زبدةالاشعار

آز قالدی یانسون ظلمیله بو خیمگاهی زینبون

غارت خیام
.
✍️ زبدة الاشعار ✍️

?: @nohe_torki
.
مرحوم شهاب تبریزی
.
آز قالدی یانسون ظلمیله
بو خیمگاهی زینبون
اِمداده گَل قارداش حسین
یوخدور پناهی زینبون
.

دور خیامی آلدیلار بو بد جماعت یا اَخا
قالموب او قدری ظلمیله ایتسونله غارت یا اَخا
حَددن گیچوردوب ظلمینی اهل عداوت یا اَخا
جور و ستمدن اوج ایدور افلاکه آهی زینبون
.

قارداش اگر وار قدرتون قیل چاره بو کافرلره
بو اهلبیتون ناله‌سی یکسر دایاندی گویلره
اولما رضا آهو کیمی دوشسون عیالون چوللره
آخر اوزون دور داده گَل ای پادشاهی زینبون
.

متن پیشنهادی:  دستگاه شوم و تبلیغات مسموم عدو #حسنیه_صحاف_تبریزی

چون جلد قرآن اود دوتوب ظلم آتشیله خیمگاه
اوراق اولوب قرآن کیمی قارداش بَنات بی‌پناه
دوشدی عیالون چوللره نیلوم من بختی سیاه
یوز مین گروه اشقیا یوخ دادخواهی زینبون
.

عرشه دایاندی یا اَخا جور و جفای کوفیان
آل رسولی سربسر خوفه سالوب شمر و سنان
گر خواب نازه نازیله مشغولسن برجه اویان
بر اوزگه سمته یوخ بوگون امّیدگاهی زینبون
.

متن پیشنهادی:  اوغلوم خلق ایچینده ادب لی اولسان #پندیات_قیزیل_قلم

آخر همان زینبدی بو ای پادشاه کربلا
بر آن خیم‌دن چخماقا اولمازدون عالمده رضا
ایمدی روادور رختینی سویسون گروه اشقیا
اولسون یوزینون حایلی زلف سیاهی زینبون
.

جور و جفاسین دمبدم ایلر زیاده اشقیا
دشمنلر ایچره عترت بی‌یاورون قویما قالا
آز قالدی باجون قوللاری دشمن النده باقلانا
آیا ندور قارداش حسین جرم و گناهی زینبون
.

بو دشت غمده اشقیا ظلمتین نمایان ایلدی
آل رسولین باغرینی لاله‌ صفت قان ایلدی
تاب ایلدیم بو دشتیده هر ظلم عدوان ایلدی
آخر بو مطلبده سن اول قارداش گواهی زینبون
.

متن پیشنهادی:  گوردی راهب نیزده بیر نیر اعظم گلور #دیر_راهب_سعدی_زمان

ایله «شهابا» مایل محنت دل سوزانوی
دولدور مدام اشکیله هم بو دیدۀ گریانوی
اولسا بو سوز وِرد‌ زبان خوش دوتموسان عنوانوی
آز قالدی یانسون ظلمیله بو خیمگاهی زینبون
.

#سبک_ای_شاه_مظلومان_حسین (5 سبک متفاوت سینه و زنجیر و … )

.

#غارت_خیام
#آز_قالدی_یانسون_ظلمیله_بو_خیمگاهی_زینبون
#شهاب_تبریزی
#ترکی
.

✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی