شهادت حضرت علی (ع)
.
✍️ #زبدةالاشعار ✍️
.
🆔: @nohe_torki
.
مرحوم بیخود
.
آز قالوب نظام عالم ظلم الیله برهم اولسون
مرتضا علی، شهیدِ تیغ ابن ملجم اولسون
.
.
آز قالوب فغان زینب عالمه شراره سالسون
اهل بیت مصطفانون باشلارینا قاره سالسون
باش آچوب ایدوب پریشان زلفنی عذارہ سالسون
بار محنت علیدن سرو قامتی خم اولسون
.
.
یاعلی اولیدی جان شیعه عترتون فداسی
راضی اولمادون یتیشسون خلقه زینبون صداسی
زینبون دوشنده یاده ماجرای کربلاسی
اهل عالمه قیامت آز قالوب مجسّم اولسون
.
.
ایمدی فرق مرتضایه زهر ایله ایدوبدی تأثیر
گوز آچوب وداع ایدردی عترت رسولی بیربیر
گوردی چون او حالی زینب غصّه دن اولوب گلوگیر
باش آچوب نوایه نی تک ایستدی مصمّم اولسون
.
.
زینب آغلیوب صداسی چون یتشدی مرتضایه
آچدی گوزلرین بویوردی پادشاه کربلایه
قویما ای اوغول سن ایمدی زینبی گله نوایه
دورۂ حرمده شاید ایمدی غیر محرم اولسون
.
.
آه او وقتدن ووراندا شمر خیمه گاهه آتش
خیمه لر یاناندا زینب گوردی عابدین ایدوب غش
یاعلی دیوب اود ایچره داخل اولدی اول بلاکش
قویمادی شرار آتش قلبِ قلبِ عالم اولسون
.
.
آز قالوب قرا چکیلسون بارگاه کبریایه
آز قالوب کلام ناطق برهم اولسون آیه آیه
آز قالوبدی رحلت ایتسون حیدر عالم بقایه
رشتۀ وجود برهم کائنات درهم اولسون
.
.
یا علی سنون باشوندان بیر قلج ووروبدی دشمن
ضعف ایدوب گلنده حاله بیله اضطراب ایدورسن
سینۀ حسینی ایتمش دورت مین اوخ یاراسی مسکن
آغلا «بیخود» اشگ چشمون اول یارایه مرهم اولسون(1)
.
.
(1)مرهم : ضماد یا دارویی که بر زخم میگذارند که جمع آن مراهم میشود.
.
.
#حیدریه_بیخود_سرابی
#حیدریه_شهادت
#آز_قالوب_نظام_عالم_ظلم_الیله_برهم_اولسون
#ترکی
.
✍️ #زبدةالاشعار ✍️
.
🆔: @nohe_torki
نظر دهید