زبدةالاشعار

آخر گلون انصاف ایدون ای بی وفالر #اصغریه_عندلیب_اردبیلی

حالات حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
#سبک_یا_فاطمه_من_عقده_دل_وا_نکردم
.
مرحوم عندلیب اردبیلی
.
آخر گلون انصاف ایدون ای بی وفالر
بسدور بیزه بو ایتدیقوز جور و جفالر
شرم ایلمزسوز ای قوم ظالیم
یاندی سوسوزدان اهل و عیالیم
.
.
ای دللرینده ذکر ایدن آیات قرآن
اینتدوز جماعت خانۀ ایمانی ویران
توکدوز منای عشقیده یتمش ایکی قان
باتدی قرایه مروه و سعی و صفالر
.
.
بو هانسی دینده بی حیا ملت روادور
آل رسوله بو قدر محنت روادور
باشین آچوب اهل حرم شور و نوادور
گتدوز بلالی باشیمه یوزمین بلالر
.
.
دام بلاده مرغ بی بال و پرم من
انصاف ایدون بیر بیکس و بی یاورم من
ایتسوز منه هر بیر جفا تاب ایلرم من
چوخ تشنه دور تاب ایلمز بی دست و پالر
.
.
باتدی بو چولده قانه عباس علمدار
گیتدى الیمدن بیر به بیر اعوان و انصار
بو اصغریم تنها قالوب گتدیم من زار
بیر جرعه سو ویرمزسوز ای ناکس دغالر
.
.
اوچ گوندی نه صود گورمیوب بو شیرخواره
نه سو تاپولماز ویرمگه بو طفل زاره
ناچار قالدیم خیمه دن گتدوم کناره
چوخ تشنه دور رحم ایلیون ای بی حیالر
.
.
بو اودلی سوزدن ناگهان چکدی زبانه
بیر تیر برّان حرمله قویدی کمانه
ایتدی او طفلون نازنین حلقون نشانه
یارب نه غملی قصّه دور بو ماجرالر
.
.
بو «عندلیب» ایلر صباح و شام ناله
داغ ایلیوبدور سینه سین مانند لاله
باشین آچار قان یاش توکر گوزدن بو حاله
حسرت چکر بو ماتمه شاه و گدالر
.
.
.
#اصغریه_عندلیب_اردبیلی
#اصغریه_شهادت
#آخر_گلون_انصاف_ایدون_ای_بی_وفالر
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  گلدی یولدان گینه جانان گئجه سی #مهدیه_مصیبی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی