زبدةالاشعار

آز قالدی مزاره گئدم ای شاه خُجسته #فاطمیه_نادربابایی

شهادت حضرت زهرا (س)
.
✍️ #زبدةالاشعار ✍️
.
🆔: @nohe_torki
.
حاج نادر بابایی
.
آز قالدی مزاره گئدم ای شاه خُجسته
گَل بیردانیشاق سون نَفَسیمده سفر اوسته
.
.
یوخ ذرّه بو دنیاده گوزوم گرچه جوانم
شوقیله بو گون ساحَت معبوده روانم
سندن بو سفر اوسته عَم اوغلی نگرانم
مندنصورا غم باشووَه سایه سالاجاقدی
عَدلین دَدَه سی ائوده کمکسیز قالاجاقدی
.
.
دنیایه گورَه آخرتی ساتدی بو امّت
کور ایلدی ظُلامی نَدن حُبّ ریاست
باغلاندی غریبانه بو گون باب امامت
ظُلمون عَلمی‌ عَدلین آدیلا اوجالوبدور
خیبر شِکنون اللری قوینوندا قالوبدور
.
.
مندنصورا بیرده بله بیرکشمکش اولسا
وَحشیلَر اگر ائتسه تَهاجم ائوه دولسا
باغلانساقولون گُللریمیز صحنه ده سولسا
امدادووَه آردونجا سنون کیم قاچاجاقدور
باغلی قولووِی اوندا کیم آیا آچاجاقدور
.
.
عرفانین حِجاباتیده مَفهومی سنیدون
غم دفترینون باشداکی مَغمومی سنیدون
مظلوملرین دَهریده مظلومی سنیدون
ایکاش ائله امکانیم اولیدی دایانیدیم
گوز یاشلی سنون باشووَه بیرده دولانیدیم
.
.
اَسرار مِحن فاش اولوری غملی سوزوندن
بیر هالهء ماتم گورونور ایندی یوزوندن
من گئتدیم عَم اوغلی سن ئوزون گوزلَه ئوزوندن
هرچند گئدور فاطمه ای خسرو خوبان
باشون ساق اولا آغلاما گوز یاشووَه قربان
.
.
ای فَخر ائلین عِزَّتینه آدم و حوا
دوققوز ایل ائوونده سنه غمخواریدی زهرا
بو مدتی حَقّونده قُصوری اگر اولسا
اِغماضِ نظر گَل منه ای نیک خصال ائت
سن بیل بوحسینین جانی زهرانی حلال ائت
.
.
نسگیللَریمون ایندی بونسگیلدی کبیری
واضحدی قزیم زینب اولار غملَر اسیری
زهرایه گوره یاخشی دانیشدیر او صغیری
بیرگون که قَدَر ایستدی طوی قسمتی ائتسون
اولماز نَنَه سی ،سن گلینی سال یولا گئتسون
.
.
بیرده سنه بیر سوز دیورَم ای شه مَحشر
وئر کوینگیم اوستن منه غسل اولسا مُیسّر
تدفینیمی سال سن گجیه اولما مُکدّر
گیزلینده عَم اوغلی منی حمل ایله مزاره
تا دردیمه ائتسون گجه نون قاره سی چاره
.
.
بو اهل مدینه منه هِچ قویمادی حُرمت
حاشا که تاپا مُحسنیمون قاتلی فرصت
گوزلردن عم اوغلی گَل ئوزون قبریمی گیزلت
مَکتوب غمی ایله نهان قوی قالا بسته
تیترر بدنیم گلسه عُمَر قبریمون اوسته
.
.
(نادر)دیوری خامه دایان یوخدی توانیم
حیدر حالینون ذکرینه عاجزدی بیانیم
واردور یری قوزانسا اگر عَرشه فغانیم
قبره قویولاندا گجه نون عالمی زهرا
آغلاردی علی حالتینه گُنبد مینا

متن پیشنهادی:  نه مدّتیدی حسینون غمون خیال ائلرم #وداع_روفه_گر

.
.
#فاطمیه_نادربابایی
#فاطمیه_شهادت
#آز_قالدی_مزاره_گئدم_ای_شاه_خجسته
#ترکی
.
✍️ #زبدةالاشعار ✍️
.
🆔: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی