زبانحال حضرت امام حسین(ع) خطاب به حضرت زینب(س) در موقع وداع
.
.
#سبک_ای_حرمینه_ناز_ایدن … 4 سبک
مشابه
.
.
مرحوم شانی تبریزی
.
.
آغلاما ائتمه بو قدر شور و نوا آنام باجی
من کیمی هر قضایه وئر سنده رضا آنام باجی
.
.
ای شرف و مقامیده خیرالنسایه نائبه
سنده گرک آنام کیمی صبر ائده سن مصائبه
صبر ائلین مصائبه یتدی بیوک مراتبه
مشقوی وئرمیوب مگر خیرالنسا آنام باجی
.
.
گوزله قوای قلبوی لشکر بیم آپارماسون
یعنی ثبات صبریوی دردعظیم آپارماسون
حلموی دشمن مبین خصم رجیم آپارماسون
زحمت و رنجون اولماسین تا که فنا آنام باجی
.
.
نه قالوب عون و اکبریم نه منه بیر معین وار
دورما ئولوم آتین گتور ائیله منی ئوزون سوار
باجی سن آغلیاندا بو خردا اوشاقلارا نه وار
گوز یاشوی گورن ائدر داد و بکا آنام باجی
.
.
وئرمم ایکی جهانی من بیر او نگاه شاهده
بو سوزون احتیاجی یوخ اوزگه گواه وشاهده
باخماعلم یاتوب دئمه کسریدی جاه شاهده
عالی شکوه اولور باجیم دوتسا لوا آنام باجی
.
.
من دئمورم که توکمیون گوز یاشی یاسه باتمیون
عمده وصیتیمی سئیز لیک نظردن آتمیون
تا بدنیمده روح وار ناله سسین اوجاتمیون
طعن وشماتت ائتمه سین اهل جفا آنام باجی
.
.
اوندا که اهل دل تاپار آغلاماقین بهانه سین
گیزلدور اوزگه دن گینه نالۀ عاشقانه سین
سنده بو گلشن غمون بلبل خوش ترانه سین
قویما اوجالدا نالۀ وا ابتا آنام باجی
.
.
دیندیرورم بویاندا من رأفتیله بالالاری
ساکت ائله اویانداسن اوغلى ئولن آنالاری
باجی بویاندا اکبرین قان وئروری یارالاری
لیلی اویاندا سسلنور وا ولدا آنام باجی
.
.
قلبیمی قیزلاریم باجی حسرت اودیله یاندیرور
بعضی کناریدن گوزون حسرتیله دولاندیرور
بعضی سوسوزلوقون دیور بعضی ملالین آندیرور
بعضی عمو عمو دیور بعضی بابا آنام باجی
.
.
بعضی گورور دچار اولور ائیللریله فراقیمه
دامن وصلیمی دوتور بیر دوشنور ایاقیمه
بعضی ئوزون نشان وئرور بلکه آلام قوجاقیمه
بیرده بو سینیه گلوب کامین آلا آنام باجی
.
.
گرچه بوخوش باخیشلارین باخماقی رأفت آرتورور
حسرتیله باخور یانان قلبیمه حسرت آرتورور
لیک یوبانماقیم داخی روحیمه زحمت آرتورور
فرصتی فوت ائیلمز اهل وفا آنام باجی
.
.
لشکرین اَلمُبارزی صبریمى الدن آلموری
رشتۀ جانی تا بدن نالۀ کوس سالموری
سهلدی جمله سی بولار ، لیک او قدر قالموری
یوز قویا خیمه گاهیمه قوم دغا آنام باجی
.
.
هر قدر اهل بیتمون قلبده اضطرابی وار
غارته اهل کوفه نین مین او قدر شتابی وار
گور بو یتیمه قیزلارین قمچیِ زجره تابی وار
سیلیِ شمره یا دوزَر خردا بالا آنام باجی
.
.
اهل محبت ائیلمز نازیله خواب ناز شب
توپراقا یوز قویوب ائدر کشف نیاز و راز شب
من بولورم که هر گئجه سن قیلاسان نماز شب
اوندا عزا دوتانلاری ائیله دعا آنام باجی
.
.
روز وداع دوستان با دل پر غم و ملول
نظمه دوشوب بو داستان شأنی کلامه وئردی طول
بئیله کلام دلستان ای خوش اولا او دم قبول
آغلاما ائتمه بو قدر شور و نوا آنام باجی
.
.
#حسینیه_وداع #وداع
#آغلاما_ایتمه_بو_قدر_شور_و_نوا_آنام_باجی
#شانی_تبریزی
#ترکی
#زبدةالاشعار
نظر دهید