احوالات جوان نصرانی در واقعه شهادت حضرت اباعبدالله الحسین علیه السلام
.
✍️ زبدة الاشعار ✍️
?: @nohe_torki
.
حاج علیرضا امانی اردبیلی
.
آخشامدی ، باتوب گون نُهُم ماه بلادی
یئردنده اُفقدنده گَلَن آه و نوادی
مَخیَم کیمی عرش عالمی مشغول عزادی
صحرادی ، بیابان بلا ، کرب و بلادی
بیر زمزمه وار چولده کی هر سینه نی داغلور
گویا آلوب آغوشه رباب ، اصغری ، آغلور
.
.
تیغ الده نگهباندی اباالفضل علمدار
اخیامیده دقّتله اِئدور پاسینی تکرار
بیر نکته اِئدور روح فداکارینی آزار
شش ماهه بالا تشنه دی گهواره ده بیدار
عطشان بالانون ناله سی هردم اوجالوردی
عبّاس جوان شرم و غضبدن قوجالوردی
.
.
اشراریله احرارین اولوب جنگی مُسَجَّل
علقم اِئلیور ناله سپور کول باشا مقتل
غوغا سَسی قویمور یاتا اَبناتِ مجلّل
روشن ائلییورخیمه گهی بیر نچه مشعل
نه اهل خیَم بیلدی و نه لشگر اشرار
مشعل گئجه چوخ یاندی ویا قلب علمدار؟
.
.
اُردو وُروب آز فاصله ده لشگر عدوان
مَسلخده مُسمّم دیله مسلکده مسلمان
بیرعده سی خندانیدی بیرعده سی گریان
بیر عده پریشانیدی بیر عده پشیمان
بیر یاندا گزور شمر دنی زجر و سنانی
بیر یاندا اِئدور حرمله آماده کمانی
.
.
بیر گوشه ده بیر عده ائدور تیز سلاحی
بیرگوشه ده یاتموشدلا بیر عده سپاهی
بالش باشی آلتدا بیری اتمیشدی کلاهی
فکرینده بیری غارت اِئدور خیمه ی شاهی
بیر عیسویده حاضِریدی دشت خطرده
طبّیدی اگرچه ایشی دوشدی ئوزی دردی
.
.
نصرانی یاتوب نیمه ی شب عالم رویا
گوردی باش آچوق دشته گلوب حضرت عیسی
گوداله باخوب آغلادی شدّ تله مسیحا
فرمایش اِئدوب بوردا وِئرَر جان، شه بطحا
بیر ایش دِئدی گورمه، ئورگیم شعله ده یانوسن
مریم ، سنون اعما لُوَه زهرادن اوتانسون
.
.
آگاه اول ایاق آلتدادی بو چولده شرافت
مقتلده عدالت یخلار غرق جراحت
غفلت اِ ئلَمَه وار سنه ده فیض شهادت
مظلومیدن اولسونده اگر اِییله حمایت
بو دشتیده زهرا ئورگین داغلیاجاقلار
عرش اهلی او مظلومه باخوب آغلیاجاقلار
.
.
ناگه یوخودان دوردی او نصرانی هراسان
روحین ائله دی گوردوگی رویالری حیران
احساسینه اود سالدی بوسوز فکرینه طوفان
بیلموردی ولکن نَدَ ن اولموشدی پریشان
عارف دگولیدی اولا تا اهل اشاره
عزم اِییله دی یاتسون نگران حالدا دوباره
.
.
حکمیدی سحر مرد نصارا اولا آ گاه
گون چخدی غرض شرقیدن اولدی دهم ماه
دریا کیمی اَمواجه گلوب لشگر گمراه
لشگر دِئمَه انسان دئمه بیر گَلّهِ ی روباه
بیر عدّه بیابانی عرب کوفی و شامی
آماده اولوب یولدوره لر تشنه امامی
.
.
نصرانی بو غوغالره ایلوردی نظاره
گوردی نئجه پیکارین اودی چکدی شراره
گوردی نئجه دوشدی شهدا گوشه کناره
گوردی ئجه دگدی سود امر اصغره یاره
گوردی باباسی لای لای او مظلومه دِئیوردی
آتدوقجا قدم ساغ سولا لنگر ائلیوردی
.
.
ظهریدی هوا ایستی حسینین او زمانی
نه پیری قالوب عرصه ده نه تازه جوانی
آتدان یخلوب مقتله ی وخ تاب و توانی
اوچ پر اوخ آچوب سینه ی شاه شهدانی
اوچ گونّوک عطشدن ائله قلبی سخلوردی
یئرده سورونوردی دورا … امّا یخلوردی
.
.
زهرانین عزیزی ائله دی یرده تقلاّ
ئوز امتی جان وئرمگینه ائِتدی تماشا
هم شمر مسلمانیدی هم لشگری امّا
باش کسمگه یولاّندی همان مرد نصارا
نصرانی غرض مقتل سلطانه یتیشدی
اِنجیلده کی حاشیه قرآنه یتیشدی
.
.
درک ائتدی گلورمقتله اصوات ملائِک
سلطانه قوروب تعزیه اَسماءُ و سمائِک
جانانینه دی جان سوزی حَلّت بِفَنائِک
یارب نه بلا اولسا رِضَم مَن بِقَضائِک
میداندا سنون قاندا سنون جاندا سنوندی
یارب آد حسینین کیدی پیماندا سنوندی
.
.
من عاشقم عاشق دِئمَز عشق عالمی من من
من یوخدی منی من اِئلیَن دشتیده سن سن
منّن سنی هچ عارف آیرماز سنی منّن
جان نقدی منیم اولدی، قبول اِئتمگی سنّن
چون صاحب عزا سنسن ، عزا نغمه سی واردی
چوللرده اسن یئلده ، حسین وای سسی واردی
.
.
من اکبری قربان ائله دیم اکبره خاطر
بیر لحظه گِلَه ائیلَمَرم اصغر ه خاطر
باش اَگمَمیشم دهریده زور وزره خاطر
قدّیم اگیلوب نهره دوشن اللره خاطر
بو یاره لَریمدی منه سرمایه الهی
قوی گون توکه اود نِینیورم سایه الهی
.
.
بو راز و نیازی ائشیدوب مرد نصارا
حیرتده قالوب تیتردی اندامی سراپا
عرض ایله دی کیم سن بویور ای شمس تجلّی
بو چولده دیولّر آدُوا خارجی امّا
بو راز و نیازون منی آشفته تر ائیلر
کیم سن؟ نه سببدن آدوا خارجی دئیلر ؟
.
.
فرمایش اِئدوب شمس هدی جلوه ی دِینَم
ذریّه یِ دلبندِ شه بَدر و حُنینَم
خیبر قاپوسون سندرانا نورِ دو عینم
اَللرده ئولن فاطمه نین اوغلی ،حسینم
دین اوسته سوسوز سود امریم گول کیمی سولدی
شمر اولدی مسلمان و حسین خارجی اولدی
.
.
خارج دگولم دینه امام زَمَنم من
اما کمگیم یوخدی غریب وطنم من
اوغلانّاری قارداشلاری الدن گئدنم من
چوللرده قالوب عترتی ایثار ائدنم من
بو حاله منی لشگر صد چهره سالوبدی
اجلالیمه شک ائتمه تفاقیم داغلوبدی
.
.
خلقتده تکم حضرت خلاّقه حبیبم
تفسیر عجایبدی بابام منده عجیبم
لشگر بیله بیلمور نیه بو چولده غریبم
باخما بو قَدَر یارَ مَه هر درده طبیبم
هر یاریه هر بیر غمه ذکر ایلمیشم هو
اصغر جانی اوچ گون عطشم ایسته مَرَم سو
.
.
سن باخما کی آماج بلا و خطرم من
ثابتلره سیّاره لر ه حکم اِئدَرم من
منظومه ی اسرار قضا و قَدَرم من
نصرانی یوخو نّاندا سنون با خبرم من
اُول شخصه کی عیسی گجه یاس قوردی منیدیم
مظلومی کی آخشام سنه تاپشوردی منیدیم
.
.
بو سوزلری تا کربوبلا شاهی بویوردی
دیسکیندی او غفلتده یاتان عیسوی دوردی
اَسدی اوقَدَر دیزلری ، مقتلده اوتوردی
یئردن گوتوروب باشینه تپراقی سُووردی
بو رمزی دئدی وای نیه درک ائیله مه دیم من ؟
کول باشیمه دشتی نیه ترک ائیله مه دیم من؟
.
.
وُردی ایکی اَللی باشا طغیان غمینّن
جان یاندی نفس چکدوگیجن اودلی دمینّن
امیّد الینی ئوزمه دی شاهین کرمینّن
یئرده سورونوب اوپدی حسینین قدمینّن
عرض ائیله دی عفو ائیله آقا عبد ذلیلم
زهرا بالاسی ، عیسوی اولسامدا دخیلم
.
.
گَتدیم سنه ایمان آقا ایمانُوَه قربان
آلنون یارا سینون یارا پیمانوه قربان
جانانه مناجات اِئلیَن جانوه قربان
الله قانی تپراقه آخان قانوه قربان
غفلت بورییَن گوزلریمی سیلمه میشم من
کیمسن آقا زهرایه قسم بیلمه میشم من
.
.
صحرادی هوا ایستی قوری لبلرون عطشان
باشدان باشا جسمونّن اولور جاری قزل قان
امر ائیله اِ ئدوم جرمیمی آیا نجه جبران
قلبیم دارخور ائتمه پریشانی پشیمان
یازما آدیمی هم صف مردان هنر ور
نوکرلرُ ون نوکرینه یاز منی نوکر
.
.
آچدی قوریان لبلرینی شمس هدایت
فرمایش ائدوب وار گورورم سنده سعادت
عارف اول ، علی مکتبینه ائتمه خیانت
یا شهرُوه گِئت ائیله ویا عظم شهادت
هچ شخصه حسین ائیلمز ئوز عهدینی تحمیل
آزادیسن اعمالُوَه ، نِینِیسن ئوزون بیل
.
.
راوی بویورور مسلم اولان مرد نصارا
تیغ الده ئوزون وُردی قوشون بحرینه تنها
دَگدیگجه یارا دِئیدی منی عفو ائله زهرا
گوردوم بویانوب پیکری قانیله سراپا
ذبح اولدی باشی چشمه کیمین قانی آخوردی
امّا نگران گوزلری گوداله باخوردی
.
#جوان_نصرانی
#اصحاب_الحسین
#آخشامدی_باتوب_گون_نهم_ماه_بلادی
#امانی_اردبیلی
#ترکی
.
✍️ #زبدةالاشعار ✍️
?: @nohe_torki
نظر دهید