زبدةالاشعار

آغلیون شیعه گلون ناله و فریاده بوگون #سجادیه_فریدی

شهادت حضرت سجاد علیه السلام
.
✍️ زبده الاشعار ✍️
.
?: @nohe_torki
.
حاج علی اصغر فریدی
.
آغلیون شیعه گلون ناله و فریاده بوگون
ساخلیاخ بزم عزا سید سجاده بوگون
.
نسگلی چوخدی بونون ذکرینه یوخ منده توان
آناسی فاطمه بو غمده ایدور دادو فغان
شوریله گوزیاشینی ایلیوری رخساره روان
اوغلونون درد و ملالین سالوری یاده بوگون
.
.
یری وار عصرین امامی ایده ناله بو سوزه
شوریله اشک ترین جاری ایده گوزدن اوره
جدینون قبرینی پوزگون گوره مشگلدی دوره
یا قویار صبر بو غم اول شه والاده بوگون
.
.
قبری پوزقوندی بونون چوخدی ملال و منحنی
آزدی زواری زبس غربت اولوب اوز وطنی
گورمیوب دیده ی عالم بیله مظلوم اولنی
گلمسون شیعه بو محنتده نجه داده بوگون
.
.
یاده سالدی آتاسین آغلادی هر شام و سحر
خاطری درده گلوب توکدی یوزه اشک بصر
بیر بیله محنت صبر ایلماق آساندی مگر
گتوروم هانسی ملالین داخلی تعدادی بوگون
.
.
هاردا سو گوردی دوروب سسلدی. ایوای بابا وای
کسیلن باشی اولان قانینه غلطان بابا وای
سویولان رختی قالان پیکری عریان بابا وای
آغلارام سلیم و قایم سنه دنیاده بوگون
.
.
گون قباقینده قالوب مدفنی چوخ زار نزار
یاندورار شیعه لرین فابین او نسگل لی مزار
سالار هر بیر گورنون قلبینه بو غصه شرار
بیر نفر یوخدی او یرده گله فریاده بوگون
.
.
ای صبا دوشسه یولون کرب و بلا دشتینه گر
ویر فراط اوسته یاتان قولسوز علمداره. خبر
سویله سجاد اولوری گل خبرین یوخدی مگر
تسلیت ویرماقا گل عترت امجاده بو گون
.
.
بیرده شهزاده علی اکبره آندور بو سوزی
قارداشون جان ویروری یولدا قالا قویما گوزی
چون بولور محنت هجران نجه مشکلدی اوزی
قویما حسرتده بو رنجوری گل امداده بوگون
.
.
عترتی یکسر آلوب شوریله صاق و صولونی
گوزلور اما آتاسی شاه شهیدین یولونی
ایستری سالسون اونون بوینونا بلکه قولونی
گورماقا مظلوم آتاسین اولوب آماده بوگون
.
.
.
.
#سبک_زینبم_جان_اوستیم … 4 سبک
.
.

متن پیشنهادی:  دوشدوم دوه دن،ساخلا بی بی یولدا قطاری #راه_شام_فقیر_خویی

#سبک_یارالی_جان_یارالی … 4 سبک
.
.
.
.
#سجادیه_شهادت
#آغلیون_شیعه_گلون_ناله_و_فریاده_بوگون
#علی_اصغر_فریدی
#ترکی
.
✍️ #زبدةالاشعار ✍️
.
?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی