راه شام
زبانحال حضرت رقیه (س)
.
✍️ زبدة الاشعار ✍️
.
?: @nohe_torki
.
مرحوم صافی تبریزی
.
آردینجا علی بو غُل و زنجیریله گَلَّم
گور سندن اوتور شامه نه تدبیریله گَلَّم
.
.
گَلَّم گجه لر نی کیمی فریاد و خروشه
تا نالۀ شبگیریم الیمده اولا توشه
چون شامده بو توشه یتر یاخشی فروشه
بازاره او گون نالۀ شبگیریله گَلَّم
.
.
تغییر ویروب عیشیمه عالم علی اکبر
باج آلدی باجوندان نجه گور غم علی اکبر
ویرَّم غمیله عالمه من دم علی اکبر
هر یان گیده سن منده او تغییریله گَلَّم
.
.
گرمیّتیله گون دولاناندا باشون اوسته
قانون گلی جوشه توکولر گوزیاشون اوسته
مجروحیدی گوگلوم او خیمده قاشون اوسته
چون ذکر سر و خنجر و شمشیریله گَلَّم
.
.
زنجیره ده آهیم اثری ایلدی تأثیر
نرم اولدی بو آهیم اثریندن دل زنجیر
تاثیر ایلمز شمر خداگیره نه تدبیر
نیلوم گینه بیر ایله خداگیریله گَلَّم
.
.
آهیم دگی بو شعلۀ سوزِ نفسیمدور
فریاده گلن وقتیده فریاد رسیمدور
تا وار نفسیم یانماقا بو شعله بسیمدور
بو سوخته جسمیمده کی تأثیریله گَلَّم
.
.
هر درد و مصیبت که قلمدن اولا صادر
ممکن دگی بر کیمسه اولا دفعنه قادر
عشق اهلی قضا امرینه اولموش متبادر
باطنده من اول صورت تقدیریله گَلَّم
.
.
عاشق ولی معشوق غمیندن دله گلمز
گلسه دله عشقون ثمری حاصله گلمز
آخر که مجاز اهلی حقیقت بُله گلمز
فکر ایلمشم منده بو تدبیریله گَلَّم
.
.
تمثال همایونوی دلدن دیمه سیلَّم
سیلم او زمان نقشوی اورکدن که من ئولَّم
ویرانه منه خوابگه عشقدی بولَّم
اول خوابگه عشقه بو تصویریله گَلَّم
.
.
تکبیر دیوب شمر بولر بیزلری مغلوب
قیلماز بیزی مغلوب مگر جذبۀ محبوب
ذکرالله اولار نیزده کی باشیله مطلوب
من طالبم اول باشداکی تکبیریله گَلَّم
.
.
رؤیاده اولاندا منه زلفوندن اشاره
تعبیرینی یاخشی ایلدیم من گونی قاره
بولدوم اولاجاق قاره گونوم قاره دوباره
من بزم یزید لیچره او تعبیریله گَلَّم
.
.
گوزیاشی بیر اکسیریدی «صافی» اثر ایلر
گر دگسه مسِ قلبوه آثار زر ایلر
آغلا که حسین گوز یاشنا چوخ نظر ایلر
گورسون که صف حشره بو اکسیریله گَلَّم
.
.
#سبک_ای_باد_صبا … 7سبک
.
.
#راه_شام
#آردینجا_علی_بو_غل_و_زنجیریله_گلم
#صافی_تبریزی
#ترکی
.
✍️ #زبدةالاشعار ✍️
.
?: @nohe_torki
نظر دهید