریدی

زبان حال حضرت امام حسین به برادر خود
در مصیبت پدرش
.
✍️ #زبدةالاشعار ✍️
.
🆔: @nohe_torki
.
حاج علی اصغر فریدی
.
آتام حیدر ائدیب رحلت
جهانی چولقویوب محنت
آز آغلا منده یوخ طاقت
ابوالفضلیم ابوالفضلیم
.
.
آماندیر چوخ فغان ائتمه
یوزه اشکین روان ائتمه
حسینی باغریقان ائتمه
ابوالفضلیم ابوالفضلیم
.
.
بوغمده ساغ اولا باشین
بو قدری تؤکمه گؤز یاشین
بو گون وار یدی قارداشین
ابوالفضلیم ابوالفضلیم
.
.
گؤزونده اشک آلین وار
اورکده چوخ ملالین وار
اسفلی پوزقون حالین وار
ابوالفضلیم ابوالفضلیم
.
.
بو قدری ائیلمه شیون
سن آلما صبریمی الدن
قولووی سالمیوب دشمن
ابوالفضلیم ابوالفضلیم
.
.
شریک محنتیم سنسن
توان و طاقتیم سنسن
پناه عترتیم سنسن
ابوالفضلیم ابوالفضلیم
.
.
بئیله حالین پریشاندیر
گؤزون چون ابر گریاندیر
بو نه فریاد و افغاندیر
ابوالفضلیم ابوالفضلیم
.
.
آتام حیدر شهید اولدی
امامت گولشنی سولدی
غمیله ماسوا دولدی
ابوالفضلیم ابوالفضلیم
.
.
بئله پوزما من زاری
چوخ ائتمه اشکیوى جاری
آز آغلات آل اطهاری
ابوالفضلیم ابوالفضلیم
.
.
.
#حیدریه_فریدی
#حیدریه_شهادت
#آتام_حیدر_ائدیب_رحلت
#ترکی
.
✍️ #زبدةالاشعار ✍️
.
🆔: @nohe_torki