زبدةالاشعار

آغلا هارونون جفاسندن اولان خوار عاشقه #کاظمیه_انور_اردبیلی

حالات حضرت ابا ابراهیم عبد صالح موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم #انور_اردبیلی
.
آغلا هارونون جفاسندن اولان خوار عاشقه
گوشه زندان ظلمتده گرفتار عاشقه
.
.
آند اولا سایسیز کراتی خلق ایدن اللهیمه
ایتمدی جانی خلیفه حقدن بیر واهمه
نسبت اخلالگر ویردی ابا ابراهیمه
تنگ قیلدی جدّینون شهرین وفادار عاشقه
.
.
چرخ کج گردش حمایت ایتدی اهل بدعتع
حجت یزدان اسیر اولدی شریر امته
جرمسیز تقصیرسیز تبعید اولوندی غربته
تنگ اولوبدور زندگی توحید کردار عاشقه
.
.
بصرده فضلون ایوینده اول شه والا نسب
انفرادی حبس اولوبدی موسی کاظم لقب
قبله طاعتده مشغول عبادت روز و شب
ذکر حق مأنوسیدی اقبالی بیدار عاشقه
.
.
باغبان محبوس اولوب سولدوردی هجران گللری
یوللارا گوز تکدی اون یدی عزیزه دختری
روز و شب معصومه نون آخدی یوزه اشک تری
کنز چشمندن در ناب ایتدی ایثار عاشقه
.
.
بصره ده زنداندا بیر مدت قالوب افسرده حال
هاردا زندانیدی اما بیلمیوردی اهل عیال
کچدی ایللر محبس بغداده تاچدی انتقال
سندی مأمور ایتدیلر اولید نگهدار عاشقه
.

محبس بغدادی قیلسا دیده دل منظره
بیر رطوبت یر گورر بی روزنه بی پنجره
تنگنا سردابه دور یوخ ارتباطی بیر بیره
استراحت گور نقدری اولدی دشوار عاشقه
.
.
سند ئوزی بیر رحمسیز نا جنس زندانبانیدی
سیرتاً خونخوار و وحشی صورتاً انسانیدی
دشمن ال عبا مأمور بی وجدانیدی
بلمورم الله بیلور ویردی نه آزار عاشقه
.
.
بوینونا وردی امام راکعون بیر سلسله
اگلشوب دورماق چتین اولدی او پیر کامله
زحمت زنجیردن گلدی گیجه گوندوز دله
سس ویرن اولمادی غیر از درب و دیوار عاشقه
.
.
سند ظالم بلمدی کافی گنه بو زحمتی
ایستدی زنداندا آرتوق اینجیده اول حضرتی
ظالمانه نقشه چکدی اورگدوب بیر عورتی
ایله آرایش گیدوب محبسده اول یار عاشقه
.
.
قصد زندان ایتدی عورت آه یا اهل العزا
پله اردن فوری اندی گوردی بیر ظلمت سرا
رو به قبله بیر قوجا سیّد ائدور حمد و ثنا
واله اولد صاحب اورادو اذکار عاشقه
.
.
درک ایدنده حضرتون پر شور و پر معنا سوزون
نفسنی قیلدی ملامت ایلدی توبیخ ئوزون
دولدوربدور اشک خجلتله ایکی آغلار گوزون
هوش عفت تاپدی باخدوقجا او هوشیار عاشقه
.
.
ترک ایدوب زندانی گوردیلر ایدور سوز و گداز
رو به قبله درگه حقه ایدور راز و نیاز
اولدیلار جویا ندن اولدون بیله اهل نماز
حقی تاپدوم سویلدی باخجاق سزاروار عاشقه
.
.
مه که گتدوم محبسه گوردوم او پیر بیکسی
صوت تکبیر و دعاسی دولدوروبدور محبسی
روحمی بسکه عوض ایتدی عبادت صحنه سی
سندی نفرین ایلیوب اولدم طرفدار عاشقه
.
.
گوزلریمدن پرده غفلت چکلدی ناگهان
نازل اولدی محبسه درک ایلدیم اهل جنان
عبد صالح سسلیوردی اول غریبی قدسیان
عالم معناده بلدوم وار پرستار عاشقه
.
.
رازدار حقّدن راز و نیاز اورگنمیشم
سوز و سازین گورمشم سوز و گداز اورگنمیشم
عبد صالحدن او زنداندا نماز اورگنمیشم
اولمیون دشمن سیزی تاری گونی تار عاشقه
.
.
یالوارون هارونه دلده رقت ایجاد ایلسون
منتظردور بو غریبون عترتی شاد ایلسون
منّتین قویسون خانم زهرایه آزاد ایلسون
بوندان آرتوق ویرمسون محبسده آزار عاشقه
.
.
ایتمسه آزاد اونی رنج و مشقت ئولدورر
کنده و زنجیر ایدور چوخ چوخ اذیت ئولدورر
سلسله ئولدورمسه آخر رطوبت ئولدورر
سندیدن مخصوصاً هر ساعت خطر وار عاشقه
.
.
اولمادی حق سوزلره هارون ناکس مشتری
ناظر زندانه ویردی ئعده سیم و زری
داد او گوندن سندون اولدی نفس منحوسی جری
زهرلی خرما طبقده گتدی افطار عاشقه
.
.
یاخشی خرمادور دئیدی شاها گتوردوم محضره
ایله رغبتله تناول قوت اولسون پیکره
قیلدی فرمایش منی معذور دوت اول کافره
سند بی پروا دوباره ایتدی اصرار عاشقه
.
.
سن بو خرمادن دیدی میل ایله اولما ناگران
ایستورم کامون اولا شیرین غرض یوخدور اینان
رغبتیم یوخدی بویوردی ورما ئوز حقدن اوتان
قمچیسین آچدی او ظالم ایتدی اخطار عاشقه
.
.
میل قیلدیرام دیدی گلسه باشا هر قیمته
گر سوزوم دوشسه یره سنده دوشرسن زحمته
گوردی بی رغبت امامی سند گلدی جرئته
نازیانه قوزاوبدور اندی تکرار عاشقه
.
.
بلمورم قمچی او مظلومه نجه ویردی فشار
ساخلا ال ئولدوم دیدی ای ظالم بی شرم عار
بیر نچه دانه او خرمادن یدی بی اختیار
مهلکه اولدی بالا زندانی ناچار عاشقه
.
.
سند مقصوده یتوب ترک ایلدی اول محبسی
عرشه قوزاندی ابا ابراهیمون افغان سسی
الله الله نیلیوم زهر ئولدورور بو بیکسی
سن ئوزون آگاهسن اولدی نه رفتار عاشقه
.
.
زهر مهلک شاهد اول یارب قاریشدی قانمه
طاقتیم یوخ اگلشم ارزه دوشوبدور جانمه
کاش بو ساعت آنام زهرا گلیدی یانمه
گلمسه واردور کیمی اولسون عزادار عاشقه
.
.
بیر نظر ایلوردی محبسده آغارمش خدّیمه
تنگنا محبس بوکن ساقینمه خم قدّیمه
او منه آغلیدی من اللرده ئولمش جدّیمه
چون توسل هر ندن خوشدی او سالار عاشقه
.
.
.
#کاظمیه_شهادت
#آغلا_هارونون_جفاسندن_اولان_خوار_عاشقه
#پیام_عزا_انور
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  بوقدری آغلاما گلمه بئله فغانه باجی #خروج_مدینه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی