زبدةالاشعار

آغلا قان آغلا گوزوم عالم بوگون مغموم اولوب #صادقیه_عاصی_تبریزی

شهادت امام جعفر صادق (علیه السلام)
.
.
.
مرحوم عاصی تبریزی
.
.
آغلا قان آغلا گوزوم عالم بوگون مغموم اولوب
صادق آل محمّد ظلمیله مسموم اولوب
.
غملنوب بو گونده عالم
سنده آغلا ساخلا ماتم
.
.
جنّت ایچره باش آچوبدور مصطفی و مرتضی
وای اوغولوای سسلیوب ایلر نوا خیرالنّسا
جای بهجت روضه ی رضوان اولوب ماتم سرا
انبیا و اولیا بو غصّه دن مهموم اولوب

.
بو شهین گر چکدیقی محنتلری تقریر اولا
قورخورام بو آه آتش باریم عالمگیر اولا
گر یازا مین اهل دل ممکن دگول تحریر اولا
شرح حالینده او سوز که مقتله مرقوم اولوب

متن پیشنهادی:  حجاز قافله سی صبح وقتی شامه یتیشدی #ورود_شام #ثریا_تبریزی

.
چوخ جفا ایتدی اوز عصرینده بو شاهه اهل کین
چکمدی ظلم و ستمدن ال گروه مشرکین
عاقبت ناچار اولوب بیر اولوب خانه نشین
گون به گون خلقه ولی حقّیّتی معلوم اولوب

.
اهل حقّه راه حقده اولدی بیر نوعی سراج
حکم دین احکام شرع مصطفی تاپدی رواج
اولدی منصورین گوزینده روز روشن لیل داج
اوز هوای نفس شومین نفسینه محکوم اولوب

.
دوشدی بو فکره که سوندورسون او نور مطلقی
بیر نچه تدبیر ایدوب قتلینده اول شوم و شقی
زهریله مسموم ایدوب آخِر امام بر حقی
یاندی اکبادی، حیاتیندن او شه محروم اولوب

متن پیشنهادی:  گوتور باش قبردن گل مجلس بغداده یا زهرا #کاظمیه_سعدی_زمان

.
گرچه مقتول اولدی زهریله بو شاه ممتحن
ویردی اوز اوغلی ولیکن غسلینی، ایتدی کفن
قویدی قبره، بیله دور شرع خدای ذوالمنن
دفن فوری امردور، شرعاً بیله مرسوم اولوب

.
آه یا صاحب زمان، افسوس یابن العسکری
دفن اولونمادی ندن جدّون حسینین پیکری
گون قباقینده قالوب اوچ گون وجود اطهری
گور حسین تک کیم بو عالمده بیله مظلوم اولوب

.
دفنینون آلسان خبر علّت اگر تاخیرینه
وار نچه سرّی که عاجزدی قلم تحریرینه
کوفه ده سجّادی گور، باخ بوینونون زنجیرینه
نیلسون سجّاد، اسیر اشقیای شوم اولوب

.
گلدی اوچ گوندن صورا اوغلی او فخرُ السّاجدین
شاه عطشان نعشینی دفن ایلدی زار و غمین
بیر کفن ایتدی کفنسیز شاهه اول هادی دین
نه کفن گور جدّیوه اکفانیدن محتوم اولوب

متن پیشنهادی:  ایلر بو غمده شیعه لر شور و نوا یافاطمه #فاطمیه_دلریش

.
بیر حصیری که اونا غارتگران بی حیا
خیمه سین تاراج ایدنده ایتمه میشدی اعتنا
اولدی اول جسمه کفن که ذات حقدور خونبها
حق اوزی بیر بیله مظلومیّته مغموم اولوب

.
«عاصیا» چوخ سُفله پروردور بو چرخ کجمدار
محترم اشخاصی دائم ذلّته ایلر دچار
بو دنی دنیانین اولما اهلینه امّیدوار
گورموسن مهر و وفا بو خلقیدن معدوم اولوب
.
.
#صادقیه_شهادت
#آغلا_قان_آغلا_گوزوم_عالم_بو_گون_مغموم_اولوب
#عاصی_تبریزی
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی