#عاشورا_گونی
حماسه یاران حسینی در روز عاشورا
#ترکی
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
علومی تبریزی (1)
.
آخدی بیر عده مجاهد قانی عاشورا گونی
یازدیلار تاریخ عاشورانی عاشوراگونی
.
.
عده ای اندیشمندان باده وحدتله مست
بیر حماسه ایتدیله ایجاد او جمع حق پرست
روح تندیس شهامت یکه تازان الست
عالمه نشر ایتدیلر ایمانی عاشوراگونی
.
.
یوزدن آزراخ دوردولار یوزمین شریره روبرو
ویردیلر فانیله گلزار وفایه آبرو
اولدولار سازنده تاریخ اولار بی گفتگو
درک ایله شخصیت انسانی عاشوراگونی
.
.
گوردولر دوتموش او گون آئینه اسلامی گرد
قولاً وفعلاً گرک کفاریله ائتماخ نبرد
قدرت ایمانه باخ باش اگمیوب نامرده مرد
صورته دوندردیلر معنانی عاشورا گونی
.
.
الده فرمان رسالت باشدا شور و التهاب
دلده فکر ذکر امت پیروان بوتراب
اولدولار هر تک تکی بنیانگذار انقلاب
صحن پیکار ایتدیلر دنیانی عاشوراگونی
.
.
سوزلرینده روح عیسی اوزلرینده اتحاد
ملت اسلامه الحق ویردیلر درس جهاد
قانلاری یازدی ترابه دین و قرآن زنده باد
انقلابین اولمادی نقصانی عشوراگونی
.
.
هانسی ملت گورسه حکامین غلط برنامه سین
تابعیت ایله سین گیسین شهامت جامه سین
تازه لندیرسین گرک کرب و بلا هنگامه سین
ایله سین تجدید عاشورانی عاشوراگونی
.
.
اولماسا روح شهامت ملت اسلامیده
خوار اولار دائم جهاندا پنجه ظلامیده
ائتمه سین طاقت مسلمان خفته ایامیده
یازدولار بیز خلقه بو فرمانی عاشوراگونی
.
.
ای سلحشوران با ایمان سلام اولسون سیزه
ای شهیدان ره قرآن سلام اولسون سیزه
ای سوسوز یتمش ایکی قربان سلام اولسون سیزه
یاده سالوخ سیز ویرن اعلانی عاشوراگونی
.
.
آشکار اولدی بلا دشتینده شور رستخیز
کفرله ایمان مقابل دوردی باشلاندی ستیز
حق یولوندا دوغرانوب اولدی بدنلر ریز ریز
مکتب دینه اولاردی بانی عاشوراگونی
.
.
ای حبیب ای حافظ قرآن سلام اولسون سنه
شیر پیر عرصه میدان سلام اولسون سنه
ای بریر ای مرد با ایمان سلام اولسون سنه
سنگر دینون اولان قربانی عاشوراگونی
.
.
باخ مقام شأنه حرّ اولدی فدا حرّیته
پشت پا ویردی او صحراده جلال و شوکته
باش و جاندان گچدی اما ویرمدی تن ذلته
قویدی حیران آل بوسفیانی عاشوراگونی
.
.
ایلدی عابس بلا پیکانینه جسمین هدف
تا بیلینسین حرمت و شخصیت و فضل و شرف
اولدی شوقیله وهب راه وفاده جان بکف
خلقه تفهیم ایلدی ایمانی عاشورا گونی
.
.
کشتۀ کوی محبت مسلم ابن عوسجه
پیریدی قالمادی اما نوجوانلاردان گجه
بیر سیه چهره غلام اوز قاننه باتدی نجه
قانیله رنگین ایدوب میدانی عاشوراگونی
.
.
حفظ دین اوسته او عده باش و جاندان دویدولار
زندگانلوق رختینی شوقیله تندن سویدولار
گئتریلر اما بیزی دنیاده آغلار قویدولار
اولدولار ذکر عزا عنوانی عاشورا گونی
.
.
قاننه باتدی جناده اوغلی عَمر اولدی شهید
جان ویروب سیف ابن حارث شوذب آن مرد رشید
نافع آن ابن هلالى ئولدوروب شمر پلید
آخدی توپراقه زهیرین قانی عاشوراگونی
.
.
مالک ابن عبد نعمانه اولوب یولداش گیدوب
رزمه عبدالله و رحمان هر ایکی قارداش گیدوب
ابن اسعد حنظله حق اوسته ویرسین باش گیدوب
صائدی خوشنود ایدوب جانانی عاشوراگونی
.
.
چوخ شهامت گوستروب میدانیده ابن عمیر
نوش ایدوب جام شهادت شوق اوزیله اول دلیر
ابن مصدوق مأذن ئولدوروب جمع کثیر
جان ویروب تا سیر ایده رضوانی عاشوراگونی
.
.
اولدی یحیی و انیس و مالک و خالد شهید
عامرابن مسلم ومسعود و اثنان رشید
زهرابن عمری ئولدوردی او گون قوم یزید
آشدی باشلاردان بلا طوفانی عاشوراگونی
.
.
بو جماعتدنده بیر جمعی که قربان اولدولار
جنگ مغلوبه اولاندا قانه غلطان اولدولار
حق یولوندا بو جماعت تیر باران اولدولار
تشنه دیدار ایتدیلر رحمانی عاشوراگونی
.
.
شام عاشوراده قویموشدی بولار باهم قرار
آل هاشم قویمیاخ کفریله ایتسون کار زار
بیز ازل بیربیر اولاخ آل رسوله جان نثار
بلکه راضی ایلماخ طاهانی عاشوراگونی
.
.
بو قرار قوله اصحاب امام ایتدی عمل
فرقۀ کفاریله بیر بیر ایدوب جنگ و جدل
تاپدیلار فیض شهادت چکدیلر دنیادن ال
بیلدیلر دنیا ایوینی فانی عاشوراگونی
.
.
باوفا اصحابنون ایثارینی گوردی امام
یاد ایدوب حسرتله دوتدی خاطرین حزن تمام
اذن میدان ویردی اوغلی اکبره شاه انام
گیت دیدی مجنون ایله لیلانی عاشوراگونی
.
.
آل هاشمدن ایگرمی بش نفر اولدی قتیل
قانلارین توکدی یره لب تشنه اشرار رذیل
جان ویروب یدى نفر وارسته اولاد عقیل
گوستروبله خدمت شایانی عاشوراگونی
.
.
اوچ نفر اولاد عبدالله جعفر جان ویروب
زینب مظلومه اوز اوغلانلارین قربان ویروب
هر آنا اوز حدی جک بیر تحفه شایان ویروب
ساخلیوبلر مکتب قرآنی عاشوراگونی
.
.
مجتبادنده او چولده اوچ جوان دلربا
ایتدیلر اوز جانلارین شوقیله اسلامه فدا
ایلدی قاسمده لیلایه آناسین همصدا
بلکه معناده خانم زهرانی عاشوراگونی
.
.
دوقوز اولادی علینون اولدی شایان خدمتی
خاصّه عباس دلاور شاخص اولدی نصرتی
بو همان سقّادی وار باب الحوائج شهرتی
سر فراز ایتدی شه مردانی عاشوراگونی
.
.
ساخلیان بو نهضتی شاه شهید اعجازیدی
هم شریک اعظمی اول زینب هم رازیدی
بیرده عطشان جان ویرن بیر سود امر سربازیدی
حشره تک یوخ بو سوزون پایانی عاشوراگونی
.
.
بیز سنی وئرّوخ قسم یارب بو پاک انسانلارا
روز عاشورا آخان توپراقه ناحق قانلارا
کربلا ایستر علومی بو گوزی گریانلارا
بیر گوراخ قبر شه عطشانی عاشوراگونی
.
(1) علومی تبریزی : «لازم به توضیح است در این شعر حماسی که عده ای کم از یاران با وفای امام مظلوم نام برده شده است و با آن عده ای دیگر که در شعر نیامده است کلا در کتاب «کشکول شهادت» با شرح وقایع و سن و سال آنها حتی نام قاتلین آن بزرگواران را نوشته ام علاقه مندان به آن کتاب که از تالیفات این جانب میباشد مراجه بفرمائید التماس دعا دارم.»
.
#عاشورا #علومی_تبریزی
#حسینیه_حسینیه_شهادت #اصحاب_الحسین
#آخدی_بیر_عده_مجاهد_قانی_عاشورا_گونی
#ترکی
.
✍️ #زبدةالاشعار ✍️
.
🆔: @nohe_torki
نظر دهید